"Ювентус" 2021/2022 йилги мавсумда муваффақиятсизликка учради. А Серияда тўртинчи ўрин ва "Вильярреал"га Чемпионлар лигасининг 1/8 финалида ютқазиб қўйиш, Турин клубидан кутилган натижа эмас. Аммо энди клуб кейинги мавсумда яхшироқ ўйин кўрсатиш учун трансфер бозорида катта ишларни амалга оширмоқда.
Анхель Ди Мария текинга келди
"Ювентус" Анхель Ди Мария билан бир йиллик шартнома имзолади. Хабар қилинишича, 34 ёшли аргентиналик футболчига йилига 6 миллион евро ва яна эҳтимолий бонуслар олади. Анхель ёзда “ПСЖ”ни тарк этди. Туринда у ўзини кўрсатиш учун кўпроқ имкониятга эга бўлади. Кўп қиррали ярим ҳимоячи, ҳатто ҳимояда ҳам жамоага фойдаси тегади.
Поль Погба қайтди ва маоши қисқаришига рози бўлди
Марказий ярим ҳимоячи Поль Погба "Манчестер Юнайтед"ни эркин агент сифатида тарк этди ва "Ювентус"га қайтишга қарор қилди. Футболчи тиббий кўрикдан ўтди ва туринликлар билан шартнома имзолади.
Погба бир мавсумда тахминан 8 миллион евро миқдорида асосий маош олади, шунингдек, 2 миллион евро натижага боғлиқ бонуслар олади. Погба “Манчестер Юнайтед”даги фаолияти билан солиштирганда маошини 40 фоизга камайтиришга рози бўлди.
Погба сўнгги пайтларда "Олд Траффорд"да ёмон муҳитга дуч келди. Туринда бундай нарса бўлмайди. Франциялик футболчи "Ювентус" мухлислари учун муҳим шахс бўлиб қолмоқда. У 2012-2016 йилларда А Серияда 178 ўйинда 34 та гол урган ва тўртта чемпион бўлган.
Пол шунчаки маошни қисқартириш билан чекланмади, балки жамоага яхши пул ишлашга имкон берди. 2012 йилда у "Манчестер Юнайтед"дан "Ювентус"га текинга ўтди. 2016 йилда у "Манчестер Юнайтед"га 106 миллион евро эвазига сотилди .Мана энди у "кекса синьора" билан яна эркин агент сифатида шартнома имзоламоқда. Ҳар жиҳатдан ажойиб трансфер.
"Ювентус" Де Лигтни фойда билан сотади
"Ювентус" ҳимоячи Маттейс де Лигтни "Бавария"га 70-80 миллион евро + бонуслар учун 15 миллион еврога сотишга яқин турибди. 2019 йилда “Аякс”га худди шундай маблағ берилган (аниқроғи 75+10 миллион евро). Нидерландия терма жамоаси футболчиси аллақачон Мюнхен клубига ўтишга оғзаки розилигини берган. Де Лигт ёшлигидан "Бавария"га мухлис бўлган ва шунинг учун немислар унга ортиқча ваъдалар беришмади. Унда "Челси"га ўтиш варианти ҳам бор.
2019 йилнинг ёзида Маттейс "Ювентус"га эмас, "Бавария"га ўтишни истаганди, аммо ўша пайтда 19 ёшда бўлган футболчининг трансфер нархи юқорилиги туфайли трансфер амалга ошмай қолди. Балки "Юве"да ўйнашга алоҳида иштиёқ йўқлиги де Лигтнинг ўйини пасайишига олиб келгандир. Футболчи “кекса синьора” ҳимояси етакчисига айлана олмади ва умуман, жамоага яхши мос тушмади.
Журналист Жанлука Ди Марционинг фикрича, агар Маттейс сотилса, туринликлар бир вақтнинг ўзида ўзлари қизиққан бир нечта ўйинчиларни - ҳимоячилар Калиду Кулибали ("Наполи") ва Никола Миленкович ("Фиорентина"), шунингдек, ярим ҳимоячи Николо Джаниолони сотиб олишлари мумкин бўлади.
Бундан ташқари, “Атлетико”дан ҳужумчи Алваро Моратани жамоага қайтаришга уриниш ҳам истисно этилмаган. Ҳужумчи сўнгги икки мавсумни Турин клубида ижара асосида ўтказди. Мората 2014 йилдан 2016 йилгача ҳам “Ювентус”да ўйнаган. Унинг кетиши яқинда эълон қилинди, аммо "Ювентус" спорт директори Федерико Черубини ҳозирда агентлар билан испанияликнинг эҳтимолий қайтиши ҳақида музокаралар олиб бормоқда. Ҳужумчининг “Атлетико” билан шартномаси 2024 йилнинг июньигача амал қилади.
Даромад эвазига "Ювентус" де Лигтдан фойдалироқ бўлиши мумкин бўлган бир нечта ўйинчиларни сотиб олиши мумкин. Худди ўша Кулибали ўтган мавсумда ишончлироқ кўринди. “Ювентус” ҳимоячи Преснел Кимпембе билан ҳам шартнома имзолаши мумкин.
Хулоса қилиб айтганда, Ди Мария ва Погба аллақачон "Ювентус" футболчилари. Яқин келажакда де Лигт сотилади, шундан сўнг "кекса синьора" яна 3-5 та машҳур трансферни амалга оширади. Клубнинг трансфер сиёсати яхши, бу эса ўтган мавсумдаги омадсизлиги учун қасос олишга яхши сабаблар беради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
