Лионель Месси фаолиятидаги 800-голини урди. Бу Аргентина ва Панама ўртасидаги ўйинда содир бўлди. У Криштиану Роналдуни таъқиб қилмоқда. Португалиялик - футбол тарихидаги энг яхши тўпурар ҳисобланади - 830 та гол. Криштиану Лихтенштейн билан ўйинда дубл қайд этди ва аргентиналикдан устунликни оширди. Келинг, IFFHS версиясига кўра жаҳон футболи тарихидаги энг яхши 5 нафар тўпурарлар рўйхатини кўриб чиқамиз.
5. Ференс Пушкаш, 729 та гол
Венгер футболчиси бутун фаолиятини "Ҳонвед" ва "Реал"да ўтказган. Ференс Пушкаш ўз уйида бешта чемпионликни қўлга киритган, Испанияда 10та соврин. Ҳужумчи Венгрия лигаси (тўрт марта), Ла лигада (тўрт марта), еврокубокларда (уч марта) тўпурарга айланди. Пушкаш терма жамоа (84 гол) ва “Ҳонвед” (378) тарихидаги энг яхши тўпурар ҳисобланади.
4. Ромарио, 755 та гол
Ромарио ўзи ўйнаган барча лигаларда тўпурар бўлган: етти марта Кариока лигасида, уч марта Нидерландия чемпионати ва Бразилия чемпионатида. Бир марта Ла лигада. 1994 йилда Ромарио жаҳон чемпионлигини қўлга киритди ва энг яхши футболчи сифатида тан олинди. Кейин ФИФА талқинига кўра йилнинг энг яхши футболчиси бўлди.
3. Пеле, 762 гол / 1283 гол
Пеле Бразилия терма жамоаси сафида 77 та гол урган, бироқ Неймар бу кўрсаткич бўйича ундан ўзиб кетиш арафасида, бу эса “ПСЖ” ҳужумчисини ўз мамлакати тарихидаги энг яхши тўпурарга айлантиради. Уч карра жаҳон чемпиони кўплаб рекордларни ўрнатди, аммо ҳозир уларнинг ҳақиқийлигини текшириб бўлмайди.
Масалан, айнан бразилияликни кўпчилик футбол тарихидаги энг яхши тўпурар деб билади. Бир версияга кўра, у фаолиятидаги 1363 ўйинда 1289 та гол киритган. Қолаверса, Пеле 19 ёшида бир мавсумда 103 учрашувда 126 та гол урганини иддао қиладиган манбалар ҳам бор.
2. Лионель Месси, 800 та гол
Лео Месси “Барселона” сафида 672, “ПСЖ” учун 29 ва Аргентина терма жамоаси сафида 99 та гол урган. Икки йил ва 30 гол фарқини ҳисобга олсак, аргентиналик футболчи Криштиану Роналдуга етиб олиши ва энг яхшисига айланиши мумкин. Аммо португалиялик футболчи камида 40 ёшга тўлгунга қадар ўйнамоқчи ва Саудия Арабистони чемпионатидаги ўйини фақат устунликни сақлаб қолишга ёрдам беради. Бизни биринчи ўрин учун қизиқарли кураш кутмоқда!
1. Криштиану Роналду, 830 та гол
Агар Месси кечагина ўзининг 800-голини урган бўлса, Криштиану Роналду бу белгини 2021 йилнинг декабрида киритган эди. "Арсенал"га қарши баҳсда дубл қайд этди ва бундай кўрсаткичга эришган биринчи футболчига айланди. Криштианунинг гол уриш борасидаги асосий муваффақиятлари терма жамоа учун тарихда бутун дунё ўйинчилари орасида биринчи ўрин (120) ва Чемпионлар лигасида 140 та гол (Мессида 129) бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
