"Барселона"да ўйнаш, футболчиларни дунёдаги энг яхши маош олувчи спортчига айлантиради. Аммо қайси футболчи қанча ишлаб топмоқда? Бу саволга қуйида жавоб топасиз.
Испания гиганти яқин йиллар ичида чуқур молиявий муаммолар исканжасида қолган эди. Клубнинг умумий қарзлари 1 миллиард фунт атрофида экани айтилади. Бу муаммонинг энг катта айбдори сифатида "Барселона" президенти Жоан Лапорта аввалги раҳбариятни, хусусан, Жосеп Бартомеуни айблаб келмоқда. У шундай дейди:
"Бизда футболчиларнинг маоши умумий даромадларнинг 103 фоизини ташкил этади. Бу эса бошқа клубларникига қараганда 20-25 фоизга кўпроқдир. Шу сабабдан бу ерга келганимизда, биринчи қиладиган ишимиз 80 миллион евро қарз олиш бўлди. Негаки, қарзсиз, футболчилар моашини тўлашга қурбимиз етмас эди. Аввалги раҳбарият бизга мана шундай катта муаммоларни "мерос" қолдириб кетди. У режим алдовларга тўла эди. Келганимда маош тўлаш тизими молиявий пирамидага айланиб қолган экан. Бу ерда катта ёшли футболчилар катта маошга ва узоқ ватли шартномага, ёшлар эса қисқа битимларга эга эди. Футболчилар маоши камайтирилмаганди. Бу борада ҳам ҳамма алданган".
"Барселона"нинг молиявий муаммолари, ҳаттоки, Лионель Мессини жамоадан кетишга мажбур қилганди. Клуб афсонаси 2021 йилнинг ёзида "ПСЖ"га эркин агент сифатида бориб қўшилади. Шундай бир вазиятда Лапорта жамоадаги кўплаб футболчиларни маошларини қисқартиришга кўндирди. Улар ичида Жерар Пике ҳам бор эди. Ушбу масалада "Барса"нинг иқтисод бўлими бошлиғи Эдуард Ромеу шундай дейди:
"Бюджет масаласи борасида вазият яхшиланиб бормоқда. Биз уни 150 миллион еврогача қисқартиришга муваффақ бўлдик. Ҳозир яхши йўналишдамиз. Аммо бу етарли эмас. Бизнинг гарданимизда йилига 560 миллион евро маош тўловлари турибди. Таққослаш учун, бу кўрсаткич "Бавария"да 300 миллион, "Реал"да эса 400 миллион еврони ташкил этади. Шу сабабдан ҳам тизим инқирозга юз тутди".
Қуйида бугунги кунда "Барселона" футболчилари ҳафтасига қанча маош олишини билиб оласиз.
1. Френки Де Йонг – 721,154 евро
2. Серхио Бускетс – 711,538 евро
3. Жорди Альба – 400,577 евро
4. Роберт Левандовски – 400,577 евро
5. Ансу Фати – 268,269 евро
6. Жюль Кунде – 260,577 евро
7. Рафинья – 240,385 евро
8. Усмон Дембеле – 230,769 евро
9. Ферран Торрес – 192,308 евро
10. Педри – 180,385 евро
11. Тер Штеген – 173,077 евро
12. Франк Кесси – 173,077 евро
13. Адреас Кристенсен – 173,077 евро
14. Рональд Араухо – 134,615 евро
15. Гави – 130,769 евро
16. Маркос Алонсо – 120,192 евро
17. Эрик Гарсия – 115,385 евро
18. Серхио Роберто – 96,154 евро
19. Игнасио Пенья – 38,462 евро
20. Алекс Бальде – 3,077 евро.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
