"Барселона" дунёнинг энг яхши иқтидорларини ўзига жалб қилади, клубнинг трансфер бозорида ғалабалари ҳам, муваффақиятсизликлари ҳам бор.
Баъзи келишувлар ажойиб бўлса-да, бошқалари умидсизликка учраши мумкин. Келинг, Каталония клубининг энг қиммат трансферларининг ижобий ва салбий томонларини кўриб чиқайлик.
Златан Ибраҳимович (69,5 млн евро)
Ибраҳимович 2009 йилда “Барселона” таркибига қўшилганида, у аллақачон Европанинг энг яхши ҳужумчиларидан бири эди. Швециялик футболчини "Камп Ноу"га олиб келиш учун "Барса" Самуэль Это'Одан воз кечиши керак эди.
Златан Каталонияда ўзини ажойиб тарзда кўрсатишни бошлади, аммо у ва Пеп Гвардиола ўртасидаги муносабатлар тезда бузилиб кетди. The Guardian нашрининг ёзишича, улар деярли гаплашмаган. “Барселона” Чемпионлар лигаси ярим финалида “Интер”дан учралган мағлубиятдан сўнг кийиниш хонасидаги қизғин баҳсдан сўнг ҳужумчи собиқ мураббийини “умуртқасиз қўрқоқ” деб атади.
Златан "Милан"га кетишдан олдин Испанияда атиги бир мавсум ўтказди.
Френки Де Йонг (75 миллион евро)
2018/19 йилги мавсумда Де Йонг футбол оламини забт этди: “Аякс” Чемпионлар лигасига йўл олди ва ярим финалга чиқди.
Нидерландиялик ярим ҳимоячи - жамоа бош мураббийи Эрик тен Хагнинг маҳорати эвазига "Барса"нинг қизиқишига сабаб бўлди.
Френки 2022/23 йилларда Хави унга кўпроқ эркинлик берганидан сўнг очила бошлади, бунгача футболчининг "Барселона"даги ишлари унчалик яхши эмас эди. Ҳозирда Де Йонг ажойиб ўйинлари ва Нидерландия терма жамоасига қўшган ҳиссаси туфайли Европанинг энг яхши ярим ҳимоячиларидан бири сифатида эътироф этилади.
Луис Суарес (82 млн евро)
2013/14 йил Суареснинг Премьер-лигадаги энг яхши мавсумларидан бири бўлди. "Барселона" уни ўз сафига чақирганида эса "Ливерпуль" ҳужумчини сақлаб қолиш имконияти кам эди.
Каталониядаги биринчи мавсумида ҳужумчи Лионель Месси ва Неймар билан ажойиб трио тузди ва "Барселона"га Чемпионлар лигасини ютишига ёрдам берди.
Уругвайлик футболчи "Барса" таркибида Ла Лигадаги энг кучли "тўққизлик" ҳужумчиларидан бири эди. У 283 ўйинда 195 та гол уриб, "кўк-анорранглилар"ни жамоанинг учинчи энг кўп тўпурари сифатида тарк этди.
Неймар (88 млн евро)
Футбол ишқибозлари мехрини забт этган бразилиялик ёш вингер “Реал” ва “Челси” қизиқишларига қарамай, “Барселона”га ўтишга қарор қилди. 2013 йилда эса у орзусини амалга оширди.
"Барселона" Неймар учун кутилганидан ҳам кўпроқ пул тўлади, аммо жамоада ўтказган ажойиб тўрт йил орқали ўзига киритилган сармояни оқлади.
Неймар Каталонияда 186 та ўйинда майдонга тушиб, 2017 йилда Париж клубига рекорд даражадаги трансфер эвазига йўл олди. "Барселона"да у 105 та гол урди ва 76 та голли узатмани амалга оширди.
Антуан Гризманн (120 млн евро)
Каталония клубининг омадсиз харидларидан бири.
Бир қарашда, ўша пайтдаги Европанинг энг яхши футболчиларидан бири бўлган Антуан Гризманни қўлга киритиш ажойиб ғоядек туюлди, аммо жамоанинг даҳшатли режаси туфайли Гризманн клубга мос келмади.
Франциялик футболчи "Атлетико Мадрид"да ажойиб обрўга эга эди ва у ерда иккинчи ҳужумчи сифатида ажойиб ўйин кўрсатди. Аммо у 4-3-3 схемасида ўйнаган "Барселона"да ўзининг энг яхши позициясини ҳеч қачон топа олмади.
Гризманн турли позицияларда ҳаракат қилди, лекин у ҳеч қачон ўзига сарфлаган пулни оқлай олмади.
"Барселона"да Антуан 102 ўйинда 35 та гол урди ва "Атлетико"га қайтди ва у ерда ўшандан бери доимий равишда ўзининг энг яхши натижаларини кўрсатиб келмоқда.
Усмон Дембеле (145 млн евро)
"Барселона"га Дембеле билан омад кулиб боқмади. Француз жуда иқтидорли ва баъзида тўхтатиб бўлмайдиган даражада ўйин кўрсатса ҳам, жароҳатлар унинг клубда унинг муваффақиятга эришишига тўсқинлик қилган.
"Камп Ноу"даги олти мавсум давомида 26 ёшли футболчи ёзда "ПСЖ"га ўтишдан олдин турли жароҳатлар туфайли 117 та ўйинни ўтказиб юборди.
Филиппе Коутиньо (160 миллион евро)
“Барселона” 2018 йилда “Ливерпуль”дан Коутиньони 160 миллион евролик трансферини амалга оширганида, кўпчилик бу нарх ақлдан озган деб ўйлаганди. Бироқ, бразилияликни футболчини Каталонияда омадсизлик кутаётган эди.
"Барселона" Коутиньони "Ливерпуль"даги энг яхши плеймейкер мақомида ўз сафига қўшиб олди. Бироқ у жамоанинг 4-3-3 схемасига мослаша олмади.
Коутиньонинг ўйини тез-тез ўзгариб турарди, турли даражадаги муваффақиятларга эришди, лекин у ҳеч қачон "Энфилд"да уни юлдузга айлантирган формасини кўрсата олмади.
Футболчи клубдаги омадсизликлардан сўнг "Астон Вилла"га ўтди ва у ердан ҳозирда Қатарга йўл олишга яқин турибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
