Gyuler «Real Madrid»da uchinchi jarohatini oldi va maydonda bir daqiqani ham o‘tkazgani yo‘q. Klubning jahli chiqdi va allaqachon bosh shifokorni ishdan bo‘shatib yubordi.
«Tez orada u o‘ynay oladi va siz uning ulkan iste’dodini ko‘rasiz», - Karlo Anchelotti bizni uzoq vaqtdan beri shunaqa deb «aldab» keladi.
Yangi avlodning eng iqtidorli o‘yinchilaridan biri «Real»ga yozning o‘rtalarida yetib keldi, u haqida bizga juda ko‘p gapirishdi, lekin biz uni haligacha o‘yinda ko‘rmadik. Hozircha Arda Gyuler yangi jamoasi uchun hatto o‘rtoqlik o‘yinlarida ham yordam bera olmadi. Arda Chempionlar ligasi doirasidagi «Braga»ga qarshi o‘yindan bir necha soat oldin yangi jarohat oldi - bu safar unga son mushaklari yorilishi tashxisi qo‘yildi. Marca xabariga ko‘ra, Anchelotti u haqida bilar edi, biroq yarim himoyachini qaydnomada qoldirib, yigitga nihoyat o‘zini jamoaning bir bo‘lagidek his qilish va «Bernabeu» muhitini his qilish imkonini berdi. O‘yindan so‘ng Karlo Gyulerga yaqinlashib, uni quchoqlab, o‘pib, qo‘llab-quvvatlaganini ko‘rsatdi.
Ushbu jarohat futbolchi uchun Ispaniya poytaxti jamoasi safidagi uchinchi jarohati bo‘ldi.
Agar klub avvalroq tiklanishning taxminiy vaqtlarini e’lon qilgan bo‘lsa, endi buni chiqarmay qo‘ydi: «Real Madrid»ga yaqin jurnalist Xose Feliks Dias Gyuler haqida «Marca» nashrida ikkita asosiy fikr yozdi:
● Klub endi Gyulerning qaytishi uchun aniq sanalarni aytmoqchi emas va shu tartibda undan bosimni olib tashlamoqchi;
● Madridliklar vaziyatdan xavotirda, lekin futbolchiga ishonib, uni to‘liq tuzatmoqchi.
The Atheletic nashrining yozishicha, Gyuler taxminan dekabr oyi boshida tayyor bo‘ladi. Ammo pessimistik tarzda xabar qilinganidek, Turkiya terma jamoasi futbolchisi yanvargacha qaytmaydi.
Gyuler 6 iyul kuni «Real Madrid»ga ko‘chib o‘tdi va 19-kuni u jamoa bilan AQSHda mavsumoldi mashg‘ulotlariga uchib ketdi va u yerda eng ko‘p muhokama qilinadigan futbolchilardan biriga aylandi: uning gollari, fintlar va mashg‘ulotlardagi o‘yinlari aks etgan epizodlar ko‘pchilikka manzur bo‘ldi.
Anchelotti chin dildan hayratda qoldi: «U ajoyib. Yoshiga qaramay, Arda o‘yinni mukammal o‘qiydi, barcha sheriklarini juda yaxshi his qiladi va to‘p bilan muomala qilishda aql bovar qilmas xususiyatlarga ega. Uning kelajagi buyuk».
Iyun oyi oxirida kayfiyat buzildi: Los-Anjelesdan olingan so‘nggi suratlarda Gyuler tizzasiga muz qo‘yib golf aravasida o‘tirgan edi. Klub hech qanday bayonot bermadi, ammo Gyuler na «Milan»ga, na «MYU»ga qarshi maydonga tushmadi.
29 iyul kuni «Real» nihoyat gapirdi: Gyulerga o‘ng tizzasidan shikastlanganlik tashxisi qo‘yildi. Taxminiy tiklanish sanasi 6 haftadan 8 haftagacha; eng yaxshi holatda futbolchi La Liganing beshinchi turigacha qaytadi.
Ma’lum bo‘lishicha, sentyabr oyida Arda umumiy guruhda 10 ga yaqin dars o‘tkazgan va «Las-Palmas»ga qarshi bahsga tayyor bo‘lgan. O‘yin oldidan bo‘lib o‘tgan matbuot anjumanida Anchelotti turkiyalik yangi futbolchi to‘g‘ri ritm topgani va nihoyat, tarkibga kiritilishini tasdiqladi. Biz shoshib qoldik: o‘yindan bir kun oldin mashg‘ulotning eng oxirida Gyuler chap sonining mushagini shikastlab oldi. Debyut yana qoldirildi va noyabr oyiga qaytishi bashorat qilindi.
Gyulerning jarohati tufayli «Real Madrid» bosh shifokori allaqachon ishdan bo‘shatilgan. Noyabr oyi boshida Marca nashri «Real Madrid»da olti yil ishlagan tibbiy xizmatlar boshlig‘i Niko Mixichni ishdan bo‘shatishini e’lon qildi.
Sababi Gyulerning navbatdagi jarohati. AQSHda xochsimon paylar bilan bog‘liq muammolardan so‘ng, Mixich konservativ davolanishni talab qildi, doktor Lis (u Militao va Kurtuani xoch chizig‘i yorilishidan keyin operasiya qilgan shifokor) futbolchini jarrohlik amaliyoti kerak deb hisobladi. Natijada Lisning obro‘si ustun keldi. Yozilishicha, Niko o‘yinlardan birida Gyulerga ishtirok etish uchun ruxsat bergan, garchi futbolchi hali tayyor emas bo‘lsa ham. Mixichga qarshi da’volar faqat Gyulerning jarohatlari bilan cheklanmagan. Marca'ning qo‘shimcha qilishicha, «Real Madrid» o‘tgan yil davomida Benzema, Alaba va Sebalyos kabi boshqa o‘yinchilarning tez-tez jarohat olishidan xavotirda bo‘lgan.
«Real» 18 yoshli vunderkindni shunchalik xohlardiki, «Fenerbaxche»ga 30 million yevro (20+10 bonus) to‘ladi va Gyulerga asosiy jamoada o‘ynash amaliyotini va’da qildi. Bu «Madrid» va «Barca» o‘rtasidagi hal qiluvchi bahslardan biriga aylandi.
29 iyun kuni «Barsa» sport direktori Deku futbolchi bo‘yicha muzokara o‘tkazish uchun Turkiyaga yetib keldi va kataloniyaliklar kelishuv yopilishi arafasida ekanligiga shubha qilishmadi. Ammo «Real Madrid» bosh skauti Huni Kalafatning tezkor aralashuvi hammasini o‘zgartirib yubordi: telefon orqali suhbat chog‘ida Kalafat Gyulerga klubning rivojlanish rejasini taqdim etdi va Madrid klubining yaqin yillardagi loyihalari haqida gapirdi.
Luka Modrich ham bu borada yordam berdi. Xorvatiyalik Gyulerga 2024 yilda klubdan ketgach, 10-raqamni berishga va’da bergan. Keyinchalik Gyuler bunday taklif faktini rad etdi, biroq Modrich bilan haqiqatan ham suhbat bo‘lganini tasdiqladi.
«Real Madrid» juda iqtidorli futbolchini juda munosib pul evaziga (ayniqsa, hozirgi bozorda) oldi, ammo hozircha hammasi achinarli ko‘rinadi: Gyulerni yana bir tiklanish davri kutmoqda va muxlislar uning debyutini kutib, sabr qilishlari kerak.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
