2021 йил баъзи клублар ва футболчилар учун жуда ҳам омадли келди. Ушбу даврда ўзини кўрсата олган футболчиларнинг трансфер нархи ҳам сезиларли равишда ўсганини кўрдик. Қуйида stadion.uz 2021 йилда қиймати анча юқорилаган футболчилар ҳақида сўз юритади.
Эрлинг Ҳоланд, "Боруссия": +50 миллион евро (+ 50%)
Жорий қиймати: 150 миллион евро
Эрлинг Ҳоланд – сайёрамизнинг энг қиммат футболчиси. 2021 йилда норвегиялик футболчи урган голлари сони бўйича Роберт Левандовскидан кейин иккинчи ўринда туради (Мбаппе билан биргаликда). Польяк 69, Ҳоланд ва Мбаппе 49 тадан гол урган.
Ҳоланд барча грандлар эътиборига тушган. 2022 йилнинг ёзига қадар унга қизиқиш билдирган клублар сони яна ҳам ошса ажаб эмас. Айнан келаси йил ёзда "Боруссия" форвардни сотиш керак. Чунки улар Эрлингнинг агенти билан шунга келишиб олишган.
Ральф Рангник Эрлингнинг отаси билан гаплашиб, уларни иккинчи марта унинг маслаҳатига амал қилишга ва “Манчестер Юнайтед”га ўтишга ишонтирмоқчи. Олдинроқ Ҳоландни РБ Салзбургга ўтишга Рангник кўндирган эди.
"Реал" 2023 йилнинг ёзида трансфер борасида музокара олиб боришга ҳаракат қилмоқда. Унгача жамоа Карим Бенземага ишонч билдирмоқчи. Лекин Эрлинг ёзда жамоани тарк этмоқчи. Буни бартараф этиш учун “Дортмунд” Ҳоланднинг маошини 14 миллион еврога кўтариши керак. Бунга эса "Реал Мадрид" қандайдир тарзда билвосита ёрдам бериши мумкин.
"Барселона" трансферни орзу қилмоқда, аммо тўлиқ шартнома учун пулни қандай топишни билмаяпти. Ла Лига президенти Хавер Тебас ҳам "Барса" бундай пул топишига шубҳа қилмоқда.
Карл-Хайнц Румменигге Ҳоланднинг услуби "Бавария"га тўғри келмаслигини ва умуман Левандовски ажойиб формада яна 2-3 мавсум ўйнай олишини айтмоқда.
"Ливерпуль", "Челси", "Манчестер Сити" ва ПСЖ эса ҳар қанча пулга ҳам ҳавбекни сотиб олишга тайёр.
Педри, “Барселона”: +50 миллион евро (+ 166,7%)
Ҳозирги қиймати: 80 миллион евро
Йилнинг энг яхши ёш футболчиси ўтган мавсумда барча мусобақаларда ажойиб 73 ўйин ўтказди. 19 ёшли бола учун жуда ажойиб корсаткич. Шунинг учун унинг нархи анча юқорилади.
Жуд Беллингем, "Боруссия": +48 миллион евро (+ 177,8%)
Ҳозирги қиймати: 75 миллион евро
Англиялик футболчи ҳайратланарли даражада тез Бундеслигага (чемпионшипдан кейин) ҳам, «Боруссия»нинг асосий таркибига ҳам (Бирмингемдан кейин) мослашди. Беллингем эса эндигина 18 ёшда. Жейдон Санчо кетганидан кейин айнан Жуд “Дортмунд”нинг келажаги сифатида қаралмоқда.
Флориан Вирц, “Байер”: +46 миллион евро (+ 191,7%)
Ҳозирги қиймати: 70 миллион евро
2021 йилда 18 ёшли Флориан Вирц бир нечта жароҳатлардан тезда тикланиб олди, шу билан биргаликда у жуда ҳам самарали ўйин кўрсатмоқда. Патрик Шик "Байер"да гол машинаси бўлса, Вирц ностандарт ҳаракатлар ва ҳужум яратиш учун жавобгардир.
Жорий мавсумда Флориан 50 ўйинда майдонга тушган энг ёш футболчи бўлиб реcорд ўрнатди - 18 ёш, 7 ой ва 12 кун.
Жамал Мусиала, "Бавария": +45 миллион эвро (+ 450%)
Ҳозирги қиймати: 55 миллион эвро
Бундеслига конвеерида яна бир истеъдод. Бу йил Жамал Мусиала асосий таркиб ўйинчисига айланди ва "Бавария"да ҳам майдон марказида, ҳам ҳужумга яқинроқ позицияларни муваффақиятли тўлдира олди.
Шу тариқа футболчининг трансфер баҳоси ҳам юқорилади.
Эмиль Смит-Роу, “Арсенал”: 35,3 миллион евро (+ 1307,4%)
Ҳозирги қиймати: 38 миллион евро
2020 йилнинг кузида Эмиль Смит-Роу 2,7 миллион еврога баҳоланган ва истеъдодли футболчи ҳисобланган. Бу йил давомида унинг ўйини янада ўсди ва бу Микель Артетанинг бевосита таъсири десак бўлади.
Маркос Льоренте, “Атлетико”: +35 миллион евро (+ 77,8%)
Ҳозирги қиймати: 80 миллион евро
Сўнгги ўйинлар "Атлетико" учун қийин кечмоқда, аммо бу жамоанинг 2021 йилдаги даражасига таъсир ўтказмайди. Ўтган мавсум “Атлетико” Ла лигада ғолибликни қўлга киритди ва Маркос Льоренте жамоа етакчиларидан бирига айланди. Диего Симеоне уни қўлидан келганини қиладиган ва гол урадиган мукаммал ярим ҳимоячига айлантирди.
Душан Влаҳович, “Фиорентина”: +34 миллион евро (+ 212,5%)
Жорий қиймати: 50 миллион евро
Фиорентина ҳужумчиси бир йил давомида барча турнирларда 42 та гол урди ва Криштиану Роналдунинг натижасини такрорлади. Унинг ҳисобида 2021 йилда А серияда 33 та гол бор. Албатта, "Фиорентина" Влаҳович учун ўйнайди. Аммо унинг ўзи ҳам кўп иш қила олади: боши билан гол уради, бўш жой қидиради, узоқдан зарба йўллайди ва ҳатто жарима тўпларини ҳам голга айлантира олади.
Қизиқ жиҳати шундаки, унга қизиқаётган жамоалар рўйҳати Ҳоландни сотиб олмоқчи бўлган клубларникидан кўпроқ. Чунки "Фиорентина" билан келишувга эришиш осонроқ ва Влаҳовичнинг ўзи ҳам ўсишга тайёр. Шу билан бирга, иш ҳақини ошириш ҳам фаол муҳокама қилинмоқда. Ҳатто Румменигге ҳам 21 ёшли футболчи ҳозирги жамоасида яна бир-икки мавсум ўтказиши кераклигини очиқ айтди: "Бундай ёшда пул қувиш яхшиликка олиб келмайди".
Жек Грилиш, “Манчестер Сити”: +30 миллион евро (+ 60%)
Ҳозирги қиймати: 80 миллион евро
Жек Грилишнинг трансфер қиймати "Манчестер Сити"га қимматга тушган. Футболчи 117,5 миллион еврога харид қилинган. “Шаҳарликлар”нинг таъсири туфайли Жекнинг трансфер нархи юқорилаб кетгани ҳам бор гап.
Миржалол Пардабоев тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
