20 декабрь, душанба куни Франция терма жамоаси ва ПСЖ ҳужумчиси Килиан Мбаппе ўзининг туғилган кунини нишонлади. Иқтидорли футболчи 23 ёшга тўлди.
Аммо, Килиан ёш бўлса-да, жуда кўп жамоавий ва шахсий ютуқларга эришган.
Ҳозир эса биз сизларга Мбаппе шу ёшгача қандай натижалар қайд этгани ҳақида бироз маълумот беришга қарор қилдик.
Эришган натижалари
Мбаппе профессионал фаолиятини “Монако”да бошлаган. Ушбу жамоа таркибида француз ҳақиқий иқтидорини намойиш этиб, тажриба ва энг яхши маҳоратга эга бўлди. 2016/17 йилги мавсумда у барча турнирларда 44 ўйинда 26 та гол уриб, кўплаб яхши натижаларга эришди. Мбаппе айниқса Чемпионлар лигасида ёрқин ўйнади ва бунинг учун у дарҳол топ-клубларнинг эътиборини тортди.
Килиан Францияни тарк этишга журъат эта олмади, кейинги йили ПСЖга ўтди. Аввалига бу ижара, кейин эса тўлиқ трансфер амалга ошди. “Монако” Мбаппе учун тахминан 180 миллион евро олган. Парижликлар таркибида француз биринчи кунданоқ юлдузга айланди ва унга эътибор тобора кучайиб борди.
Франциялик футболчи жамоанинг ажралмас футболчисига айланди. Унинг ўйин савияси ёмонлашмади, аксинча, кундан-кунга ўсиб борди. Ўзининг меҳнати ва истеъдоди туфайли Мбаппе дунёнинг энг яхши футболчиларидан бири мақомига эришди. Килианни 2018 йилдан бери “Реал Мадрид” қўлга киритишга уриниб келмоқда.
Шунингдек, Мбаппе Франция терма жамоасида ҳам ўз ўрнини топиб, “уч ранглар” етакчиларидан бирига айланди. Франциянинг ғалабаси билан якунланган ЖЧ-2018дан кейин ҳам Килианнинг термадаги ўйини аҳамияти тобора ортиб бормоқда.
Йиллар давомида Мбаппе клублар ва терма жамоа билан бир нечта совринларни қўлга киритди. Бу муваффақиятлар замирида эса французнинг ҳаракатлари жуда катта.
Франциялик футболчи профессионал фаолияти давомида клуб ва терма жамоа сафида 198та гол муаллифига айланди. Бу эса Криштиану Роналду ва Лионель Мессининг 23 ёшгача бўлган натижаларини қўшиб ҳисоблаганда ҳам кўпроқни ташкил қилади. Бу иккиси 23 ёшгача жами 174та гол урган эди.
23 ёшга тўлган Мбаппе клубининг барча совринлари (13 та кубок):
- “Монако” билан Франция чемпиони (2016/17);
- ПСЖ билан Франция чемпиони (2017/18, 2018/19, 2019/20);
- Франция лига кубоги ғолиби (2017/18, 2019/20);
- Франция кубоги соҳиби (2017/18, 2019/20, 2020/21);
- Франция Суперкубоги соҳиби: 2019, 2020;
- Франция терма жамоаси билан жаҳон чемпиони (2018);
- УЕФА Миллатлар лигаси ғолиби (2020/21).
Шахсий мукофотлар
Катталар футболида биринчи кундан бошлаб француз масъулиятни ўз зиммасига олишдан, хато қилишдан қўрқмади.
Килиан Мбаппе иқтидори орқали ўзини оммага намоён қилди. Француз футболчиси ажойиб тезлик, техника, гол уриш қобилияти ва совуққон қутбол кўрсатади. Бу унга майдондаги вазиятни баҳолашга ёрдам беради.
Унинг серқирралиги, ахлоқий ёндашуви ҳақида гапириш мумкин, аммо ҳозир эмас. Сабаби, унинг қобилиятини, ҳозирда дунёнинг энг яхши футболчиларидан бири эканлигидан ҳам билиш мумкин. Унинг жуда кўп шахсий мукофотлари бор, уларга фақат ҳавас қилиш мумкин.
