Қўқондаги "Марказий" стадионида "Қўқон-1912" жамоаси Тошкентнинг "Бунёдкор" клубини қабул қилди. Шиддатли тарзда ўтган баҳсда ҳисоб очилмади.
Учрашув кутилганидек, ҳужумкор руҳда бошланди. 1-дақиқада чап қанотдан Собиржонов узатган тўпни Ҳасанов боши билан дарвозага йўллади. Зарбага аниқлик етишмади. 5-дақиқада мезбонлар томонидан хавфли ҳужум ташкил этилди. Ягудин жарима майдонини тарк этиб тўпни қайтарди, Норбеков узоқдан зарба беришга уринди, тўп ҳимоячиларга тегиб қайтди. Орадан бир дақиқа ўтиб, Лукичнинг ўнг қанотдан узатган тўпини Мерзляков яқин масофадан ноаниқ йўллади. 11-дақиқада меҳмонларда ҳам яхши имконият юзага келди. Мираҳмадовнинг бош билан йўллаган зарбасини дарвозабонимиз ушлаб олди. 44-дақиқада ўнг қанотдан Холмуҳаммедов узатган тўп Собиржоновга тегиб дарвоза устидан ўтиб кетди. Танаффусга жамоалар нурсиз дуранг билан чиқиб кетишди.
Иккинчи бўлим ҳам худди биринчиси каби кескин курашлар остида бошланди. 49-дақиқада Муҳаммаданас Ҳасанов ўз қанотида чиройли ҳаракатлари билан мухлисларнинг олқишларига сазовор бўлди. 59-дақиқада эса рақибларимизда яхши имконият юзага келди. Расул Йўлдошевнинг кутилмаган зарбасини Абдуллаев уриб юборди. Орадан бироз ўтиб, Бамба акробатик зарба бермоқчи бўлди, тўпни ҳимоячилар қайтаришди. 79-дақиқада Ҳасанов боши билан дарвозага зарба берди, Ягудин тўпни қайтарди. 83-дақиқада захирадан майдонга тушган Андрей Сидоров ҳамда Анвар Хожимирзаевда қулай имконият бўлган эди.
Ҳакам томонидан қўшиб берилган дақиқаларда мезбонлар ҳисобни очишга жуда яқин келишди. Мурод Холмуҳаммедовнинг жуда кучли зарба, бирозгина ноаниқ бўлди. Акс ҳолда дарвозбон бу зарбани қайтариши қийин эди.
Шу тариқа, жанговар руҳда ўтган баҳсда ҳисоб очилмади.
Coca Cola Суперлига, 4-тур
ҚЎҚОН-1912 – БУНЁДКОР - 0:0
Ҳакамлар: Шавкат Насибуллаев, Сардор Нишонбоев, Аваз Абдуллаев, Абдурашид Худойберганов.
Назоратчи: Александр Попов.
Комиссар: Шоҳруҳ Саид.
"Қўқон-1912": 1. Музаффар Абдуллаев, 5. Славко Лукич, 7. Асадбек Собиржонов, 10. Шохназар Норбеков (18. Анваржон Хожимирзаев, 81), 11. Мўмин Мелиев (99. Андрей Сидоров, 73), 15. Ойбек Рустамов, 22. Муҳаммаданас Ҳасанов, 23. Александр Мерзляков, 33. Иван Йосович, 70. Мурод Холмуҳаммедов, 91. Якуба Бамба (20. Иқбол Маликжонов, 70).
"Бунёдкор": 1. Равшан Ягудин, 4. Давронжон Эргашев, 10. Хуршид Ғиёсов, 11. Расул Йўлдошев (9. Фаррух Икромов, 70), 13. Лутфулла Тўраев, 14. Миржаҳон Мираҳмадов (22. Шаҳбоз Эркинов, 82), 17. Одилжон Абдураҳмонов, 19. Нурилло Тўхтасинов, 30. Абдулла Абдуллаев, 34. Суҳроб Иззатов (7. Суннатилла Абдуллажонов, 88), 37. Муҳаммадодил Қаҳрамонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
