Испания чемпионатининг 35-тури доирасида "Барселона" клуби ўз уйида "Эспаньол"ни қабул қилиб, осон бўлмаган ғалабани қўлга киритди.
Сетьен шогирдлари, 3 кун аввал "Вильярреал"га қарши бўлиб ўтган учрашувдан фарқли равишда, бу сафар у қадар ёрқин ўйин намойиш эта олишмади. Шу боис, биринчи бўлимда "кўк-анорранглилар"нинг позицион ҳужумларидан кўра "Эспаньол"нинг қарши ҳужумлари анча хавфли бўлди. Айниқса, тайм сўнгида Дидакнинг зарбасидан кейин тўп устунга тегди.
Иккинчи бўлим эса кутилмаган воқеалар билан бошланди. Тайм бошида Ансу Фати майдонга тушдию, орадан 4 дақиқа ўтиб эҳтиётсиз ҳаракат оқибатида майдонни тарк этди. Ҳакам видеотакрор ёрдамида 17 ёшли футболчига қизил карточка кўрсатди.
Орадан 3 дақиқа ўтиб эса меҳмонлар ярим ҳимоячиси Поль Лосанога ҳакам дастлаб сариқ карточка кўрсатди. Вазиятни такроран кўргач эса "сариқ"ни "қизил"га айлантирди.
56-дақиқага келиб ҳисоб очилди. Мезбонлар рақиб жарима майдони ичида чиройли ҳужум ташкил қилишди. Гризманн тўпни товони билан Мессига қолдирди, Леонинг зарбасини дарвозабон қайтарди. Қайтган тўпни эса Суарес дарвозага жойлаб қўйди.
Битта тўп фарқи қалтис ҳисоб эканини билган ҳолда "Барселона" кам сонли бўлса-да ҳужумлар уюштириб турди. Лео Месси томонидан йўлланган кучли зарбани Диего Лопес қийинчилик билан қайтарди.
Баҳс сўнгида эса "Эспаньол" мезбон жамоа мухлисларини хавотирда ушлаб турди, аммо мағлубиятдан қутулиб кета олмади.
Ушбу ғалабадан кейин "Барселона" ўз очколарини 76тага етказиб олди. 77 очко жамғарган "Реал" ўз ўйинини 10 июль куни "Алавес"га қарши ўтказади.
"Эспаньол" эса Ла лигани тарк этиб, Сегундага йўл олди.
Испания Ла лигаси, 35-тур
Барселона – Эспаньол 1:0 (0:0, 1:0)
Гол: 1:0 – 56 Суарес.
Барселона – тер Штеген, Альба, Лангле, Семеду (Фати, 46), Серджи Роберто, Бускетс, Ракитич (Араухо, 90), Пике, Суарес (Брэйтуэйт, 82), Гризманн (Видаль, 71), Месси.
Эспаньол – Диего Лопес, Дидак Вила, Виктор Гомес, Калеро (Дардер, 66), Давид Лопес, Эмбарба (Кампусано, 74), Лосано, Кабрера, Рока (У Лэй, 86), Эспиноса, де Томас.
Огоҳлантиришлар: де Томас (45), Давид Лопес (90).
Четлатишлар: Фати (50), Лосано (53).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
