Туркиянинг Анталия шаҳрида Чеченистоннинг биринчи президенти Аҳмад-ҳожи Қодиров хотирасига бағишлаб ўтказилаётган турнирнинг «В» гуруҳи 2-турида «Пахтакор» бугун Украинанинг Харьков шаҳри «Металлист» клубига қарши майдонга тушди.
Ўйин Тошкент вақти билан 18:00 да бошланди.
«Пахтакор» матбуот хизмати ходими Беҳзод Назаровнинг ўз твиттерида тарқатган хабарлари ва «Металлист» расмий сайтидаги онлайн трансляцияга асослансак, 12-дақиқада Фарҳод Тожиев офсайдга тушиб қолишдан тийилиб, дарвозабон билан яккама-якка чиқиб борган ва дарвоза томон зарба берди. Диленкович дастлабки зарбани қайтарган эса-да, тўп яна Фарҳодга бориб тушди ва у иккинчи уринишда ҳисобни очди — 1:0.
17-дақиқада харьковликлардан Вильягра «Пахтакор» жарима майдони яқинида тўпни аутдан ўйинга киритди. Тўпни қабул қилиб олган Кристальдони «шерлар» ҳимоячилари жарим майдони ичида йиқитишди. 11-метрлик жарима тўпи белгиланган. Кристальдонинг ўзи «нуқта»га яқинлашиб зарбани ижро этган – Темур Жўраев пенальтини қайтарди.
Иккинчи бўлим бошланишиданоқ ўйин курашларга бой бўлди. Айниқса украиналик футболчилар ҳисобда ўзгариш ясаш учун катта куч билан олдинга ташланишди. «Пахтакор» эса кўпгина вазиятлар кўпчилик бўлиб ҳимояланишга мажбур бўлди.
Харьковликларнинг бутун жамоа бўиб ҳужумга отланиши ўйин сўнгига бориб иш бермасдан қолмади. 85-дақиқада пахтакорчилар Кристальдони жарима майдонида чалишди. Темур Жўраев-Кристальдо дуэлининг иккинчисида украиналик футболчи ғолиб бўлди — 1:1.
89-дақиқада «шерлар» Эдмарни ҳам чалиб йиқитишди, бироқ яна пенальти белгилашга ҳакамнинг юраги бетламади.
Эслатиб ўтамиз, турнир низомига кўра, гуруҳ учрашувларининг ҳам асосий вақти дуранг биан тугаса пенальтилар сериясида ғолиб аниқланади. «Пахтакор» - «Металлист» сериясида Темур Жўраев серияда 3 та, ўйин чоғида 1 та пенальтини қайтарди ва «Пахтакор»нинг 4:3 ҳисобидаги ғалабасида муҳим роль ўйнади.
Шундай қилиб, «Пахтакор» яна ўйиннинг асосий таймларида ғалабани ушлаб қола олмади, бироқ пенальтилар сериясида ғолиб чиқиб дастлабки очколарига эга бўлди.
Аҳмад-ҳожи Қодиров хотира турнири. Анталия-2012
ПАХТАКОР (Тошкент) – МЕТАЛЛИСТ (Харьков) 1:1 (1:0)
Пенальтилар серияси бўйича: 4:3
Гол: Фарҳод Тожиев (12) – Кристальдо (85-пенальти)
Ноаниқ пенальти: Кристальдо (17-дарвозабон)
ПАХТАКОР: Жўраев, Шибамура, Клецков, Кримец, Ўрунов, Шарофетдинов, Маҳмудов, Климиашвили, Азизов, Шихов, Тожиев.
МЕТАЛЛИСТ: Дишленкович, Вильягра, Папа Гуйе, Торсигльери, Фининьо (Пшеничных – 46), Эдмар, Соса, Марлос (Девич – 63), Хавьер, Бланко, Кристальдо.
Огоҳлантиришлар: Ф.Тожиев (28), Климиашвили (53) — Кристальдо (28), Фининьо (32), Торсигльери (53)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
