Куни кеча Ўзбекистон мезбонлигида U23 Осиё кубоги мусобақаси ўз якунига етди. Мазкур турнир терма жамоаларимиз учун халқаро мусобақаларда тажриба орттириши, юртимизда футбол инфратузилмасини яхшилаш, ўзбекистонлик мутахассисларнинг халқаро турнирлар ўтказиш бўйича тажриба ва кўникмаларини ошириш ҳамда мухлисларга футбол байрамини тақдим этишга хизмат қилди.
Кеча ЎФА Президенти Абдусалом Азизов бошчилигида ўтказилган йиғилишда ОФК таснифидаги турнирларни янада юқори савияда ўтказиш, мусобақалар географиясини ошириш юзасидан бир қатор топшириқлар берилди. Ҳудудларга Қарши ва Наманган вилоятлари мисолида футбол инфратузилмасини босқичма-босқич халқаро стандартларга мос келтириш вазифаси топширилди.
ЎФА мутахассислари келаси йилнинг 1-18 март кунлари юртимиз майдонларида ўтказиладиган У-20 Осиё кубогига тайёргарлик ишларини бошлаб юборди.
Шу мақсадда бугун ЎФА биринчи вице-президенти Равшан Эрматов бошчилигидаги ишчи гуруҳ Бухорога ташриф буюрди. Ташриф давомида вилоятдаги мавжуд шароитлар кўздан кечирилди. Футбол инфратузилмаси, стадионлар, машғулот майдонлари ҳамда делегациялар жойлашадиган меҳмонхоналардаги қулайликлар ва хизмат сифати, яшаш хоналари ва овқатланиш жойлари ўрганиб чиқилди.
Дастлаб, Когон шаҳридаги «Локомотив» футбол майдони, Бухоро шаҳридаги «Бухоро» ПФК машғулот базаси, 3-сонли Болалар-ўсмирлар футбол мактаби, Бухоро Давлат университети футбол майдонлари ҳамда айни пайтда лойиҳалаштирилаётган Бухоро футбол маркази кўздан кечирилди. Мавжуд камчиликлар ўрганилди.
Бундан ташқари, Бухородаги «Марказий» стадиони ҳам кўздан кечилиб, қўшимча кийиниш хоналари ташкил этиш, ҳакамлар, комиссарлар ҳамда бошқа функционал хоналарни ОФК стандартларига мувофиқлаштириш юзасидан аниқ вазифалар белгилаб олинди.
Шунингдек, Бухоро шаҳрида жойлашган халқаро талаблар асосида хизмат кўрсатадиган Саҳид Зарафшон, Варахша ва Гарден Плаза меҳмонхоналари мавжуд қулайликлар кўздан кечирилди.
Ташриф якунида, ЎФА биринчи вице-президенти Равшан Эрматов ва Бухоро вилояти ҳокими Ботир Зарипов иштирокида учрашув ташкил этилди. Унда U20 Осиё кубогининг бир гуруҳ учрашувларини Бухоро шаҳрида ташкил этиш имкониятлари муҳокама қилинди.
Юртимиздаги яна бир қатор ҳудудларининг U20 Осиё кубогини қабул қилиш имониятлари ўрганиб чиқилиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
