Кеча «ПСЖ»нинг «Монпелье»га қарши ўйинида можаро юзага келди. Иккинчи бўлимда Тухел Мбаппени захирага олди. Аммо…
Биз захирага олинган футболчиларнинг майдонни индамай тарк этишганига кўп гувоҳ бўламиз, айниқса, жамоа ғалаба қозониб турган бир пайтда. Лекин Мбаппе Тухелнинг бу қарорини маъқулламади – Тухелдан норози эканлигини ошкора кўрсатди. Захира ўриндиғида эса ўйинни ёмон кайфиятда кузатди.
Тухел бундай лаҳзаларни изоҳлаб ўтирмасди. Аммо кечаги воқеага муносабат билдирди. "Вазият унчалик яхши эмас, аммо биз бундай реакцияга дуч келган ягона клуб эмасмиз. Бундай ҳолатлар чалғитади. Мен ғазабланмайман, лекин хафа бўламан, чунки бу керак эмас эди. Мен мураббийман ва ҳар доим қарор қиламан. Биз теннис эмас, футбол ўйнаймиз. Биз барчани ҳурмат қилишимиз керак", деди Тухел.
Бу Мбаппе Тухел билан тўқнашаётган биринчи ҳолат эмас. Баъзан Мбаппе ўз ҳаракатлари ва баёнотлари билан уни ғазаблантиради, баъзида жамоада тўқнашувлар юз беради:
• Декабрь: Мбаппе ўзини захирага олган Тухелга норози эканлигини айтди. Тухел эса шундай жавоб берди: «Килиан норози бўлса ҳам, менинг қарорларимни қабул қилади. Биз Шупо-Мотингни ҳурмат қилишимиз керак, у ҳам ўйнашга лойиқ. Учрашув Килиан учун осон кечмади».
• Ноябрь ойида кўпчилик Неймар ва Мбаппенинг муносабатлари ҳақида қайғурди. Тухел бу «ПСЖ» учун энг муҳимларидан бири эканлигини бир неча бор таъкидлади.
• Май ойида Мбаппе ва Тухел ўртасида ёқимсиз суҳбат бўлиб ўтди. Мбаппе буни англади. Тухел уни «ПСЖ»нинг энг муҳим ўйинчиси деб билмайди, ҳар ҳолда Килиан шундай фикрга келди.
• Ўтган мавсумда Мбаппе Зиданга "Реал"ни ёқтириши ҳақида гапирди. Зидан жавоб берди – у Мбаппени Мадридда кўриш ёқимли бўлишини айтди. Тухелнинг жавоби эса шундай бўлди: "Буларнинг барчаси бироз зерикарли. Мбаппе ҳозирда "ПСЖ" футболчиси. Келажакда уни нима кутаётганини билмайман».
• 2018 йил сентябрь ойида Мбаппе "Нимь" ўйинчиси Тежа Саванниерни итаргани учун майдондан четлатилди, шундан сўнг у уч ўйинга дисквалификация қилинди ва шундай деди: "Мен ўзимни шундай тутганимдан афсусланмайман. Агар бу ҳолат яна такрорланса, мен яна шу ишни қилардим. Мухлислардан, барчадан узр сўрайман. Аммо рақибларнинг бундай ҳаракатларига сабр қилолмайман». Тухел эса Мбаппенинг бу ҳаракатларидан норози эканлигини яширмади.
«ПСЖ» билан Мбаппенинг шартномаси 2022 йилнинг ёзига қадар амал қилади ва энди француз журналистларининг ёзишича, Тухел ва Мбаппе ўртасида қанча кўп можаро бўлса, Килианни жамоада олиб қолиш эҳтимоли шунчалик камаяди.
Яқинда Мбаппенинг ўзи шартномани узайтириш ҳақида гаплашмаслигини айтди, чунки бунга вақт йўқ эди. «Блеачер Репорт» хабарига кўра, Мбаппе ва унинг вакиллари келгуси ёзни кутишмоқда – кейин "Реал" Мбаппе учун «ПСЖ»га расмий таклифини киритади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
