Гюлер «Реал Мадрид»да учинчи жароҳатини олди ва майдонда бир дақиқани ҳам ўтказгани йўқ. Клубнинг жаҳли чиқди ва аллақачон бош шифокорни ишдан бўшатиб юборди.
«Тез орада у ўйнай олади ва сиз унинг улкан истеъдодини кўрасиз», - Карло Анчелотти бизни узоқ вақтдан бери шунақа деб «алдаб» келади.
Янги авлоднинг энг иқтидорли ўйинчиларидан бири «Реал»га ёзнинг ўрталарида етиб келди, у ҳақида бизга жуда кўп гапиришди, лекин биз уни ҳалигача ўйинда кўрмадик. Ҳозирча Арда Гюлер янги жамоаси учун ҳатто ўртоқлик ўйинларида ҳам ёрдам бера олмади. Арда Чемпионлар лигаси доирасидаги «Брага»га қарши ўйиндан бир неча соат олдин янги жароҳат олди - бу сафар унга сон мушаклари ёрилиши ташхиси қўйилди. Marca хабарига кўра, Анчелотти у ҳақида билар эди, бироқ ярим ҳимоячини қайдномада қолдириб, йигитга ниҳоят ўзини жамоанинг бир бўлагидек ҳис қилиш ва «Бернабеу» муҳитини ҳис қилиш имконини берди. Ўйиндан сўнг Карло Гюлерга яқинлашиб, уни қучоқлаб, ўпиб, қўллаб-қувватлаганини кўрсатди.
Ушбу жароҳат футболчи учун Испания пойтахти жамоаси сафидаги учинчи жароҳати бўлди.
Агар клуб аввалроқ тикланишнинг тахминий вақтларини эълон қилган бўлса, энди буни чиқармай қўйди: «Реал Мадрид»га яқин журналист Хосе Феликс Диас Гюлер ҳақида «Marca» нашрида иккита асосий фикр ёзди:
● Клуб энди Гюлернинг қайтиши учун аниқ саналарни айтмоқчи эмас ва шу тартибда ундан босимни олиб ташламоқчи;
● Мадридликлар вазиятдан хавотирда, лекин футболчига ишониб, уни тўлиқ тузатмоқчи.
The Atheletic нашрининг ёзишича, Гюлер тахминан декабрь ойи бошида тайёр бўлади. Аммо пессимистик тарзда хабар қилинганидек, Туркия терма жамоаси футболчиси январгача қайтмайди.
Гюлер 6 июль куни «Реал Мадрид»га кўчиб ўтди ва 19-куни у жамоа билан АҚШда мавсумолди машғулотларига учиб кетди ва у ерда энг кўп муҳокама қилинадиган футболчилардан бирига айланди: унинг голлари, финтлар ва машғулотлардаги ўйинлари акс этган эпизодлар кўпчиликка манзур бўлди.
Анчелотти чин дилдан ҳайратда қолди: «У ажойиб. Ёшига қарамай, Арда ўйинни мукаммал ўқийди, барча шерикларини жуда яхши ҳис қилади ва тўп билан муомала қилишда ақл бовар қилмас хусусиятларга эга. Унинг келажаги буюк».
Июнь ойи охирида кайфият бузилди: Лос-Анжелесдан олинган сўнгги суратларда Гюлер тиззасига муз қўйиб гольф аравасида ўтирган эди. Клуб ҳеч қандай баёнот бермади, аммо Гюлер на «Милан»га, на «МЮ»га қарши майдонга тушмади.
29 июль куни «Реал» ниҳоят гапирди: Гюлерга ўнг тиззасидан шикастланганлик ташхиси қўйилди. Тахминий тикланиш санаси 6 ҳафтадан 8 ҳафтагача; энг яхши ҳолатда футболчи Ла Лиганинг бешинчи туригача қайтади.
Маълум бўлишича, сентябрь ойида Арда умумий гуруҳда 10 га яқин дарс ўтказган ва «Лас-Пальмас»га қарши баҳсга тайёр бўлган. Ўйин олдидан бўлиб ўтган матбуот анжуманида Анчелотти туркиялик янги футболчи тўғри ритм топгани ва ниҳоят, таркибга киритилишини тасдиқлади. Биз шошиб қолдик: ўйиндан бир кун олдин машғулотнинг энг охирида Гюлер чап сонининг мушагини шикастлаб олди. Дебют яна қолдирилди ва ноябрь ойига қайтиши башорат қилинди.
Гюлернинг жароҳати туфайли «Реал Мадрид» бош шифокори аллақачон ишдан бўшатилган. Ноябрь ойи бошида Marca нашри «Реал Мадрид»да олти йил ишлаган тиббий хизматлар бошлиғи Нико Михични ишдан бўшатишини эълон қилди.
Сабаби Гюлернинг навбатдаги жароҳати. АҚШда хочсимон пайлар билан боғлиқ муаммолардан сўнг, Михич консерватив даволанишни талаб қилди, доктор Лис (у Милитао ва Куртуани хоч чизиғи ёрилишидан кейин операция қилган шифокор) футболчини жарроҳлик амалиёти керак деб ҳисоблади. Натижада Лиснинг обрўси устун келди. Ёзилишича, Нико ўйинлардан бирида Гюлерга иштирок этиш учун рухсат берган, гарчи футболчи ҳали тайёр эмас бўлса ҳам. Михичга қарши даъволар фақат Гюлернинг жароҳатлари билан чекланмаган. Marca'нинг қўшимча қилишича, «Реал Мадрид» ўтган йил давомида Бензема, Алаба ва Себальос каби бошқа ўйинчиларнинг тез-тез жароҳат олишидан хавотирда бўлган.
«Реал» 18 ёшли вундеркиндни шунчалик хоҳлардики, «Фенербахче»га 30 миллион евро (20+10 бонус) тўлади ва Гюлерга асосий жамоада ўйнаш амалиётини ваъда қилди. Бу «Мадрид» ва «Барcа» ўртасидаги ҳал қилувчи баҳслардан бирига айланди.
29 июнь куни «Барса» спорт директори Деку футболчи бўйича музокара ўтказиш учун Туркияга етиб келди ва каталонияликлар келишув ёпилиши арафасида эканлигига шубҳа қилишмади. Аммо «Реал Мадрид» бош скаути Ҳуни Калафатнинг тезкор аралашуви ҳаммасини ўзгартириб юборди: телефон орқали суҳбат чоғида Калафат Гюлерга клубнинг ривожланиш режасини тақдим этди ва Мадрид клубининг яқин йиллардаги лойиҳалари ҳақида гапирди.
Лука Модрич ҳам бу борада ёрдам берди. Хорватиялик Гюлерга 2024 йилда клубдан кетгач, 10-рақамни беришга ваъда берган. Кейинчалик Гюлер бундай таклиф фактини рад этди, бироқ Модрич билан ҳақиқатан ҳам суҳбат бўлганини тасдиқлади.
«Реал Мадрид» жуда иқтидорли футболчини жуда муносиб пул эвазига (айниқса, ҳозирги бозорда) олди, аммо ҳозирча ҳаммаси ачинарли кўринади: Гюлерни яна бир тикланиш даври кутмоқда ва мухлислар унинг дебютини кутиб, сабр қилишлари керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
