Юрген Клопп «Ливерпуль»да анчадан бери ишламоқда. Немис мутахассиси мерсисайдликлар билан кўплаб совринларни қўлга киритган. Албатта, бу ютуқларга нафақат Клоппнинг, балки «қизиллар»нинг кўплаб футболчиларининг меҳнати эвазига эришилган. Аммо, ҳозир биз бу ҳақда гапирмоқчи эмасмиз. Балки Клопп бошчилигидаги «Ливерпуль» амалга ошира олмаган трансферлар ҳақида тўхталмоқчимиз.
«Қизиллар» шу пайтгача Виржил ван Дейкдан тортиб, Луис Диасгача бўлган ажойиб харидларни амалга оширишди. Лекин улар бошқа кўплаб кучли футболчиларнинг трансферларини якунлай олмаган.
Келинг, «Энфилд»да ўйнаш насиб қилмаган футболчиларни эслаймиз.
Тимо Вернер
«РБ Лейпциг»да ажойиб ўйинлар намойиш этган Тимо Вернер 2020 йилнинг ёзида «Ливерпуль»га ўтишни мумкин эди. Футболчи мерсисайдликлар сафига ўтишни истаётганини кўп бора таъкидлаган, аммо пандемиянинг молиявий таъсири «Ливерпуль»нинг немис футболчисига бўлган қизиқишларини камайтирди. Аммо Тимо бари-бир Англия Премьер-лигасига йўл олди, бироқ бошқа жамоа «Челси» сафига қўшилди.
Ўшандан кейин «қизиллар» Диого Жотани 41 миллион евро эвазига сотиб олди.
Ҳозирда Вернер омадсиз кунларни бошдан кечирмоқда, Жота эса «Ливерпуль» сафидаги дастлабки 60 ўйинида 30 та гол уриб, клубнинг етакчи футболчиларидан бирига айланган.
Алекс Тейшейра
2016 йилнинг январида Клопп «Ливерпуль» бош мураббийи сифатида ўзининг биринчи йирик трансферини расмийлаштиришга ҳаракат қилди ва «Шахтёр» футболчиси Алекс Тейшейрага таклиф билан чиқди.
Бразилиялик футболчи мерсисайдликлар сафига ўтиш истагини билдирди, бироқ украин клуби «қизиллар»дан 38 миллион фунт тўлашини сўради. Табиийки, бу инглиз клуби раҳбариятига ёқмади ва Алекс трансферидан воз кечди.
«Жамоам «Ливерпуль»дан битта таклиф олди», — дейди Тейшейра 2016 йилнинг январида. «Бу рад этилди, аммо нега бундай бўлганини билмайман».
Келишув тўлиқ барбод бўлди ва Тейшейра инглиз клуби ўрнига Хитойнинг «Цзянсу Сунинг» жамоасига ўтди. У ерда футболчи 150 ўйинда 72 та гол уришга эришди.
Усмон Дембеле
2015 йилда Клопп «Ливерпуль» бошқарувига келганидан сўнг қанотдаги муаммоларга ечим топиш зарурлигини тушунди ва ўз жамоасига ёрдам берадиган футболчи сифатида Дембелени танлади.
Дембеле 2015-16 йилларда «Реннь»да ажойиб мавсум ўтказган. Шундан кейин у «Боруссия Дортмунд»га қўшилган эди. Орадан 12 ой ўтиб эса француз футболчиси «Барселона»га трансфер бўлди.
«Мен Клопп билан Парижда учрашганман, лекин унга «Боруссия» билан шартнома имзолашга қарор қилганимни айтдим», — дейди Дембеле 2017 йилда FourFourTwo нашрига берган интервьюсида.
Ўшандан кейин «Ливерпуль» Садио Манега қизиқиш билдира бошлаган эди ва бу қарор қайсидир маънода тўғри бўлганлигини билиш қийин эмас.
Бен Чилуэлл
2016 йилги Европа Лигаси финалида «Ливерпуль» мағлубиятга учрагач, уларга янги чап қанот ҳимоячиси кераклиги аниқ бўлди.
