«Барселона» асосий жамоада дебютини ўтказган академия тарбияланувчиларини тарихда қолдиришнинг антиқа усулини қўллади.
Хави «Ла Масия» футболчиларига кўпроқ имконият бермоқда. Жорий мавсум Каталония жамоаси мухлислари Гави ва Нико Гонсалес билан танишди. Ансу Фати анча олдин порлаганди (жароҳатидан қутулиб, «Реал»га қарши ўйинда гол ҳам урди), ҳимоячилар Роналд Араухо (Пикенинг алмаштириб бўлмас шеригига айланди) ва Эрик Гарсия (ҳозирча жароҳатдан тикланмоқда) ҳам ўзини кўрсатмоқда.
Таркибда «Ла Масия»дан кўп футболчилар борлигини ҳисобга олса (тажрибалилардан Пике, Бускетс ва Альба қолди), «Барселона» асосий таркибда дебютини ўтказган тарбияланувчиларини қайд этишнинг ўзига хос усулини топди. Ҳар бир дебютантга тартиб рақам билан футболкалар бериб борилади. 1979/80 йилги мавсумдан буён (ўша мавсумда «Ла Масия» ташкил топган) асосий жамоада 192 нафар футболчи майдонга тушган.
Каталония Кубогидан ташқари исталган ўйинда майдонга тушиш дебют ҳисобланган (ушбу мусобақада «Барселона» доим ҳам иштирок этмаган). Агар бир ўйинда икки футболчи дебют ўтказса, уларнинг майдонга тушган вақти инобатга олинади. Агар бир вақтда майдонга тушган бўлса, фамилияларининг бош ҳарфига қаралган.
Рўйхатдаги биринчи футболчи Хоан Хосеп Эстелассо (асосий жамоада 100 та ўйин), Месси 93-ўринда
Рўйхат бошида Хоан Хосеп Эстелассо турибди. Футболчи 1979 йилдан 1983 йилга қадар «Барселона» таркибида 100 та расмий ўйинда иштирок этган. Жамоанинг машҳур тарбияланувчилари: Лионель Месси (93-ўрин), Хави (70), Андрес Иньеста (85), Пеп Гвардиола (44), Карлес Пуйоль (75), Херард Пике (119), Виктор Вальдес (83), Серхио Бускетс (120), Хорди Альба (143).
Охирги вақтларда ушбу рўйхатга Ансу Фати (178), Роналд Араухо (179), Оскар Мингеса (181), Нико Гонсалес (185) ва Гави (186) қўшилди. «Мальорка»га қарши ўйинда дебютини нишонлаган Эстанис Педрола эса ҳозирча энг сўнгги, 192-рақамли футболкага эга чиқди.
Рақамлар орқали «Барселона» бренд машҳурлигини оширмоқчи. Аммо битта муаммо бор: аввалги тарбияланувчилар ҳақида маълумот етишмаслиги
Кейинги дебютантларни рақамланган футболкаларни топшириш маросими кутиб турибди. Рўйхатда борларга эса шартномаси узайтирилаётганда шундай футболкалар тақдим этилади. Шу тариқа «Барселона» Made in La Masia («‘Ла Масия’да ишлаб чиқарилган») шиорини ривожлантирмоқда: клуб бу билан қиймат ва бренд машҳурлиги ошишига умид қилмоқда.
«Барселона» ушбу рўйхатни якуний деб ҳисобламасликни, унда 1979/80 йилги мавсумдан олдин ўйнаган тарбияланувчилар исми йўқлигини таъкидлаб ўтди: шунчаки каталонияликларда ХХ аср ўрталарида асосий жамоада ўйнаган футболчилар ҳақида маълумот кўп эмас.
Лекин илк тарбияланувчи-дебютантни таништириб ўтди: у жамоада 100 йилдан ҳам олдин ўйнаган Паулино Алькантара. 1910 йилдан 1970 йилга қадар асосий жамоага академиядан 70 нафар футболчи жалб этилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
