Жаҳон чемпионатининг энг ғайритабиий стадиони ва эҳтимол, жаҳон чемпионатлари тарихидаги энг оригинал ечимга эга аренадир, "974" аренаси 30 минг тонна пўлат конструкциялар ва 974 та юк контейнерларидан қурилган. Ўйингоҳ номланиши ҳам айнан шундан келиб чиққан. Стадионнинг барча интерерлари - кийиниш, ҳакамлар хонаси ва бошқалар қайта ишланган контейнерлар ичида жойлашган.
Энг ажабланарлиси ушбу янги қурилган стадион бузиб ташланади. Ушбу майдонда ўтказилган сўнгги баҳс Бразилия - Жанубий Корея ўйини бўлди. Стадион қурилишида ишлатилган контейнерлар юк ташиш компанияларига берилади. 30 минг тонна металл конструкциялар ҳам сотиб юборилади. Улардан худди шу лойиҳага ўхшаш стадионни йиғиш мумкин. 2021 йил 30 ноябрда қурилган стадион бир йилдан кейин бузиб ташланганадиган ФИФА тарихидаги биринчи иншоот ҳисобланади.
Умуман олганда "974" мундиалдан кейин бузиб ташланадиган ёки реконструкция қилинадиган ягона ўйингоҳ эмас. Мисол учун Жаҳон чемпионати якунлангач, айни дамда 60 минг мухлисни ўз бағрига сиғдира оладиган “Ал-Байт” стадиони сиғими 32 минг томошабинга тушади, бу ерда маҳаллий “Ал-Хур” жамоаси ўйинларини ўтказиши режалаштирилган. Арена атрофидаги бинолар қулай беш юлдузли меҳмонхонага айлантирилади. Стадионда савдо маркази, фуд-корт ва спорт заллари ташкил этилади. Ўйингоҳ атрофида дам олиш масканлари, югуриш ва велоспорт йўлаклари, шунингдек, от миниш жойларидан иборат катта истироҳат боғи қурилади.
Мундиалдан кейин бузиб ташланадиган навбатдаги стадион 80 минг мухлисга мўлжалланган "Лусаил Арена"си. Ушбу стадион бузиб ташланиб кўп функцияли марказ сифатида қайта қурилади. У ерда мактаб, дўконлар, поликлиника жойлашади. Режага кўра, бу марказ шу атрофда қурилаётган турар жой массивининг диққатга сазовор жойига айланиши кутилмоқда.
Бундан ташқари "Ас-Сумама", "Аҳмад Бин Али" ҳамда "Ал-Жануб" стадионларининг сиғими икки баробарга қисқартирилиб, 40 минг ўриндиқдан 20 мингга туширилади. "Эдукейшн Сити" стадиони сиғими эса 45 мингдан 25 мингга камайтирилади. Қатар ўзига хос лойиҳалар асосида қурган стадионларининг бундай трансформация кишиларда ўзига хос ҳайрат уйғотади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
