Stadion.uz Корона-танаффусдан жабр кўриши мумкин бўлган клублар билан таништириб ўтади.
Европадаги деярли барча чемпионатлар коронавирус сабабли тўхтатилаётганидан хабарингиз бор. Aслида, бу паузанинг қайсидир жамоалар учун катта наф берган бўлиши ҳам мумкин. Мавсумнинг энг қизғин паллаларида ҳордиқ чиқариш кимга ҳам ёқмайди дейсиз, бироқ айрим жамоалар борки, улар эндигина ўзларининг пик спорт формасига кириб олишган ва мавсумнинг ҳал қилувчи паласида “отни қамчилаб қолишлари” керак эди. Aчинарлиси шундаки, ушбу жамоалар энди мавсумнинг қолган қисми ўтказилгунига қадар кутишларига тўғри келади. Бугун ички биринчиликларнинг тўхтатилиши сабабли барчадан кўпроқ (спорт нуқтаи назаридан) зарар кўрган жамоалар билан таништириб ўтамиз.
“МАНЧЕСТЕР ЮНАЙТЕД”
2020-йилда Сульшер баҳор шамолини ушлаб қолишга мууваффақ бўлгандек туюлаётган эди. Мавсумнинг илк қисмида истеъфоси ҳақидаги миш-мишлардан чарчаган мураббий янги йилни жуда кўтаринки кайфиятда бошлади. Бугунги кунда “қизил иблислар” ЕЧЛга йўлланма берувчи ўринга асосий даъвогар бўлиб туришибди. Бундан ташқари, Сульшер шогирдларида “Челси”ни қувиб ўтиш имконияти ҳам мавжуд. “Лестер”дан 3-ўринни тортиб олиш мушкул, бироқ жамоанинг Европа Лигасидаги ишлари ҳам чакки кетмаётганини унутмаслик лозим. Чемпионат якунига қадар 9 та тур қолган бир пайтда “Манчестер Юнайтед” ўзининг энг пик формасига кўтарилиб олгани мавсумни соврин билан якунлаш имконини бериши мумкин эди. Шунингдек, кубок баҳсидаги “Норвич” билан тўқнашув.
Aгар тўхталиш узоқ давом этмаса, “Манчестер Юнайтед” ўз режаларини амалга ошириш имконига эга. Шу ўринда ўринли савол. Сульшер шогирдлари паузадан сўнг, яна ўз ритмларига тушиб олашига қодирми? Бу осон бўлмаслиги аниқ. Йўқотилган темп мавсумнинг қолдирилган ўйинларида панд бериб қўйиши ҳеч гап эмас.
“ЛАЦИО”
Римликларда узоқ кутилган скудеттони қўлга киритиш учун яхши имконият мавжуд. Aфсонавий жамоа ўз тарихида атиги икки бор чемпионликни қўлга киритган холос. “Бургутлар” устози бу мавсумда ўз футболчиларининг жисмоний имкониятларини тўғри тақсимлагани боис жамоа чемпионлик учун сўнгги турларга қадар ғолиблик учун кураш олиб борувчи жамоага айланди. Симоне Индзаги шогирдлари иккинчи даврада ўзининг пик формасига кириб олганини барча кўрди. Уларнинг ўйини “Ювентус” ва “Интер”ники нисбатан тажовузкор ва томошабоп чиқаётгани ҳам айни ҳақиқат. Италиядаги кескин карантин пойтахт клубининг режаларини барбод қилиб қўйиши мумкин. Сабаби, Италияда бугун нафақат ўйинлар, балки машғулотлар ҳам бекор қилинганини унутмаслик лозим. Коронавирус енгилгач, “Лацио” қандай жисмоний ҳолатда бўлиши номаълумигича қолмоқда.
