Франция чемпионатининг сўнгги мавсуми ҳам одатдаги каби ўтди. “ПСЖ” муддатидан аввал чемпионликни расмийлаштирди. Олтин медал учун кураш кескин бўлмаган бўлса-да, Лига 1 ҳам воқеаларга бой бўлди. Қуйида шу ҳақида бироз тўхталамиз!
Чемпион: “ПСЖ”
Чемпионлар лигаси: “ПСЖ”, “Марсель”, “Монако” (“Монако” саралашда қатнашади)
Европа лигаси: “Ренн”
Конференциялар лигаси: “Ницца”
Элитани тарк этганлар: “Сент-Этьен”, “Метц”, “Бордо”
Лига 1га чиққанлар: “Тулуза”, “Аяччо”, “Осер”
Мавсумнинг энг яхши тўпурари
Килиан Мбаппе қаторасига тўртинчи марта Лига 1нинг энг яхши тўпурари бўлди. “ПСЖ” ҳужумчиси якунига етган мавсумда 28 та гол урди. Франциялик футболчини тўпурарлар пойгасида кетма-кет 3 йилдан бери "Монако" ҳужумчиси Виссам Бен-Йеддер таъқиб қилмоқда. Бу сафар унинг ҳисобида 25 та гол бор. Мусса Дембеле (“Лион”) ва Мартин Терье (“Ренн”) кучли учликни якунлашди. Ҳар икки футболчи 21тадан гол уришга эришди. Мбаппе “ПСЖ” ва бутун лиганинг энг яхши тўпурари бўлиб қолмоқда. Бу унинг фаолиятидаги иккинчи энг яхши кўрсаткичдир. Француз 2018/19 йилги мавсумда бу йилгига қараганда кўпроқ гол урган (33).
Мавсумнинг энг яхши ассистенти
Бу кўрсаткич бўйича ҳам Мбаппега тенг келадигани йўқ. “ПСЖ” ҳужумчиси 17 та голли узатмани амалга ошириб, Лига 1нинг энг яхши ассистентига ҳам айланди. Килиан ортида унинг жамоадоши Лионель Месси турибди. Аргентиналик футболчи 14 та голли узатмани амалга оширди. Кучли учликни “Ренн” ярим ҳимоячиси Бенжамин Бурижо 12 та голли узатма билан якунлади. Эслатиб ўтамиз, Мбаппе бу борада фаолиятидаги энг яхши натижани қайд этди. Франциялик футболчи ҳеч қачон бунчалик кўп голли узатмани амалга оширмаган эди.
“Гол+пас” тизими бўйича энг яхши кўрсаткич
Олдинги натижаларни ҳисобга олсак, “гол+пас” тизимидаги энг яхши футболчи ҳам Мбаппе эканлиги мантиқан тўғри келади. Ҳужумчи мавсум давомида 45 очко (28+17) тўплади. Француз энг яқин таъқибчиси Бен-Йеддердан сезиларли даражада олдинда. "Монако" ҳужумчиси ҳисобида 30 очко бор (25+5). Дастлабки учталикни Дембелени ёпди. "Лион" форварди 25 очко (21+4) тўплади. Мбаппе асосий статистик маълумотлар бўйича Лига 1нинг мутлақ етакчиси. Шундай экан, парижликлар учун шундай футболчини ўз таркибида сақлаб қолиш муҳим эди. Бундан ташқари, Килиан Чемпионлар лигаси ўйинларида 6 та гол урди ва шунча голли узатмани амалга оширганини ҳам унутмаслик керак.
