Ўзбекистон Профессионал футбол лигаси томонидан ташкил этилган Биринчи лига мусобақаси жорий мавсуми ўзининг энг қизғин босқичига кириб бормоқда. Ушбу мавсум давомида юқори савиядаги ўйини билан ажралиб турган бир қатор футболчиларни алоҳида эътироф этамиз.
Сергей Прохоров
“Замин” клуби ҳимоячиси Сергей Прохоров ўзининг мудофаадаги ишончли ўйини билан жамоасининг Марказий минтақада етакчи бўлиб туришида муҳим рол ўйнамоқда. 28 ёшли тажрибали футболчи пайтида Суперлига клубларида ҳам ўйнагани ҳаммага маълум. Унинг ўйин ўқиш қобилияти ва позисион тўғри танлаши кўплаб хавфли вазиятларнинг олдини олишда муҳим аҳамият касб этмоқда. Футболчи бу мавсум Биринчи лигада 9 ўйинда майдонга тушди, битта гол урди ва яна битта голли узатма амалга оширди.
Саидмурод Каримов
Ўтган мавсум мобайнида атиги битта гол киритган “Дўстлик” жамоаси ҳужумчиси Саидмурод Каримов бу мавсум деярли ҳар ўйинда гол киритмоқда. Айниқса, футболчи учун иккинчи давра ўйинлари жуда яхши ўтмоқда. Саидмурод сўнгги 2 та ўйинда ҳет-трикка эришди. Жорий мавсум У Биринчи лигада 12 та ўйинда майдонга тушди, 13 та гол киритди ва 2 та голли узатма амалга оширди.
Равшан Умаров
“БухДУ” клуби ярим ҳимоячиси Равшан Умаров ўзининг плеймейкерлик қобилияти билан ўтган йили ҳам Биринчи Лигада яхши ўйин кўрсатган эди. Бу йил 22 ёшли ушбу футболчининг натижалари янада яхшиланди. Ўзининг ажойиб кросс узатмалари ва ноодатий қарорлар қабул қилиб, ҳужумда кутилмаган ечимларни топиши билан ном қозонганган ушбу футболчи бу йил Биринчи лигада 12 та ўйинда майдонга тушди ва 12 та голли узатма амалга оширди.
Акмал Раҳимов
Пайтида Суперлига клубларида фаолият олиб борган дарвозабон Акмал Раҳимов айни пайтда Самарқанднинг Каттақўрғон жамоасида тўп тепмоқда. Ушбу жамоанинг ғарбий минтақада етакчи бўлиб туришида ҳам мазкур посбоннинг хизматлари катта. Айни вақтда “Каттақўрғон” клуби Биринчи лигада энг кам гол ўтказган жамоалардан бири бўлиб турибди. Бунда эса албатта жамоа посбони Акмал Раҳимовнинг тезкор реакцияси, ўйинни ўқиш ва бошқариш қобилияти муҳим рол ўйнамоқда.
Абдувоҳид Охтаев
“Замин” жамоаси ҳужумчиси Абдувоҳид Охтаев ўзининг сермаҳсул ўйини билан аллақачон номдор клублар назарига ҳам тушган бўлса керак. 22 ёшли Охтаев жорий мавсум “Замин” жамоасида энг кўп вақт майдонда ҳаракат қилган футболчи бўлиб турибди (1054 дақиқа). Ўзининг кучли ва аниқ зарбаси, шунингдек, ҳужумчиларга хос голни сезиш қобилияти орқали футболчи жамоасининг ғалабаларига катта ҳисса қўшмоқда. Футболчи бу мавсум Биринчи лигада 14 та гол урди ва 3 та голли узатма амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қўқон-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
