Kuni kecha Qatardagi Jahon chempionatining startiga guvoh bo‘ldik. Bugun B guruhidagi jamoalar o‘zaro bahslarga kirishadi. Undan Angliya ham joy olgan. Inglizlarga ilk raqib Eron Islom Respublikasi bo‘ladi. Shuningdek, guruhdan AQSH hamda Uels ham joy olgan. Xo‘sh, Angliya bugungi o‘yinni qay uslubda boshlaydi?
So‘nggi xabarlarga qaraganda, inglizlar ustozi Garet Sautgeyt Yevropa chempionati finalida foydalangan 11 futbolchidan 9 tasini bugungi o‘yinga tanlab oladi. Himoya chizig‘i to‘rtta futbolchidan tashkil topishi aytilgan. "Manchester Yunayted"da zaxiraga mixlangan Xarri Maguayr boshlang‘ich tarkibga kirishi kutilmoqda. U "Manchester Siti" himoyachisi Jon Stounz bilan markaziy mudofaani tashkil etib beradi. Qanotlarda esa "Nyukasl" vakili Kiran Trippyer va "MYU"ning yana bir o‘yinchisi Lyuk Shou joylashadi.
Yarim himoya asosan yosh talantlardan iborat bo‘ladi. Xususan, tayanch chizig‘ida Deklan Rays hamda Meyson Mount harakat qiladi. Ularning oldida, o‘ninchi raqam vazifasini Jyud Bellingem bajarishi lozim. Hujum chizig‘i Yevro-2020 kabi bo‘ladi. Ya’ni, Chap qanotda "Chelsi" hujumchisi Raxim Sterling to‘p tepsa, o‘ng tomonni "Arsenal" vakili Bukayo Saka egallaydi. Saka Fil Fodendan ko‘ra afzal ko‘rilishi taxmin qilingan. Jamoa sardori bo‘lgan Xarri Keyn hujum markazidan o‘rin oladi. Darvoza esa "Everton" posboni Jordan Pikfordga ishonib topshiriladi. Pikford 2018 yilgi mundialda ham asosiy figura edi.
Garet Sautgeyt o‘z futbolchilari haqida gapirar ekan, Eronga qarshi bahs oldidan tiz cho‘kish bilan bahsni boshlashini aytadi. "Uch Sherlar" bu odatni "Black Lives Matter" shiori ostida o‘tkazadi. Qolaversa, bu Qatarning inson huquqlari borasidagi g‘ayriqonuniy ishlariga javob o‘laroq, bajariladi. Bu haqida Sautgeytning o‘zi shunday deydi:
"Biz tiz cho‘kishga kelishib oldik. Biz shunday qilish kerak deb hisoblaymiz. Bu narsa bizning jamoa sifatida insoniyatga hurmatimizni ifodalaydi. APLda bu odat faqat katta o‘yinlarda amal qilmoqda. O‘ylaymanki, Jahon chempionatidan ko‘ra kattaroq turnir yo‘q va biz butun dunyoga o‘zimizning birdamligimiz va insoniyatga bo‘lgan cheksiz muhabbatimizni namoyish etamiz. Barcha, ayniqsa, yosh avlod, inson huquqlari va hayoti aziz ekanini bilishi darkor!".
Eslatib o‘tamiz, Angliya va Eron o‘rtasidagi bahs bugun, Toshkent vaqti bilan 18:00da start oladi. O‘yinni SPORT TV telekanali orqali jonli efirda tomosha qilish imkoniyati mavjud.
ISMATOV J.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
