Роналдо 5,5 йилдан бери Испаниянинг “Вальядолид” клубига эгалик қилмоқда, бироқ ҳозирча ишлар режадагидек эмас. Aфтидан, афсонавий бразилиялик муаммога дуч келди: мухлислар босими ҳар бир муваффақиятсизлик билан кучайиб боради.
Роналдо деярли клубни сотиб юборган ҳам эди, лекин клубнинг қуйи лигага тушиб кетгани учун бу жараён тўхтаб қолди
Мухлислар аниқ ривожланиш векторининг йўқлиги ва нотинч бошқарув туфайли норози. Кучли старт ва элитадаги кетма-кет икки мавсумдан сўнг, "Вальядолид" қуйи лигага тушиб кетди ва жамоа лифтга айланиб қолди: Примьерога қайтишлар ва қуйи лигага тушиб кетишлар ва беқарор ўйинлар мухлисларнинг ҳафсаласини пир қилди. Шу билан бирга, муваффақиятсизликларни мураббийларнинг тез- тез алмашиши билан изоҳлаб бўлмайди: бразилиялик барчага ишонган. 2018 йилдан буён учта мураббийга ишонч билдирди: Серхио Гонсалес уч йил ишлади, Пачета 2021 йилда (деярли икки йил) ишлади, энди эса Пауло Пеццолано бир йилдан бери ишламоқда.
Унчалик яхши ўтмаган 2023/24 мавсумига қарамай, у ҳозиргача ўзини тутиб турибди. Клуб ўтган йил давомида "бўрон"ни бошидан кечирди: 2023 йилнинг августида Роналдо мавсум бошланишига бир ярим ҳафта қолганда спорт директори Фран Санчесни қониқарсиз ишлагани ва Сегундага тушиб кетгани учун ишдан бўшатган. Унинг вориси Доминго Катоира бир нечта яхши ўйинчиларни олиб келди, аммо муаммолар тугамади. Бутун мавсум давомида мухлислар ёмон натижалар туфайли Пеццоланонинг кетишини талаб қилишди. Трибуналар 2023-йил сентябрида “Пеццолано, кет” дея ҳайқира бошлади.
Биринчи инқироз тугагач, жамоа кетма-кет бешта ғалабани қўлга киритди, тўрттасини голсиз қўлга киритди. Жадвалда еттинчи ўринга кўтарилиб, мухлислар меҳрини қайтариб олгандек бўлишди. Аммо кейин яна беқарорлик юзага келди: кейинги саккизта ўйинда учта мағлубият ва дуранг! Бундан ҳам ёмони: 2023-йил декабридан бери Пеццолано жамоаси чемпионатнинг 15 ўйинида атиги бешта ғалабага эришди ва шу лигадаги “Эспаньол” томонидан Испания кубогидан чиқариб юборилди. Қолган ўйинлар тўртта дуранг ва олтита мағлубият кўринишида якунланди.
Охирги ўйинда 3:1 ҳисобида ғалаба қозониб, турнир жадвалида бешинчи ўринни эгаллаб турган бўлса-да, танқид кучайиб бормоқда: 26 март куни жамоа машғулотларга чиққанида мухлислардан бири: “Пеццолано, кет”, деб бақирди. Мураббий ўгирилиб жавоб бермоқчи бўлди, лекин клуб ходими уни автограф кутаётган тинчроқ мухлислар олдига олиб борди.
"Вальядолид"даги муҳит ҳозир шундай. Мавсумнинг қолган қисми учун тақвим қийин эмас, лекин босим фақат ўсиб бормоқда. Потенциал харидорлар бор: 2024 йилнинг январида клубни аргентиналик бизнесмен Андрес Фраччи сотиб олиши мумкинлиги хабар қилинганди. Аммо Роналдо бу таклифни рад этди. Айтганча, бразилиялик собиқ футболчи 2023 йилнинг ёзида “Вальядолид” билан хайрлашишга тайёр эди ва ҳатто америкалик инвесторлардан 80 миллион евролик келишилган таклифга ҳам эга эди. Ягона шарт Ла Лигада қолиш учун рухсатномани сақлаб қолиш эди. Ўтган май ойида "Вальядолид" "Хетафе" билан очко бўлишди ва мусобақадан чиқиб кетганди.
