Бугун УЕФА миллатлар лигасининг навбатдаги мавсуми учун қуръа ташлаш маросими бўлиб ўтади. Тадбир Тошкент вақти билан 22:00да бошланади. Мусобақа ва қуръа жараёни ҳақида маълумот бериб ўтамиз.
Нечта жамоа?
Миллат лигаси-2022/23да УЕФАга аъзо 55та терма жамоа иштирок этади. Аввалги натижаларга қараб улар 4та лигага ажратилашади. Айни пайтда 51та мамлакатнинг қайси лигада иштирок этиши аниқ бўлган. Тўртта жамоа эса ўзаро плей-офф босқичи орқали "C" ёки "D" лигада қатнашишига ойдинлик киритишади. Хусусан, март ойида Қозоғистон Молдова билан, Кипр эса Эстония билан тўқнаш келади.
Саватчалар таркиби қандай?
"А" ЛИГА
1-саватча: Франция, Испания, Италия, Бельгия.
2-саватча: Португалия, Нидерланды, Дания, Германия.
3-саватча: Англия, Польша, Швейцария, Хорватия.
4-саватча: Уэльс, Австрия, Чехия, Венгрия.
"B" ЛИГА
1-саватча: Украина, Швеция, Босния ва Герцеговина, Исландия.
2-саватча: Финляндия, Норвегия, Шотландия, Россия.
3-саватча: Исроил, Руминия, Сербия, Ирландия.
4-саватча: Словения, Черногория, Албания, Арманистон.
"С" ЛИГА
1-саватча: Туркия, Словакия, Болгария, Шимолий Ирландия.
2-саватча: Греция, Беларусь, Люксембург, Шимолий Македония.
3-саватча: Литва, Грузия, Озарбойжон, Косово.
4-саватча: Қозоғистон/Молдова, Кипр/Эстония, Гибралтар, Фарер ороллари.
"D" ЛИГА
1-саватча: Қозоғистон/Молдова, Кипр/Эстония, Лихтенштейн, Мальта.
2-саватча: Латвия, Сан-Марино, Андорра.
Қуръа тартиби
"А", "В" ва "С" лигаларда 16та терма жамоа 4тадан гуруҳга бўлинишади. Фақатгина "D"да 2та гуруҳ бўлади: уларнинг бирида 4та, иккинчисида 3та жамоа ўрин олади.
Миллатлар лигаси формати
Терма жамоалар 2022 йилнинг июнь (4та тур) ва сентябрь (2та тур) ойларида гуруҳдаги рақиблари билан "уй-сафар" тизимида икки мартадан тўқнаш келишади.
"А" лигасида гуруҳ пешқадамларига айланган жамоалар мусобақанинг финал босқичида иштирок этишади. Финал босқичи 2023 йилнинг июнь ойида бўлиб ўтади. "B", "C" ва "D" лигаларида гуруҳ ғолибига айланган жамоалар юқори лигага кўтарилишади.
"A" ва "B" лигаларида гуруҳ босқичида сўнгги поғонани эгаллаган термалар пастки лигага тушиб кетишади. "C" лигаси гуруҳларида сўнгги ўринни эгаллаган жамоалар 2024 йилнинг март ойида ўзаро плей-офф босқичи орқали пастки тушиб кетадиган 2та жамоанинг номига ойдинлик киритишади.
Миллатлар лигаси тақвими
Саралаш босқичи
1 ва 2-турлар: 2-8 июнь 2022 йил
3 ва 4-турлар: 8-14 июнь 2022 йил
5 ва 6-турлар: 22-27 сентябрь 2022 йил
Финал босқичи
Ярим финал: 14 ва 15 июнь 2023 йил
Финал ва 3-ўрин учун баҳслар: 18 июнь 2023 йил
"C" лига вакиллари учун ўтиш баҳслари: 21-23 ва 24-26 март 2024 йил
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
