Coca Cola Суперлига 15-туридан ўрин олган "Навбаҳор" - "Локомотив" (1:0) учрашувидан кейин ўтказиладиган матбуот анжуманининг дастлабки қисмида меҳмонлар бош мураббийи Микаэль Секейра қатнашиб, ўйин ҳақидаги фикрларини билдиради.
"Биринчи навбатда, "Навбаҳор"ни ғалаба билан табриклайман. Чунки бу жамоани одатда кўп мухлислари ўйинларга ташриф буюришади, лекин "Локомотив" бугун мезбонлардан яхшироқ ўйин кўрсатди. Ўйинни назорат қилдик. Аммо бугун "Навбаҳор" дарвозабонининг энг яхши ўйини бўлди. Лекин жуда хурсандман, бугун футболчиларимиз кўрсатмаларимизни яхши бажаришди. Ўйлашимча, шу йил давомида футболчиларимиз ҳақиқий жамоавий ўйин кўрсатишди. Биз яратган вазиятлар пайти тўп дарвоза тўсинига тегди, дарвозабон қайтарди. Тўғри, ўйин охирида битта хато эвазига гол ўтказиб юбордик. Ўйинда ғалаба қозониш учун барча ишни бажардик, лекин омадимиз юришмади. Бугунги ўйин орқали Европада қандай тўп суришларини кўрсатиб бердик, - дейди Микаэль Секейра.
- Авваламбор, Ўзбекистонга пул учун келмаганман. Асосий мақсадим бу ердаги футбол ривожига ҳисса қўшиш. Бугунги ўйинга аввалдан тайёр бўлиб келгандик, шунга яраша ўйин намойиш этдик. Асосий мақсадимиз майдон марказида тўпни рақибга бермасликка интилдик. Биласиз, ким имкониятлардан фойдалана олмаса, рақиб гол уриб кетади. Бугун ҳам шундай бўлди.
- Одатда, "Навбаҳор" мухлислари стадионни тўлдириб туришади. Пандемия сабаб уларнинг йўқлиги албатта, билинди.
- "Навбаҳор"да яхши футболчилар йиғилган. Биринчи навбатда, мухлислари кўплигини ҳам таъкидламоқчиман. Ҳамма нарса бор бу жамоада. Қандайдир камчиликлари бўлса улар вақти соати билан бартараф бўлади, албатта.
- Абдухолиқов деярли бир ой ўйнамади. Бугун 70 дақиқа ўйнаган бўлса, астойдил ҳаракат қилди. Унга бироз вақт керак яхши формага кириб олиши учун. Рақиб жамоа дарвозабони яхши ўйнамаганда, бугун биз натижага эришишимиз мумкин эди. Мен бераётган жисмоний юкламаларга бугун таркибимизда йиғилган футболчиларнинг ҳаммаси тайёр. Шунчаки, бироз омад етишмаяпти. Кўряпсизлар, бир ўйинда омад келяпти, бошқасида эса йўқ. Ҳар қандай ҳолатда ҳам, бу ердан бошимдан тик кўтарган ҳолда, "Локомотив" ўйинини яхшилаган ҳолда кетаман", - дея фикрларини якунлади "темирйўлчилар" бош мураббийи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
