Ушбу рукнимиздаги энг сўнгги янгиликлар билан таништириб ўтишда давом этамиз.
“Челси” дарвозабон излашда давом этмоқда
Лондоннинг “Челси” жамоаси ёзда дарвозабон сотиб олишни режалаштираётганидан хабарингиз бор. Кепа Аррисабалага билан Френк Лемпард ўртасидаги келишмовчилик сабабли “аристократ”лар янги мавсумни янги дарвозабон билан бошлашлари аниқ бўлиб улгурди. “The Sun” нашри берган хабарларга қарагада, жамоа шу кунларда “Удинезе” клуби посбони Хуан Муссо вариянтини кўриб чиқмоқда.
Маълумотларга қараганда, Лондон клуби дарвозабон учун 15 миллион евро тўлашига тўғри келади. Шунингдек, Муссо учун “Милан” ва “Интер” клублари ҳам кураш олиб боришади.
Эслатиб ўтамиз, бу мавсумда Хуан 26 та учрашувда майдонга тушди ва 9 та ўйинда ўз дарвозаси даҳлсизлигини сақлаб қолди.
“Интер” Лаутаронинг ўрнига кимни олади?
“Милан”нинг “Интер” жамоаси ёзда клубни тарк этиши кутилаётган Лаутаро Мартинеснинг ўрнини “Манчестер Юнайтед” ҳужумчиси Антони Марсиял билан тўлдиришни режалаштирмоқда.
Бу ҳақида бир нечта Италия нашрлари маълумот тарқатган. Аввалроқ франсиялик футболчининг ўзи клуб ЕЧЛда иштирок этмаса, уни тарк этиши ҳақида баёнот берган эди. Айни дамда ҳужумчини қўлга киритишни истаган клуб камида 60 миллион евродан воз кечиши талаб этилади.
Маълумотларга қараганда, “Интер” бу суммани 45 миллион еврога камайтириш учун ўз футболчиларидан бирини трансферга қўшишни режалаштирмоқда.
РПЛ ҳужумчиси АПЛга ўтадими?
Москванинг ЦСКА клуби ҳужумчиси Фёдор Чалов ёзда барибир Англияга йўл оладиган кўринади. “TheSun” нашри берган хабарларга қараганда, россиялик футболчининг ҳизматлари билан Англиянинг бир йўла учта жамоаси қизиқиш билдирган. Унга кўра, “Кристал Пелас”, “Вест Ҳем” ва “Брайтон” клублари Чаловни ўз таркибида кўришни истамоқда.
Манба берган хабарларга қараганда, бу курашда “Кристал Пелас”нинг имкониятлари яхшироқ. Сабаби, ҳужумчи билан клуб бош мураббийи Рой Хожсоннинг шахсан ўзи қизиқиб қолган бўлиб, тажрибали мураббийи жамоанинг ҳужум чизиғини буткул янгилашни режалаштирмоқда.
Россия клуби ҳужумчисни 25 миллион евро эвазига қўйиб юбормоқчи. Бундан камига “армиячилар” рози бўлишмаслиги аниқ.
Алаба икки гранд нишонида
Мюнҳеннинг “Бавария” клуби унверсал футболчиси – Давид Алаба бир йўла икки гранд нишонида турибди. Таниқли “Bild” нашри берган хабарларга қараганда, футболчи билан Испаниянинг “Реал Мадрид” ва “Барселона” клублари жиддий қизиқиш билдирмоқда.
Манба берган хабарларга қараганда, футболчининг ўзи тезроқ жамоани тарк этиш фикридан қайтмаган ва катта эҳтимол билан тез орада ўзини трансферга қўйишларини талаб қилади.
“Бавария” ва футболчи ўртасидаги шартнома 2021-йилда ўз якунига етади. Ҳозирча томонлар янги шартнома борасида келишувни амалга оширишгани йўқ. Мюнҳен клуби Алфонсо Девис тез орада Алабанинг ўрнини тўлиқ босишини таҳмин қилгани боис, австрялик футболчини ёзда сотиб юборишга қарши эмас.
“Наполи” Азмунни қўлга киритмоқчи
Италиянинг “Наполи” клуби ёзда Сардор Азмунни қўлга киритиш учун қўлидан келган барча ишни амалга оширади. Бу ҳақида “CorrieraDellaSport” нашри маълум қилган.
Манба берган хабарларга қараганда, Италия клуби коронавирус муаммоси бартараф этилиши билан Азмуннинг трансфери борасидаги ишларни бошлаб юборади.
Эслатиб ўтамиз, эронлик футболчининг бугунги кундаги трансфер нархи 18 миллион еврони ташкил этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