23 ёшга тўлган Мбаппенинг барча индивидуал мукофотлари (26 та соврин):
- 19 ёшгача бўлган ёшлар ўртасидаги Европа чемпионатининг энг яхши футболчиси (2016)
- Франция Лига 1 мусобақасида мавсумнинг энг яхши ёш футболчиси (2016/17, 2017/18 ва 2018/19)
- Лига 1 мусобақасида йилнинг энг яхши футболчиси (2018/19 ва 2020/21)
- Жаҳон чемпионатининг энг яхши ёш футболчиси (2018)
- Франция чемпионатининг энг яхши тўпурари (2018/19, 2019/20, 2020/21)
- “Golden Boy” мукофоти совриндори (2017)
- УЕФА Чемпионлар Лигаси рамзий терма жамоа аъзоси (2016/17, 2019/20, 2020/21)
- Жаҳон чемпионатининг рамзий терма жамоа аъзоси (2018)
- УЕФА талқинига кўра, рамзий терма жамоа аъзоси (2018)
- IFFHS рамзий терма жамоа аъзоси (2018 ва 2021)
- ФИФИ версиясига кўра рамзий терма жамоа аъзоси (2018 ва 2019)
- Копа кубоги ғолиби (2018)
- Францияда йилнинг энг яхши футболчиси (2018 ва 2019)
- Европада йилнинг энг яхши футболчиси (2019)
- Фахрий легион ордени рицарь қўмондони (2018)
- 2021 йилги УЕФА Миллатлар лигаси “Олтин бутса” соҳиби
Шахсий ва жамоавий совринлар бўйича Килиан Мбаппе кўп ютуқларга эришган, кўплаб медалларни қўлга киритган. Шунингдек, француз футболчиси кўплаб рекордларни ўрнатишга ва ажойиб натижаларга эришишга муваффақ бўлди.
Мбаппенинг индивидуал натижалари:
- - Мбаппе Чемпионлар лигасида 51 та ўйин ўтказиб, 31 та гол урди ва 23 та голли узатмани амалга оширди.
- - Француз Чемпионлар лигасида 30 та гол урган энг ёш футболчи бўлиб, Лионель Мессининг рекордини янгилади.
- - 2020/21 йилги мавсумда Мбаппе Чемпионлар лигасида 8 та гол урди. Ҳеч бир франциялик футболчи Чемпионлар Лигаси мавсумида ундан кўпроқ гол ургани йўқ.
- - Чемпионлар лигасининг плей-офф босқичида Килиан 18 та ўйин ўтказиб, 13 та гол урди ва 4 та голга ассистентлик қилди.
- - Мбаппе Чемпионлар лигаси плей-офф босқичида Терри Анридан кўпроқ гол урган. Ҳозирда у плей-оффда энг кўп гол урган француз футболчиси бўлиб, Карим Бенземадан 6 та гол ортда қолмоқда.
- - Килиан ПСЖ сафида УЕФА Чемпионлар лигасида 25 та гол урди. Мбаппе айни пайтда Эдинсон Каванидан атиги 5 та гол ортда қолмоқда.
- - Франциялик футболчи Чемпионлар лигасининг бир мавсумида “Барселона” дарвозасига тўртта гол урган биринчи футболчи бўлди.
- - Мбаппе “Барселона”га қарши ўйинда хет-трик қайд этган тарихда учинчи футболчига айланди (илгари Фаустин Асприллы ва Андрей Шевченко бу натижага эришган).
- - 22 ёшида Килиан Чемпионлар лигасида 25 та гол уриб, Лионель Мессининг рекордини янгилади.
- - Мбаппе Чемпионлар лигаси тарихидаги дастлабки тўртта плей-оффда гол урган биринчи футболчи.
- - 2017 йилда Килиан Чемпионлар лигасининг чорак финалида гол урган тарихдаги энг ёш футболчига ҳам айланди.
- - 2017 йилда Мбаппе ярим финалда “Ювентус” дарвозасини ишғол қилди ва Чемпионлар лигаси яримфиналида гол урган тарихдаги энг ёш футболчига айланди.
- - Мбаппе Франция терма жамоаси тарихидаги энг ёш футболчи бўлиб, 23 та гол урган.
- - Килиан айни дамда тарихдаги энг қиммат футболчи - 200 миллион евро.
Франциялик ҳужумчи ёшлигида кўп ютуқларга эришди. Ҳар мавсумда у “Олтин тўп”ни қўлга киритишга тобора яқинлашиб бормоқда, аммо уни қўлга киритиш учун Чемпионлар лигасида ғалаба қозониш керак. Бир-икки йил муқаддам ушбу кубокни ютишга яқин келган эди, аммо...
Мазкур натижалар энгдигина 23 ёшга тўлган Килиан Мбаппенинг эришган ютуқлари ҳисобланади. Унинг ҳали ёшлиги ва ғалабага чанқоқлигини ҳисобга олсак, яқин йилларда унинг бунданда кўп совринлар ютишига гувоҳ бўламиз.
Жамшиджон Маҳмудов таржимаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
