Куни кеча Қатардаги Жаҳон чемпионатининг стартига гувоҳ бўлдик. Бугун B гуруҳидаги жамоалар ўзаро баҳсларга киришади. Ундан Англия ҳам жой олган. Инглизларга илк рақиб Эрон Ислом Республикаси бўлади. Шунингдек, гуруҳдан АҚШ ҳамда Уэлс ҳам жой олган. Хўш, Англия бугунги ўйинни қай услубда бошлайди?
Сўнгги хабарларга қараганда, инглизлар устози Гарет Саутгейт Европа чемпионати финалида фойдаланган 11 футболчидан 9 тасини бугунги ўйинга танлаб олади. Ҳимоя чизиғи тўртта футболчидан ташкил топиши айтилган. "Манчестер Юнайтед"да захирага михланган Харри Магуайр бошланғич таркибга кириши кутилмоқда. У "Манчестер Сити" ҳимоячиси Жон Стоунз билан марказий мудофаани ташкил этиб беради. Қанотларда эса "Ньюкасл" вакили Киран Триппьер ва "МЮ"нинг яна бир ўйинчиси Люк Шоу жойлашади.
Ярим ҳимоя асосан ёш талантлардан иборат бўлади. Хусусан, таянч чизиғида Деклан Райс ҳамда Мейсон Моунт ҳаракат қилади. Уларнинг олдида, ўнинчи рақам вазифасини Жюд Беллингем бажариши лозим. Ҳужум чизиғи Евро-2020 каби бўлади. Яъни, Чап қанотда "Челси" ҳужумчиси Рахим Стерлинг тўп тепса, ўнг томонни "Арсенал" вакили Букайо Сака эгаллайди. Сака Фил Фодендан кўра афзал кўрилиши тахмин қилинган. Жамоа сардори бўлган Харри Кейн ҳужум марказидан ўрин олади. Дарвоза эса "Эвертон" посбони Жордан Пикфордга ишониб топширилади. Пикфорд 2018 йилги мундиалда ҳам асосий фигура эди.
Гарет Саутгейт ўз футболчилари ҳақида гапирар экан, Эронга қарши баҳс олдидан тиз чўкиш билан баҳсни бошлашини айтади. "Уч Шерлар" бу одатни "Black Lives Matter" шиори остида ўтказади. Қолаверса, бу Қатарнинг инсон ҳуқуқлари борасидаги ғайриқонуний ишларига жавоб ўлароқ, бажарилади. Бу ҳақида Саутгейтнинг ўзи шундай дейди:
"Биз тиз чўкишга келишиб олдик. Биз шундай қилиш керак деб ҳисоблаймиз. Бу нарса бизнинг жамоа сифатида инсониятга ҳурматимизни ифодалайди. АПЛда бу одат фақат катта ўйинларда амал қилмоқда. Ўйлайманки, Жаҳон чемпионатидан кўра каттароқ турнир йўқ ва биз бутун дунёга ўзимизнинг бирдамлигимиз ва инсониятга бўлган чексиз муҳаббатимизни намойиш этамиз. Барча, айниқса, ёш авлод, инсон ҳуқуқлари ва ҳаёти азиз эканини билиши даркор!".
Эслатиб ўтамиз, Англия ва Эрон ўртасидаги баҳс бугун, Тошкент вақти билан 18:00да старт олади. Ўйинни SPORT TV телеканали орқали жонли эфирда томоша қилиш имконияти мавжуд.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
