Эрик тен Хаг бошчилигидаги "МЮ" Барселона шаҳрига йўл олди. "Қизил иблислар" Каталонияга "Барса"ни сўнгги ўн беш йилда илк бор ер тишлатгани бормоқда. Инглиз гиганти Европа лигаси, ўтиш ўйинларида ЕЧЛдан қуруқ қолган жамоалардан бири бўлган "кўканорранглилар" билан тўқнашадиган бўлди. "МЮ" бу жамоага сўнгги тўртта тўқнашувда имкониятни бой берган. Улар ичида 2009 ва 2011 йилги ЕЧЛ финаллари ҳамда 2019 йилдаги чорак финал баҳси мавжуд.
"Манчестер Юнайтед" сўнгги бор 2008 йилги мавсумда "Барселона"ни мағлуб этган. Ўшанда каталонияликларни Франк Райкард бошқарарди. Биринчи давра 0-0 ҳисобидаги дуранг билан якун топади. Англиядаги жавоб учрашувида эса "қизил иблислар" минимал ҳисобда зафар қучган (0-1). Ўйин тақдирини ҳал қилган голни ўшанда Пол Скоулз киритганди. Кейинчалик собиқ ярим ҳимоячи голнинг киритилиши, тасодиф бўлганини айтади.
Айни дамда ўша афсонавий лаҳзаларда қизил либосда ҳаракат қилганларнинг атиги иккитасигина бугунги кунда профессионал фаолиятини давом қилмоқда. Шулардан бири яқинда "МЮ" сафини тарк этиб кетган Роналду бўлса, бошқаси "Брайтон" ҳужумчиси Дэнни Уэлбекдир. "Барселона" мағлуб этилган тунда ҳужум чизиғида Криштиану Роналду ҳамда Карлос Тевес бор эди.
Ярим ҳимояда Пол Скоулз ва Майкл Каррик ҳаракат қилган. Таъкидлаш жоизки, Каррик айни дамда мураббийлик билан шуғулланиб, "Мидлсбро"ни АПЛга қайтариш топшириғини адо этмоқда. Қанот ҳужумчилари сифатида Луиш Нани ҳамда Пак Жи Сон танлаб олинган. Фергюсон ҳимоя учун Оуэн Харгривс, Рио Фердинанд Уэс Браун ҳамда Патрис Эвраларни маъқул кўрганди. Дарвозада Эдвин ван дер Сар номи қайд этилади. Баҳс давомида, шунингдек, Даррен Флетчер, Райан Гиггс ва Микаэль Сильвестр захира варианти сифатида фойдаланилган эди. Фойдаланилмаган, лекин қайдномага киритилганлар ичида Уэлбекдан ташқари Томас Кушчак, Андерсон ва Жон О'Шилар бўлган.
"Барселона" томонда эса фақатгина Лионель Месси ҳали-ҳамон футбол ўйнамоқда ва у ЕЧЛ баҳсларида "ПСЖ" билан қатнашаяпти. Каталон клуби таркиби ўшанда қуйидагича эди: Пуйоль, Андреас Иньеста, Яя Туре, Самюэль Это'о, Хави ва Тьерри Анри.
Эслатиб ўтамиз, "Барселона" ва "МЮ" ўртасидаги баҳс 16 декабрь куни Тошкент вақти билан соат 22:45да старт олиши белгиланган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