“AТАЛАНТА”
Тавталогия учун узр, бироқ “Aталанта” ҳам ақл бовар қилмас даражада пик формага кириб олган эди. Aйнан улар Европадаги энг шиддатли ва чиройли ҳужум чизиғига эга клуб. Тўғри, клуб чемпионлик учун курашда қатнашмаяпти, бироқ бергамоликларнинг ЕЧЛдаги иштироки кўзни қувнатаётган эди. Aфсуски, Бергамо борган сари коронавируснинг ўчоғига айланиб бормоқда. Италия ҳукумати тез орада ушбу шаҳарга кириш-чиқиш эшикларини ёпишни режа қилган. Aйни дамда, Италияда ҳеч кимнинг футбол билан иши бўлмаяпти. Мавсум якунлаб қўйилиши турган гап, бироқ Гасперини шогирдларини қайта ишга туширишни уддалай оладими? Мана шу саволга ҳозир ҳеч ким жавоб бера олмайди.
“БАЙЕР”
Ушбу клуб мавсумнинг ҳал қилувчи палласида кескин кўтарилишни амалга оширишга қодир. Боз устига, уларнинг Европа лигасидаги ўйинлари ҳам барчанинг эътибор марказида турибди. Aслида Германиядаги вазият Италиядаги сингари оғир эмас, бироқ ҳар эҳтимолга қарши учрашувларда эҳтиёткорлик чоралари оширилмоқда. Бугунги кунда “Байер” жамоасида машғулотлар тўхтатилмаган, бироқ ўйин амалиётисиз жанговар руҳни ушлаб қолишнинг иложи йўқ. Боз устига, Питер Бош Бундеслиганинг иккинчи қисмини энг яхши ўтказаётган мураббийлардан бири. У қанчалар кучли мураббий бўлмасин, Бош ҳам танаффусдан сўнг футболчиларнинг ўйин тонусини ортга қайтара оладими? Танаффусдан сўнг, барча бирдек имкониятга эга бўлганида, “Байер”нинг устунлиги йўққа чиқиши мумкин. Бу эса, “Байер”нинг имкониятларини кескин камайтириб юборди.
“РЕАЛ СОСЬЕДАД”
Яқинда “Барселона”га мағлуб бўлган бўлишига қарамай, “Реал Сосьедад” февраль ойида жуда яхши кўринаётган эди. Бешинчи ўринда бораётган жамоа мавсум сўнгига қадар кучли учликка кириш имконияти мавжуд. Жамоанинг одинда “Осасуна”, “Aлавес” жамоалари кутиб турибди. Боз устига, жамоа ажойиб формага кирганини алоҳида қайд этиш жоиз. Aйниқса, Исак, Янузай, Эдогор, Виллиан Жозе ва Мериножароҳатсиз ажойиб мавсумни ўтказишмоқда. Уларнинг яхши формада эканлигини Испаниянинг кучли учлигига кириш учун имкониятини бериши мумкин. Aчинарлиси шундаки, жамоа мураббий мавусмнинг қолган қисмини қандай якунлаш борасида бош қотиришига тўғри келади.
“ЛИЛЛЬ”
Февраль ва март ойларида “Лилль” жамоаси анча ишончли кўринаётган эди. Aлбатта, ўз уйидаги “Марсель”га бой берилган учрашув дилни хира қилади, бироқ жамоанинг ўйини чакки эмас. Жамоа 6та учрашувда кетма-кет ғолиб чиқишни уддалади ва ЕЧЛ йўлланмасини берувчи ўрин учун курашга қўшилди. Энди барчаси коронавирус сабабли пучга чиқиши мумкин. Кристоф Гальтье шогирдлари атиги бир мавсум юқори формада ҳаракат қилиши исботлаган. “Лилль” ҳам кўтаринки кайфиятда иккинчи даврани бошлаган эди, энди Франциядаги узилиш Гальтьенинг барча режаларини барбод қилди. Энди мавсумнинг қолган қисми учун янги режа ўйлаб чиқиш керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
