Европада футбол бўйича янги мавсум эндигина бошланди, аммо оммавий ахборот воситалари катта умидлар билан олиб келинган, бироқ яхши натижа кўрсата олмаётган мураббийларнинг ишдан кетиши мумкинлиги ҳақида ҳар куни ёзишади. Бу спорт ҳақиқати: футболда мағлубиятга тоқат қилмайдилар ва омадсизликда биринчи навбатда мураббийлар гуноҳкорга айланади. Аслида ҳам шундай, жамоа имкониятни бой беряптими, албатта буни мураббий ўз бўйнига олиши керак. Ҳозир эса, «Stadion.uz» нашри яқин келажакда кимлар ишсиз қолиши мумкинлигини ҳақида фикр юритади.
Оле-Гуннар Сульшер («Манчестер Юнайтед»)
:focal(1282x238:1284x236)/origin-imgresizer.eurosport.com/2020/11/06/2930080-60195568-2560-1440.jpg)
Тез орада Сульшер «Манчестер Юнайтед» мураббийига айланганига уч йил тўлади. Ҳеч ким уни «қизил иблислар» сафида бунчалик катта вақт қолишини кутмаганди. Муваффақият!
Аммо, унинг клуби энг яхши таркибга эга бўлиши ва молиявий ҳолати зўр бўлишига қарамай, клуб Оле-Гуннар бошчилигида ҳали ҳеч қандай мусобақада зафар қучмади. Кичик кубоклар? Йўқ, йўқ, биз, Премер-лига ёки Чемпионлар лигаси ҳақида айтаяпмиз.
«МЮ» ёзда траснфер бозорини «портлатгани»га қарамай, жамоага Роналду, Санчо ва Варан каби юлдузларни олиб келса ҳам, «Манчестер Юнайтед»нинг ўйини ҳамон яхши томонга ўзгармаяпти. Англия Премьер лигасида «Астон Вилла»га 0:1 ҳисобида ютқазган «қизил иблислар» тўрт учрашувда учинчи мағлубиятини қабул қилишди. Улар аллақачон Лига кубогидан чиқариб юборилган ва Чемпионлар лигасида «Янг Бойз»га 1:2 ҳисобида мағлуб бўлишган эди.
Ҳозирча ваҳима қўзғашнинг ҳожати йўқ: «Юнайтед» турнир жадвалининг 4-поғонасида ва АПЛ чемпионлиги учун курашмоқда. Аммо, норвегияликнинг курсиси қимирлаб қолган. Балки, яқин кунларда унинг ишдан кетганлигидан хабар топармиз?!
Роналд Куман («Барселона»)
«Барселона» мавсумни жуда ёмон бошлади ва бу серия ҳамон давом этмоқда. Креслоси узоқ вақт бери тепраниб турган голландиялик мураббий «кўк-анорранглилар» билан яхши натижа кўрсата олмаяпти. Бу ҳолат на мухлисларни, на раҳбариятни хурсанд қилмоқда.
Айни пайтда, Кумананинг яқин кунларда ишдан бўшатилиши эҳтимоли катта. Баъзи манбаларда айтилишича, Каталония клуби Роналдни терма жамоалар йиғини якунлангандан сўнг, ишдан олиши мумкин.
«Барселона» ҳозир чемпионатнинг 9-поғонасида бормоқда ва Чемпионлар лигасида «Бавария» ва «Бенфика» икки марта қақшатқич мағлубият қабул қилиб олди. Бизнингча, унинг тақдири тез орада ҳал бўлади. Ё кетади, ёки мавсум охиригача «Барса»да қолади.
Макс Аллегри («Ювентус»)
Аллегри ёзда «Ювентус»га қайтди ва кўпчилик унинг «Come Back» қилиши Турин клубини яна аввалги ҳолатига қайтаради деб умид қилганди.
Афсуски, мўъжиза содир бўлгунга қадар: «Юве» А Серияни жуда ёмон бошлади, мусобақада тўртта ўйинда иккита очкони қўлга киритди, кейинчалик, «бьянконерилар» яхшиланишни бошлаган бўлса-да, бу охирги 60 йилдаги энг ёмон стартдир.
Одамларга Аллегрининг ўйин услуби ёқмайди, жуда консерватив. Албатта, ҳеч ким бундай мутахассисни осонликча ишдан бўшатмайди, лекин ҳозир унинг ҳам ишлари жойида эмас. Кўпчилик мутахассислар «Юве»нинг ёмон натижаларини Роналду кетганига боғлашмоқда. Бироқ, олдига катта мақсад қўйган клуб, таркиби ҳавас қиларли даражада бўлмаган, «Эмполи»га мағлуб бўлмаслиги керак, чамамизда.
Микель Артета («Арсенал»)
:focal(970x589:972x587)/origin-imgresizer.eurosport.com/2019/12/28/2743258-56687170-2560-1440.jpg)
Артета анчадан бери, ўзига вақт берилиши ва ҳозирда янги «Арсенал»ни тузаётгани ҳақида такрорламоқда. «Канонирлар» ўтган мавсумда ҳам яхши ўйин намойиш этмаганди, аммо 2021/22 йилги Англия Премьер лигасини ҳам жуда ачинарли тарзда бошлашди. Артета жамоаси 74 йил олдин АПЛда ўйнаган «Брентфорд»дан «тарсаки» еди. Умуман олганда, Лондон клуби чемпионатнинг дастлабки 3 учрашувида 10та гол ўтказиб юбориб, бирорта ҳам гол уришни уддаламади. Бу 21-асрдаги энг ёмон старт.
Сўнгги учрашувларда вазият бироз яхшиланди: «Норвич» ва «Бёрнли» устидан қозонилган минималҳисобдаги ғалаба ва яқинда «Тоттенхэм»ни «тиз чўкиш»га мажбур этилиши. Эҳтимол, бу «канонирлар»нинг Артета бошқарувидаги энг яхши ўйинидир?!
Айтганча, «шпорлар» ҳақида ...
Нуну Эшпириту Санту («Тоттенхэм»)
Шимолий Лондоннинг бошқа клуби «Тоттенхэм» ҳам оғир кунларни бошидан кечирмоқда.
Премьер-лиганинг дастлабки ўйинларида ғалаба қозонганига қарамай, Нуну бошчилигидаги «шпорлар»нинг ўйини мухлисларни унчалик хурсанд қилмаяпти. «Тоттенхэм» унчалик таъсирчан эмас. Тўғри, клубдан катта нарсалар кутиш нотўғри, лекин «Арсенал»дан учралган шармандали мағлубиятчи? Шимолий Лондон дербисидан кейин, Эшпириту ва унинг ишдан кетиши ҳақидаги хабарлар тез-тез ОАВ орқали маълум қилина бошлади. Балки, яна бир муваффақиятсизлик Нунунинг сўнги учрашуви бўлиши мумкин.
Балки ўша дерби «Қорбобо»нинг тақдирини ҳал қилиб қўйгандир...
Жамшидбек Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
