Stadion.uz Гвардиоланинг энг сўнгги интервюларини тақдим этишда давом этади.
Англиянинг “Манчестер Сити” жамоаси бош мураббийи Пеп Гвардиола “Лестер”га қарши учрашув олдидан ўз фикрлари билан ўртоқлашиб ўтди.
- Айни дамда Жамоангизда жароҳат олганлар сони ортиб бормоқда. Стерлинг, Сане ва Давис Силвалар қачон майдонга қайтишади?
- Уларнинг аҳволи яхши, бироқ ўйинга тушишга тўлиқ тайёр эмас. Давис Силва тажрибали футболчи. У вазиятга тўғри баҳо берди ўз жароҳати борасида бизга аввалроқ хабар берди. Раҳим деярли тикланиб бўлди. У ўзини яхши ҳис этмоқда. Лерой ҳам ўзини яхши ҳис этмоқда, бироқ унга кўпроқ вақт талаб этилади. 6 ой футболдан четда қолган футболчини майдонга туширишга шошмаслик керак
- Яқиндагина Раҳим Стерлинг “Реал Мадрид” жамоаси ҳақида илиқ фикрлар билдирди. Худди бир қўлида “Реал Мадрид” футболкасини ушлаб сўзлагандек туюлди барчага. Ушбу интервюга қандай фикр билдарасиз?
- Футболчилар ўзлари ўйлаётган ва ишонаётган нарсалар борасида истаганларини айтишлари мумкин. Биз бу ерда уларнинг фикрларини бошқариш учун фаолият олиб бормаяпмиз. Бу одатий ҳол. Агар у Мадрид медиасига интервью берган бўлса, демак Мадрид ҳақида сўзлашига тўғри келган. Бу нормал ҳолат.
- Сиз жамоа билан қолишингиз тўғрисида баёнот бердингиз. Футболчиларингиз ҳам сиздек йўл тутадими?
- Мен футболчиларимнинг вафодор эканлигига юз фоиз ишонаман. Улар билан бир ё икки кундан бери ишлаётганим йўқ. Улар узоқ йиллардан бери ўз садоқатини намойиш этиб келишмоқда. Шунга қарамай, мавсум сўнггида нималар рўй беришини ҳеч ким олдиндан айта олмайди. Ёзда барчамиз муҳим қарорларни қабул қилишимизга тўғри келади. Клуб доиммо футболчилар билан алоқада бўлишга интилади. Айни дамда, биз бирлашган холда, барча ўйинларда бор кучимиз билан ҳаракатланишимиз даркор. Ўз йигитларимдан кўнглим тўқ.
- Пеп Бренден Рожерс сизни биринчи бор мағлуб қилишни олдига мақсад қилиб қўйганини маълум қилди. Айтинчи, унинг жамоаси кўрсатаётган ўйинлар ҳақида қандай фикр билдирасиз?
- Майдонда мен у билан тўп сурмаяман. Бизнинг жамоаларимиз футбол ўйнашади. Шу сабабли саволингизнинг биринчи қисмини очиқ қолдираман.
Мен Рожерснинг “Ливерпуль” ва “Селтик”даги фаолияти билан яхши танишман. Очиғи унинг жамоаси кўрсараётган агрессив футболга қойил қолмасликнинг иложи йўқ. Бундан ташқари, Рожерс доиммо жамоадаги атмосферани яхшилашга урунади. Шунингдек, уларда селекция ишлари ҳам яхши йўлга қўйилганини алоҳида қайд этиб ўтиш жоиз. Жамоа шу жиҳат борасида жуда яхши иш олиб бормоқда. Клуб скаулари клуб учун фойдали ва керакли кадрларни етказиб туришда беназир.Ўйлашимча, бундай жамоалар АПЛни янада қизиқарлироқ бўлишини таъминлаб беради.
- Жимми Варди “Манчестер Сити”га энг кўп гол киритган футболчилардан бири. Бунинг сабаби нимада?
- Сабаби унинг позитсияси дарвозамиздан атиги 40 метр узоқликда жойлашган ва Жимми бундан унумли фойдаланмоқда. Менимча, Варди фақат бизга гол урмаса керак. У АПЛнинг деярли барча жамоаси дарвозасини ишғол қилганини ҳам қўшиб қўйинг. У юқори темпни сўнгги дақиқаларда ҳам ушлаб тура оладиган ҳужумчилардан. Айниса жарима майдончаси ичида унинг ҳаракатлари тулкини ислатиб юборади. Чаққон, курашувчан ва жамоавий футболчи. Унинг ўйинларидан доиммо завқланганман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
