Coca Cola Superliga 15-turidan o‘rin olgan "Navbahor" - "Lokomotiv" (1:0) uchrashuvidan keyin o‘tkaziladigan matbuot anjumanining dastlabki qismida mehmonlar bosh murabbiyi Mikael Sekeyra qatnashib, o‘yin haqidagi fikrlarini bildiradi.
"Birinchi navbatda, "Navbahor"ni g‘alaba bilan tabriklayman. Chunki bu jamoani odatda ko‘p muxlislari o‘yinlarga tashrif buyurishadi, lekin "Lokomotiv" bugun mezbonlardan yaxshiroq o‘yin ko‘rsatdi. O‘yinni nazorat qildik. Ammo bugun "Navbahor" darvozabonining eng yaxshi o‘yini bo‘ldi. Lekin juda xursandman, bugun futbolchilarimiz ko‘rsatmalarimizni yaxshi bajarishdi. O‘ylashimcha, shu yil davomida futbolchilarimiz haqiqiy jamoaviy o‘yin ko‘rsatishdi. Biz yaratgan vaziyatlar payti to‘p darvoza to‘siniga tegdi, darvozabon qaytardi. To‘g‘ri, o‘yin oxirida bitta xato evaziga gol o‘tkazib yubordik. O‘yinda g‘alaba qozonish uchun barcha ishni bajardik, lekin omadimiz yurishmadi. Bugungi o‘yin orqali Yevropada qanday to‘p surishlarini ko‘rsatib berdik, - deydi Mikael Sekeyra.
- Avvalambor, O‘zbekistonga pul uchun kelmaganman. Asosiy maqsadim bu yerdagi futbol rivojiga hissa qo‘shish. Bugungi o‘yinga avvaldan tayyor bo‘lib kelgandik, shunga yarasha o‘yin namoyish etdik. Asosiy maqsadimiz maydon markazida to‘pni raqibga bermaslikka intildik. Bilasiz, kim imkoniyatlardan foydalana olmasa, raqib gol urib ketadi. Bugun ham shunday bo‘ldi.
- Odatda, "Navbahor" muxlislari stadionni to‘ldirib turishadi. Pandemiya sabab ularning yo‘qligi albatta, bilindi.
- "Navbahor"da yaxshi futbolchilar yig‘ilgan. Birinchi navbatda, muxlislari ko‘pligini ham ta’kidlamoqchiman. Hamma narsa bor bu jamoada. Qandaydir kamchiliklari bo‘lsa ular vaqti soati bilan bartaraf bo‘ladi, albatta.
- Abduxoliqov deyarli bir oy o‘ynamadi. Bugun 70 daqiqa o‘ynagan bo‘lsa, astoydil harakat qildi. Unga biroz vaqt kerak yaxshi formaga kirib olishi uchun. Raqib jamoa darvozaboni yaxshi o‘ynamaganda, bugun biz natijaga erishishimiz mumkin edi. Men berayotgan jismoniy yuklamalarga bugun tarkibimizda yig‘ilgan futbolchilarning hammasi tayyor. Shunchaki, biroz omad yetishmayapti. Ko‘ryapsizlar, bir o‘yinda omad kelyapti, boshqasida esa yo‘q. Har qanday holatda ham, bu yerdan boshimdan tik ko‘targan holda, "Lokomotiv" o‘yinini yaxshilagan holda ketaman", - deya fikrlarini yakunladi "temiryo‘lchilar" bosh murabbiyi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
