Суперлига 6-турининг марказий ўйинларидан бири Самарқандда ўтади. Бугун, 30 апрель куни 60 йиллик қарама-қаршилик тарихига эга азалий рақиблар «Динамо» ва «Нефтчи» ўзаро тўқнаш келишади. Самарқанд ва Фарғона вилоятининг бош жамоалари ўртасидаги қарама-қаршилик олдидан «Динамо» клуби матбуот хизмати азалий рақибларнинг ўзаро ўйинларига эътибор қаратади.
Кимда қандай натижа?
Про лигадан Суперлигага қайтган жамоалар айни дамда деярли бир хил ҳолатда. «Динамо» сўнгги турдаги ғалаба эвазига 5 ўйиндан кейин 4 очко жамғарган ҳолда турнир жадвалида 10-ўринни эгаллаб турибди. «Нефтчи» эса илк турда пенальтидан киритилган гол эвазига вилоятдоши «Қўқон-1912»ни мағлуб этиб, 3 очко билан 13-ўринда бормоқда.
«Динамо»нинг ўтган 5 турдаги натижаси:
1-тур. «Динамо» – «Пахтакор» – 0:2
2-тур. «Сўғдиёна» – «Динамо» – 1:0
3-тур. «Динамо» – «Қизилқум» – 0:0
4-тур. «Бунёдкор» – «Динамо» – 2:1
5-тур. «Динамо» – «Локомотив» – 3:1
«Нефтчи»нинг ўтган 5 турдаги натижаси:
1-тур. «Нефтчи» – «Қўқон-1912» – 1:0
2-тур. «Пахтакор» – «Нефтчи» – 1:0
3-тур. «Нефтчи» – «Cўғдиёна» – 1:2
4-тур. «Қизилқум» – «Нефтчи» – 3:0
5-тур. «Нефтчи» – «Бунёдкор» – 1:3
Ўзаро ўйинлар тарихи: Устунлик кимда?
Тошкентнинг «Пахтакор» жамоасидан кейин, мамлакатда иккинчи бўлиб 1960 йилда ташкил топган Самарқанд клуби ва 1962 йилда ташкил этилган Фарғона жамоаси Собиқ Иттифоқ чемпионатларидан ташқари, 1992 йилдан старт олган Ўзбекистон чемпионатлари тарихида ўзаро 52 марта ўзаро тўқнаш келган.
Натижалар «Нефтчи»нинг устунлигини кўрсатмоқда. Фарғоналиклар 52 баҳснинг 35тасида ғалаба қозонган. Аксарият ғалабалар «Нефтчи»нинг 26 йиллик устози Юрий Саркисян даврига тўғри келади. 14 учрашувда «Динамо»нинг қўли баланд келган. 3та ўйинда эса дуранг қайд этилган.
Тўплар нисбати ҳам табиийки «Нефтчи» фойдасига 91-44. Ўзаро ўйинларда «Нефтчи» 108 очкони қўлга киритган бўлса, «Динамо» 45 очкога эга бўлган.
Жамоаларнинг чемпионат доирасидаги Самарқанддаги сўнгги тўқнашуви 2021 йилнинг 21 ноябрь куни Про лига доирасида ўтиб, 1:1 ҳисобида қайд этилган. Суперлигадаги ўзаро сўнгги ўйин эса 2017 йил ўтиб, «Динамо» Аднан Ораховацнинг ягона голи эвазига «Нефтчи»ни мағлуб этган. Шунингдек, томонлар кубок доирасида жорий мавсум тўқнаш келиб, водий клуби Предраг Роган шогирдлари устидан 2:0 ҳисобида устун келган.
Самарқандда ўтган чемпионат доирасидаги сўнгги 12 учрашув:
21.11.2021 «Динамо» - «Нефтчи» 1:1
26.05.2021 «Динамо» - «Нефтчи» 0:1
10.11.2020 «Динамо» - «Нефтчи» 2:0
25.09.2020 «Динамо» - «Нефтчи» 0:1
08.11.2017 «Динамо» - «Нефтчи» 1:0
09.23.2015 «Динамо» - «Нефтчи» 0:1
17.10.2014 «Динамо» - «Нефтчи» 0:0
08.11.2013 «Динамо» - «Нефтчи» 2:0
17.11.2012 «Динамо» - «Нефтчи» 2:0
09.09.2011 «Динамо» - «Нефтчи» 2:0
15.05.2010 «Динамо» - «Нефтчи» 3:1
26.04.2009 «Динамо» - «Нефтчи» 2:0
Суперлига. 6-тур.
30 апрель (шанба)
«Динамо» - «Нефтчи»
Самарқанд, Динамо стадиони.
Чипта нархи: 15 / 25 минг сўм
Учрашув бошланиш вақти: 18:40
ТВ-трансляция: Спорт.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
