2025 йил январь ойида ўзбекистонлик ҳимоячи Абдуқодир Ҳусанов “Манчестер Сити” сафига қўшилди. Орадан бир ой ўтиб, у жамоа мухлислари томонидан февраль ойининг энг яхши футболчиси деб топилди. Ҳусанов бу совринни Эрлинг Ҳоланд, Йошко Гвардиол каби юлдузларини ортда қолдирган ҳолда қўлга киритди.
Бироқ ҳозирда ёш футболчи учун ҳаммаси унчалик силлиқ кетаётгани йўқ. У сўнгги ўйинларда асосий таркибга киритилмаяпти. Абдуқодир “Лестер”га қарши ўйинда қайдномага киритилмаган бўлса, “Манчестер Юнайтед” ҳамда “Кристал Пэлас”га билан ўйинларда захирада қолдирилди.
Шунга қарамай, кўплаб мухлислар Ҳусановга бўлган ишончини йўқотмаган. Уларнинг фикрича, ҳимоячи ҳали ўзининг энг яхши ўйинларини кўрсатишга улгурмаган холос. Сетанта Спорт нашри “шаҳарликлар”нинг охирги ўйини олдидан мухлисларнинг Ҳусанов ҳақидаги фикрлари билан қизиқди. Қуйида сизларга уни тақдим этамиз.
"Абдуқодир Ҳусанов жуда ёш, чаққон ва рақиб ҳаракатларини олдиндан сезади. Менимча, у “Манчестер Сити” учун келажакда жуда фойдали футболчига айланади", дейди клуб ишқибозларидан бири.
Яна бир мухлис эса шундай дейди: "Ҳусановда ўзига бўлган ишонч кучли. Майдондаги ҳаракатлари Гвардиола фалсафасига мос келади. Унга ҳали кўп имконият берилади — бунга шубҳам йўқ".
Бундан ташқари, мухлислар орасида Ҳусановнинг ўйини бўйича турли фикрлар мавжуд:
"Дўстим Павел айтганидек, у ажойиб тезликка эга. Абдуқодир бундан кейин “Манчестер Сити” учун жуда фойдали футболчига айланиши мумкин. Унинг ёшлиги ва чаққонлиги таҳсинга сазовор", дейди бошқа бир мухлис.
"У ҳали ўзининг энг яхши ўйини кўрсатмади, лекин келажакда топ даражадаги футболчига айланади, бунга шубҳам йўқ", дейди яна бир ишқибоз.
Қайд этиш жоизки, мухлислар аллақачон Ҳусановнинг исми туширилган либосларда стадионда кўриниш бера бошлади. Айни пайтда эса “Etihad”да энг кўп сотилаётган футболка ҳали ҳам Кевин де Брюйнега тегишли. Лекин “Сити”нинг япониялик мухлиси яқин вақтда Абдуқодирнинг либослари ҳам бу қатордан жой олишига ишонмоқда.
Маълумот учун. ҳозирда “Манчестер Сити” Англия Премьер Лигаси жадвалида 55 очко билан 5-ўринни эгаллаб турибди. “Шаҳарликлар” навбатдаги турни сафарда “Эвертон”га қарши ўтказади. Учрашув 19 апрель кун Тошкент вақти билан 19:00 да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