«Қизиллар» «Лестер Сити»дан Бен Чилуэллни сотиб олишга ҳаракат қилишди, аммо мерсисайдликлар «тулкилар» сўраган 10 миллион фунт стерлингни тўлашдан бош тортишди.
Чилуэлл 2019 йилда Sky Sports нашрига берган интервьюсида шундай дейди: «Менинг агентим буларнинг барчасини ҳал қилди, у «Ливерпуль» ва «Лестер» билан вазият ҳақида муҳокама қилган.
Ўшанда мен «Лестер»нинг 21 ёшгача бўлган жамоалари сафида ўйнардим, шунинг учун бор эътиборимни асосий таркибга ўтишга қаратгандим».
2016-17 йилги мавсумда «Ливерпуль» «Халл Сити»дан Эндрю Робертсонни сотиб олишга мажбур бўлди. Робертсон Клопп жамоасининг асосий ўйинчисига айланди, Чилуэлл эса кейинчалик «Челси»га 50 миллион фунт стерлингга ўтди.
Пётр Зелиньский
Зелиньский «Ливерпуль» эътиборига «Эмполи»да ижара асосида ўйнаган пайтида тушган ва 2016 йилда у Клопп билан учрашиб, потенциал трансфер масаласини муҳокама қилган.
«Менинг ҳаёлим жойида эмас эди. Ўша пайтда мен Юрген Клопп билан учрашдим», — дейди Зелиньский 2016 йилда Польшанинг Przegląd Sportowy нашрига берган интервьюсида. «У менинг жамоасида бўлишимни хоҳлашини айтди».
Ярим ҳимоячи Польша телевидениесида ҳатто «Ливерпуль» либосида кўрсатилди, аммо «Удинезе» билан музокаралар жуда қийин кечди ва Пётр инглиз клуби ўрнига «Наполи»га ўтишга қарор қилди.
«Ливерпуль» Б режасига ўтди ва «Ньюкасл»дан Жоржиньо Вейналдумни 25 миллион фунт стерлинг эвазига сотиб олди.
Махмуд Дауд
Клопп 2016 йилда ярим ҳимоя позициясини мустаҳкамламоқчи эди, бироқ «қизиллар» Мёнхенгладбахнинг «Боруссия» клубидан Даудни қўлга киритишда муваффақиятсизликка учради.
Бундеслига жамоаси Гранит Жаканинг «Арсенал»га сотганидан кейин яна бир асосий футболчисини йўқотишни истамади ва Дауд учун 25 миллион фунт стерлинг таклифини рад этди.
Шундан сўнг Дортмунднинг «Боруссия» клуби ярим ҳимоячининг трансферини 2017 йилда якунлаганини эълон қилди, «Ливерпуль» эса Наби Кейтани сотиб олди.
Набиль Фекир
«Ливерпуль» 2018 йилда Фекирни 53 миллион еврога сотиб олган Филиппе Коутиньонинг ўрнига харид қилмоқчи эди, бироқ сўнгги дақиқада келишув амалга ошмай қолди.
Хабар қилинишича, «қизиллар» ярим ҳимоячининг тиббий кўрикдан ўтиш пайтида тиззаси билан боғлиқ муаммолар туфайли шартномани бекор қилди.
«Сиз ҳақиқатни хоҳлайсизми? Ҳатто мен нима бўлганини билмайман», — деди Фекир 2019 йилда L'Equipe нашрига берган интервьюсида. «Мен тиббий кўрикдан ўтдим, кейин «Ливерпуль» мени сотиб олмасликка қарор қилди. Улар менинг тиззам туфайли эканлигига ишонтиришга ҳаракат қилишди, аммо бу шунчаки уйдирма баҳона эди».
«Ливерпуль» бу пулни бошқа футболчига сарфлади, Фекир эса 12 ойдан кейин «Реал Бетис»га 17 миллион евро эвазига ўтди.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