Мавсумнинг энг яхши дарвозабони
Вальтер Бенитес ҳақли равишда мавсумнинг энг яхши дарвозабони сифатида тан олинади. "Ницца" дарвозабони "қуруқ" ўйинлар сони бўйича Лига 1 пешқадами бўлиб турибди - 14. Аргентиналик ўз жамоасига Конференциялар лигасига йўлланма олишига ёрдам берди, бу “Ницца” учун яхши натижа. Франция чемпионатидаги “қуруқ” ўйинлар сони бўйича иккинчи ўринни Матц Селс эгаллади. “Страсбург” дарвозабони 13 марта дарвозаси дахлсизлигини сақлаб қолди. Учинчи ўринни Александр Нюбель (“Монако”) ва Предраг Райкович (“Реймс”) бўлишди. Ҳар икки дарвозабон ҳисобида 11тадан "қуруқ" ўйин бор.
Мавсум омадсизлиги
Бу номга "Сент-Этьен"ни лойиқ дейиш мумкин. Франциянинг 10 карра чемпиони учун иккинчи лигага тушиб кетиши — фалокат. “Яшиллар” 18 йил ичида биринчи марта элитани тарк этишди. Айниқса, 3 йил аввал “Сент-Этьен”нинг еврокубокларда иштирок этганини ҳисобга олсак, клуб учун бу катта зарба. Ўтган мавсумда "яшиллар" ёмон мавсум ўтказди, аммо охиригача улар Лига 1да қолиш учун кураш олиб борди. "Сент-Этьен" плей-офф ўйнади ва унда "Осер"га қарши баҳс олиб борди. Ҳар икки ўйин ҳам дуранг билан якунланди, пенальтилар сериясида эса омад яшил рангли жамоадан юз ўгирди. Натижада Франциянинг энг титулли клубларидан бири иккинчи лигада тушиб кетди.
Мавсум трансферлари
Албатта, мавсумнинг асосий трансферлари Серхио Рамос ва Лионель Мессининг “ПСЖ”га ўтгани бўлди. Қолаверса, иккала футболчи ҳам Парижга эркин агент сифатида келган. Бир неча йил олдин испан ва аргентиналик футболчини бир жамоада тасаввур этиб бўлмасди, аммо шунга қарамай, уларнинг йўллари Франция пойтахтида кесишди. Рамоснинг трансферини муваффақиятсиз дейиш мумкин. Бутун мавсум давомида "Реал Мадрид"нинг собиқ сардори барча мусобақаларда бор-йўғи 13 та ўйин ўтказди. Испаниялик футболчи мавсумнинг асосий қисмини жароҳатлардан фориғ бўлиш билан ўтказди. Месси билан ҳам ҳаммаси унчалик яхши эмас. Бир томондан Лига 1да урилган 6 та гол бундай футболчи учун заиф кўрсаткич бўлса, шу билан бирга, аргентиналик футболчи 14 та голли узатма бериб, Лига 1да иккинчи энг яхши ассистентга айланди. Парижда Леога ишонч билдиришмоқда, лекин клуб Рамос билан хайрлашиши мумкин.
Мавсумнинг асосий янгиликлари
Мавсумнинг асосий янгилиги — Мбаппенинг “ПСЖ”да қолиш қарори. Бир йилдан ортиқ давом этган трансфер эртаги мавсум якунида якунланди. Кўпчилик Килианни "Реал"га ўтишига ишонган эди, аммо у "ПСЖ"да қолишга қарор қилгани кўпчиликни ажаблантирди. Французни танлови ҳали узоқ вақт муҳокама қилинади ва кўп нарса Париж клубининг Европа аренасидаги натижаларига боғлиқ бўлади. Мбаппе аллақачон Франция чемпионатининг энг яхши футболчиси эканлигини кўрсатди, аммо бу унинг учун энг юқори чўққи бўладими? Чемпионлар лигасида ғалаба қозониш парижликлар учун ҳам, Килианнинг ўзи учун ҳам биринчи рақамли мақсад бўлиб қолмоқда. Бунга эришиш мумкинми, бу катта савол. "ПСЖ" ҳар мавсумни янги лойиҳа билан бошлайди, аммо ҳозирча бу ўзини оқламаяпти.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