Клуб ривожланиб борган дастлабки йилларда Роналдо еврокубокларга чиқишни ва брендни халқаро даражага чиқаришни ваъда қилди
Бразилиялик собиқ футболчи "Вальядолид"га катта режалар билан келганди.
Харид ҳақида расман 2018-йил сентябрида эълон қилинган эди: у клубнинг 51% акцияларини сотиб олган ва бу 30 миллион евродан ошганди, 2019-йил декабрида яна 21,7 фоизни сотиб олган ва президент лавозимини эгаллаган. Дебют матбуот анжуманида у клуб келажагини тавсифловчи тўртта сўз билан чиқишини бошлади: компетенция, аниқлик, инқилоб ва жамоатчилик.
2021-йилда Sports.ru'да Роналдонинг "Вальядолид" бошчилигидаги оралиқ муваффақиятлари ҳақида пост чоп этилди. 2,5 йил давомида эришилган ютуқлар таъсирли бўлди:
Даромад деярли икки баравар кўпайди - 7 дан 13 миллион еврогача.
"Вальядолид" жамоасининг умумий нархининг ўсиши - 48 дан 67 миллион еврогача кузатилди.
2019/20 йилги мавсумда сотилган абонементларнинг рекорд сони (22 000 тага яқин, 20 060 таси 2018/19 мавсумида сотилган).
Клуб тарихидаги рекорд сотув (Муҳаммад Салису "Саутгемптон"га 12 миллион евро) ва рекорд харид (Австриялик "Вольфсбергер"дан 4 миллион еврога Шоун Вайсман).
Клубнинг маошлар миқдорини ошириш ва уч мавсум давомида тарихдаги энг юқори кўрсаткичга эришиш (24 миллион евродан 49,3 миллион еврогача).
2020-йил клуб тарихидаги реклама шартномалари бўйича энг даромадли йил бўлди (6,2 миллион евро).
Футболкаларни сотиш бўйича рекордлар кетма-кет икки мавсум ўрнатилди.
Бундан ташқари, клубга кенг кўламли инъекциялар бўлди: Роналдо клубнинг деярли барча қарзларини тўлади (22 миллион евродан 19 миллиони) ва Жозе Зоррилла стадионини таъмирлаш учун яна бир неча миллион сарфлади.
Бразилиялик собиқ футболчи клуб академиясига сармоя киритиш, инфратузилмани ривожлантириш ва "Вальядолид" брендини халқаро тадбирлар орқали бутун дунёга танитиш истаги ҳақида гапирди ва у режани тушунтирди: “Биз Мадридда офис очдик, чунки биз "Вальядолид"нинг дунёнинг энг йирик клублари билан тенглашиш учун фақат минтақавий жамоа бўлишини тўхтатиб, миллий ёки халқаро даражага чиқиши кераклигини тушунамиз. Бизнинг маркетинг даромадимиз сезиларли даражада ошди ва биз ўйин кунлари стадионда вақт ўтказиш услубимизни сезиларли даражада диверсификация қилдик, бу ерда одамлар ўйиндан уч соат олдин оилавий дам олиш учун келишади", – деди Роналдо. Унинг асосий ваъдаси "Вальядолид"нинг 2023 йилга қадар Европа мусобақаларига кириши эди. Ҳозирча клуб бунга яқин келмаган, ҳатто олий дивизионга қайтиш ҳам таҳдид остида.
Мухлислар билан низолар ҳозирги инқироздан олдин пайдо бўлган: масалан, янгиланган эмблема билан боғлиқ. 2022 йилда "Вальядолид" дизайнини ўзгартирди - уни минималлаштирди ва замонавийроқ қилди. Аввалига ҳеч қандай норозилик йўқ эди, аммо 2023 йил август ойида мухлислар эски гербни қайтариш бўйича овоз беришни талаб қилишди.
Бу масала қанчалик жиддий эканини тушуниш учун талабнинг энг фаол ташаббускорларидан иқтибос келтирамиз:
"Ҳеч қачон очилмаслиги керак бўлган ярани даволайлик".
Охир-оқибат овоз бериш бўлиб ўтди, мутлақ кўпчилик эски вариантни ёқлади. У 2024 йилнинг июлидан қайтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
