Иккинчи даврадаги тўртинчи ўйинини ўтказган «Машъал» жамоамиз бу сафар ҳам ғалаба қозона олмади. Муборакда «Локомотив»га қарши кечган баҳсда майдон эгалари 1:2 ҳисобида ютқазиб қўйишди.
Тошкентда бўлиб ўтган биринчи давра ўйинида ҳам «Машъал» «Локомотив»га имкониятни бой берганди. Шу боис жавоб ўйинида «газчилар» астойдил ҳаракат қилишди, бироқ шу куни меҳмонларнинг қўли баланд келиб «темирйўлчилар» битта тўп фарқи билан ғалаба қозониб кетишди.
Ўйиннинг 9-дақиқасига келиб ҳисоб очилди. Бу вазиятда жарима майдончаси иичда қўполлик содир этилди дея топган бош ҳакам «Машъал» дарвозаси томон пенальти белгилади. 11 метрлик жарима зарбасини тажрибали ҳужумчи Зайниддин Тожиев бехато амалга оширди – 0:1.
36-дақиқага келиб эса мезбонлар ҳам гол уришнинг уддасидан чиқишди. Бу гал меҳмонлар жарима майдончаси ичида қоида бузилди. Аниқроғи «Локо» посбони Павел Бугало яккама-якка вазиятга чиқиб борган Мирзоҳид Ғофуровни тўхтатиб қолди. Натижада учрашувни бошқариб борган Валентин Коваленко яна пенальти белгилади. Пенальтини голга айлантириш эса жамоамизнинг янги вакили Милорад Ресановичга насиб этди – 1:1.
Иккинчи бўлимнинг охирига келиб «Локо» ғалаба тўпини киритишга муваффақ бўлди. Элдор Магдеевдан тўпни қабул қилиб олган Александр Шадрин тўғри жарима майдончаси ичига кириб бориб «Машъал» посбонини алдаб ўтди ва деярли бўш қолган дарвозани осонлик билан ишғол қилди. Қолган дақиқаларда эса майдон эгалари ҳисобни тенглаштира олишмади ва навбатдаги ўйинда ҳам имкониятни бой беришди. Энди жамоамиз кейинги учрашувни яна ўз майдонида 3 сентябрь куни «Андижон»га қарши ўтказади. Биз мана шу беллашувда муборакликлардан фақат ва фақат ғалаба кутиб қоламиз.
Олий лига. 17-тур.
«МАШЪАЛ» - «ЛОКОМОТИВ» - 1:2
«Машъал»: 1. Санжар Қувватов, 3. Дилявер Ваниев, 4. Илья Фомичев, 11. Мирзоҳид Ғофуров, 14. Игорь Петкович, 15. Габит Сапаргалиев, 18. Аббос Шодмонов, 19. Яннис Мандзукас (Шаҳзод Шайманов, 90+2), 20. Милорад Ресанович (8. Самандар Шодмонов, 58), 24. Павел Соломин (Жамшид Ҳасанов, 82), 26. Абдували Мўминов.
«Локомотив»: 1. Павел Бугало, 6. Дилшод Раҳматуллаев, 7. Садриддин Абдуллаев (Элдор Магдеев, 70), 8. Максим Казанков (2. Артурас Фоменко, 63), 9. Зайниддин Тожиев (Александр Шадрин, 63), 13. Рустам Аъзамов, 15. Акмал Холматов, 19. Ислом Иномов, 20. Ислом Тўхтахўжаев, 23. Бобурбек Йўлдошев, 24. Дилшод Жабборов.
Голлар: М.Ресанович, 36 (пенальти) - З.Тожиев, 9 (пенальти). А. Шадрин, 90.
Огоҳлантиришлар: И.Фомичев, 60. П.Соломин, 62. Д.Ваниев, 90+3 - П.Бугало, 36.
Бош ҳакам: В.Коваленко
Қанот ҳакамлари: Р.Ильясов, М.Саидқосимов.
Захира ҳаками: Ш. Қосимов.
Назоратчи: С.Нажафалиев.
26 август. Муборак. 1500 томошабин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
