Превью. «Металлург» – «Бунёдкор»
Мамлакат миллий чемпионатининг 21-турbда "Металлург" ўз майдонида Тошкентнинг "Бунёдкор" жамоасини қабул қилади. Учрашув 7 октябрь куни соат 18:30 да “Металлург” марказий стадионида бошланади.
Мазкур жамоалар шу кунга қадар ўзаро 33 маротаба куч синашишган. “Қалдирғочлар” 24 та ўйинда ғалаба қозонган. 4 та ўйинда “Металлург” зафар қучган. 5 та учрашувда эса дуранг қайд этилган. Тўплар нисбати: 62:26.
Бу йилги мавсумнинг биринчи даврасида “Металлург” Тошкентда 1:1 ҳисобида дуранг ўйнади. 17-дақиқада Умарали Раҳмоналиев киритган голга бекободликлардан 67-дақиқада Дамир Темиров аниқ зарбаси билан жавоб қайтарди.
Бекободда ўтган сўнгги олтита учрашув:
16.03.2021. «Металлург» - «Бунёдкор» 1:0
20.11.2020. «Металлург» - «Бунёдкор» 2:3
25.05.2019. «Металлург» - «Бунёдкор» 0:2
20.10.2018. «Металлург» - «Бунёдкор» 1:0
19.07.2018. «Металлург» - «Бунёдкор» 1:1
14.10.2017. «Металлург» - «Бунёдкор» 1:1
“Бунёдкор” ҳақида
“Бунёдкор” мамлакатимизнинг ёш жамоаларидан бири. Клубга асос солинганига эндигина 17 йил бўлди. Аммо қисқа фурсатда жамоа ўзининг шонли тарихини яратди. Бир йил ичида биринчи лигадан олий лигага йўл олди. Кучлилар сафида эса доимий равишда етакчилар қаторидан ўрин эгаллаб келаяпти. 2007 йилдан элитада ўйнаётган “қалдирғочлар” беш марта Ўзбекистон чемпиони, икки марта вице-чемпион, икки марта бронза медали совриндори, тўрт марта Ўзбекистон кубоги соҳиби ва беш карра финалчиси, Ўзбекистон Суперкубоги соҳиби бўлди. 2008 йилдан Осиё чемпионлари лигасида юртимиз шарафини ҳимоя этиб келаётган “Бунёдкор” икки марта қитъанинг мазкур нуфузли турнирида ярим финалгача етиб борди (2008, 2012 йиллар). Олий лигадаги энг паст кўрсаткичи тўртинчи ўрин бўлган (2014-2015, 2017 йиллар).
“Бунёдкор”нинг уй стадиони мамлакатимизнинг энг муҳташам футбол мажмуаси саналади. 2012 йилнинг 28 сентябрь санасида қуриб, фойдаланишга топширилган, “Бунёдкор” ва Ўзбекистон миллий терма жамоаси уй стадиони ҳисобланувчи маскан ўз бағрига 34000 томошабинни сиғдиради.
“Бунёдкор” бугунгача олий лига баҳсларида 440 та учрашув ўтказган. Шулардан 274 тасида ғалаба қозонган, 91 тасида дуранг ўйнаган, 75 тасида мағлубиятга учраган. Киритилган ва ўтказиб юборилган тўплар фарқи – 792:344. Жамоанинг олий лигадаги энг йирик ҳисобли ғалабаси – 7:0 (“Шўртан”, 2008 йил), энг йирик мағлубияти – 0:5 (“Пахтакор”, 2020 йил).
Манба: https://t.me/metallurguz
Киритилди: 07:36, 06.10.2022. Ўқилди: 1578 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
