Jahon chempionatining eng g‘ayritabiiy stadioni va ehtimol, jahon chempionatlari tarixidagi eng original yechimga ega arenadir, "974" arenasi 30 ming tonna po‘lat konstruksiyalar va 974 ta yuk konteynerlaridan qurilgan. O‘yingoh nomlanishi ham aynan shundan kelib chiqqan. Stadionning barcha intererlari - kiyinish, hakamlar xonasi va boshqalar qayta ishlangan konteynerlar ichida joylashgan.
Eng ajablanarlisi ushbu yangi qurilgan stadion buzib tashlanadi. Ushbu maydonda o‘tkazilgan so‘nggi bahs Braziliya - Janubiy Koreya o‘yini bo‘ldi. Stadion qurilishida ishlatilgan konteynerlar yuk tashish kompaniyalariga beriladi. 30 ming tonna metall konstruksiyalar ham sotib yuboriladi. Ulardan xuddi shu loyihaga o‘xshash stadionni yig‘ish mumkin. 2021 yil 30 noyabrda qurilgan stadion bir yildan keyin buzib tashlanganadigan FIFA tarixidagi birinchi inshoot hisoblanadi.
Umuman olganda "974" mundialdan keyin buzib tashlanadigan yoki rekonstruksiya qilinadigan yagona o‘yingoh emas. Misol uchun Jahon chempionati yakunlangach, ayni damda 60 ming muxlisni o‘z bag‘riga sig‘dira oladigan “Al-Bayt” stadioni sig‘imi 32 ming tomoshabinga tushadi, bu yerda mahalliy “Al-Xur” jamoasi o‘yinlarini o‘tkazishi rejalashtirilgan. Arena atrofidagi binolar qulay besh yulduzli mehmonxonaga aylantiriladi. Stadionda savdo markazi, fud-kort va sport zallari tashkil etiladi. O‘yingoh atrofida dam olish maskanlari, yugurish va velosport yo‘laklari, shuningdek, ot minish joylaridan iborat katta istirohat bog‘i quriladi.
Mundialdan keyin buzib tashlanadigan navbatdagi stadion 80 ming muxlisga mo‘ljallangan "Lusail Arena"si. Ushbu stadion buzib tashlanib ko‘p funksiyali markaz sifatida qayta quriladi. U yerda maktab, do‘konlar, poliklinika joylashadi. Rejaga ko‘ra, bu markaz shu atrofda qurilayotgan turar joy massivining diqqatga sazovor joyiga aylanishi kutilmoqda.
Bundan tashqari "As-Sumama", "Ahmad Bin Ali" hamda "Al-Janub" stadionlarining sig‘imi ikki barobarga qisqartirilib, 40 ming o‘rindiqdan 20 mingga tushiriladi. "Edukeyshn Siti" stadioni sig‘imi esa 45 mingdan 25 mingga kamaytiriladi. Qatar o‘ziga xos loyihalar asosida qurgan stadionlarining bunday transformasiya kishilarda o‘ziga xos hayrat uyg‘otadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
