Хабарингиз бор, “Навбаҳор” жамоаси 2021 йилги мавсумдан иқтидорли ёшларни тарбиялаб, уларнинг катта футболда ўз ўринларини топишларида кўмаклашиш ва албатта, уларнинг вақти келиб, “Навбаҳор”нинг асосий таркибида тўп суришларини таъминлаш мақсадида янги стратегия асосида иш юритадиган бўлди. Жамоа раҳбарияти асосий таркибдан ташқари, ёшлар жамоаларининг ҳам чемпионатда муносиб иштирок этишлари учун зарур шарт-шароитларни яратиб беришмоқда, улар билан турли учрашувлар ўтказиб, янги мақсадлар сари руҳлантиришмоқда.
Жумладан, бугун Намангандаги “Марказий” стадионида “Навбаҳор” ПФК президенти Отабек Саматов “Навбаҳор-U-18” жамоаси футболчилари билан учрашиб, уларга янги мавсумда омад ёр бўлишини тилади.
- Авваламбор, “Навбаҳор” билан шартнома имзолаб, жамоанинг тўлақонли аъзосига айланганингиз билан барчангизни табриклайман, - деди Отабек Арифович. - Биласиз, “Навбаҳор” мамлакатимизнинг энг номдор жамоаларидан бири ҳисобланади, демакки, сизлар ҳам шуни дилдан ҳис қилган ҳолда, майдонда бор иқтидорингизни намоён этишингиз, “Навбаҳор” либосида тўп суришга муносиб эканлигингизни исботлашингиз керак. Хабарингиз бор, жамоага тажрибали Виктор Романович Жалиловни таклиф қилганмиз, наманганлик кўплаб иқтидорли ёшларни саралаб, уларнинг катта футболда ўз ўрнини топишига ҳисса қўшган ушбу мутахассис сизларнинг ҳам майдондаги ҳаракатларингизни шахсан кузатиб, ўйинингизни баҳолаб боришини инобатга олинглар. Унутманг, бу даража жиҳатидан ўсишингиз учун катта имкониятдир. Ким ўзидан ёрқин таассурот қолдирса, албатта, босқичма‑босқич ривожланиб, насиб қилса, “Навбаҳор”нинг асосий жамоаси сафида тўп суради. Янги мавсум олдидан барчангизга омад ва зафарлар ёр бўлишини, жароҳатлардан йироқ юришингизни тилаб қоламан.
Таъкидлаш жоизки, “Навбаҳор” ПФК президенти “Бу йил чемпион бўламизми?” деб сўраганда, ёш футболчилар бир овоздан “Ҳа” дейишганини алоҳида эътироф этиш жоиз. Бугунги кунда Аъзам Ражаббаев устозлик қилаётган “Навбаҳор-U-18” жамоаси сафида иқтидорли ёшлар бисёр. Албатта, мавсум давомида ўзидан ёрқин тассурот қолдирган ёшлар билан мунтазам таништириб боришни режалаштирганмиз. Уларни бугун яхшилаб таниб олсак, катталар жамоаси ўтишганида, “Навбаҳор”нинг янги стратегияси нечоғли фойда келтирганига гувоҳ бўлишимиз мумкин.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
