Камо Газаров: «Молиявий имкониятимизга яраша жамоа туздик»
Бугун бўлиб ўтган «Динамо» - «Олмалиқ» (0-0) учрашувидан сўнг матбуот анжуманида мезбонлар бош мураббий Камо Газаров иштирок этиб журналистлар саволларига батафсил жавоб қайтарди.
«Ўйин ўта оғир бўлди. Гарчи ўзимиз учун салбий натижа бўлган бўлсада мен бугунги ўйинда футболчилардан хафа бўлмадим. Улар имконият даражасида ўйнади. Мирзаев билан Дадашевда жароҳат борлиги учун майдонда тўла ҳаракат қила олмади. Бизда танлаш учун жуда кам имконият қолди. Заҳирамиз жуда ҳам кам эди.
Ундан ташқари легионерлар борасида ҳам омадимиз чопамади. Бидненко гарчи Самарқандда тиббий кўрикдан ўтган бўлса ҳам, Тошкентда ўта олмади. Умуман тушунмадим. Юрагида касаллик чиққан экан ва ҳозирда даволанишни давом эттирмоқда. Атоев эса Туркманистонга жунаб кетган. Отасининг соғлиғи бўлмаганлиги учун кетишга мажбур бўлди. Булар эса бизга жуда оғир бўлмоқда.
Кейинги ўйинларимиз қандай бўлиши ҳақида фақат ўйиндан сўнг айтишим мумкин. Бизни кетма кет учта энг кучли жамоалар кутиб турибди лекин биз мақсадга етиш учун ҳар бир очкони қадри учун ўйнаймиз.
Мавсумдан олдин яхши ҳужумчи йўқлигини билар эдик. Мавсум бошида Фарҳод Тожиев билан деярли келишиб бўлган эдик. Куннинг бошида келишиб туш бўлмай у «Локомотив» га ўтиб кетди. Шаҳбоз Эркинов , Илҳом Юнусовлар билан ҳам алоқага чиқдик. Улар сўраган пулни биз бера олмадик. Мана Зоҳир Примов ва Достон Абдураҳмоновлар ҳам шундай. Биз молиявий имкониятимизга яраша жамоа туздик.
Рўзимбой Аҳмедов билан эса ундан ҳам қизиқ ҳолат рўй берди. Ҳаммага маълумки Рўзимбойни биз охирги дақиқагача сафга қўшишга ва олиб қолишга курашдик. Самвел Бабаян эса Рўзимбой Аҳмедов ҳали яна икки йил «Пахтакор» га тегишли эканлигини ва уни бизга фақат катта пулга сотишини айтди. Сўнгра Бабаян уни «Навбаҳор» га сотди.
Биздан 18 та ўйинчи кетди ва бу жамоани бутунлаш янгилаш демакдир. Бизда молиявий жиҳатдан у футболчиларни олиб қолишни имкони ҳам йўқ эди.
Эртанги «Пахтакор» билан ўйинда Клецков майдонга туша олади , Бобожонов эса майдонга тушмайди.
Бугун сафимизда Фирдавс Абдусалимов дебют учрашувини ўтказди. Ҳаммада унинг ўйини ижобий таассурот қолдирди. Ҳали 18 га ҳам тўлмаган футболчи ўз ўрнини топа олди. Ундан ташқари Комил Шарофитинов ҳам дебют учрашувини ўтказди. Мени улардан умидим кўп. Ўтган мавсумда жамоамизда Сайфиев билан Мустафоевдан бошқа ҳеч ким ўйнамади. Биз жамоани уч-тўрт йилда шакллантириб бормоқчимиз. Жамоамизни муҳлисларига шуни айтмоқчи эдим. Биз уларда хурсандмиз. Бизни тинимсиз қўллаб турмоқда ва биз кейинги ўйинларда улар учун яхши натижа кўрсатишга ҳаракат қиламиз».
Хумоюн Давуров ёзиб олди.
Киритилди: 19:16, 30.03.2013. Ўқилди: 4662 марта. Фикрлар: 9 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
