Футзал. Ўзбекистон миллий жамоасининг бугунги рақиби — Фаластин ҳақида
Бугун қитъамиз бўйлаб футзал бўйича Осиё кубоги-2026 саралаш баҳсларига старт берилади. 31 та жамоа 8 та гуруҳга тақсимланган. 7 та гуруҳда 4 тадан, битта гуруҳда эса 3 та жамоа 15 та йўлланма учун баҳс олиб боради. Саралаш баҳслари 20–24 сентябрь кунлари бўлиб ўтади.
Ўзбекистон миллий терма жамоаси Бишкек шаҳрида ўтаётган F гуруҳи саралаш баҳсларида иштирок этади. Ҳамюртимизлар бугун илк учрашувини Фаластин терма жамоасига қарши ўтказади. 22 сентябрда Шарқий Тимор, 24 сентябрда Қирғизистон терма жамоаларига қарши майдонга чиқади.
Танишинг, рақибимиз – Фаластин терма жамоаси!
Футзал бўйича Фаластин терма жамоаси айни пайтда FIFA рейтингида 119-ўринда бормоқда. Жамоа Фаластин футбол ассоциацияси тасарруфида фаолият юритади.
Фаластин футзал терма жамоаси илк расмий учрашувини 1998 йилнинг 6 декабр санаcида Миср терма жамоасига қарши ўтказиб, 5:9 ҳисобига имкониятни бой берган. Фаластинликларнинг халқаро майдонлардаги энг йирик ҳисобли ғалабаси 2005 йилнинг 28 май санаcида Гуамга қарши ўйинда қайд этилган – 14:0. Энг йирик ҳисобдаги мағлубияти эса – 1:19. Фаластинликлар 2012 йилнинг 29 апрел санаcида Эрон терма жамоасига шундай ҳисобда имкониятни бой берган.
Фаластин терма жамоаси Жаҳон чемпионати баҳсларига чиқмаган. Осиё кубоги мусобақаси саралаш баҳсларида 1999 йилдан иштирок этиб келаётган бўлса, 3 марта финал босқичига йўлланма олган. 2001 йилги Осиё кубогида Фаластин терма жамоаси чорак финалгача етиб борган. 2003 ҳамда 2005 йилги Осиё кубокларида гуруҳ ўйинлари билан кифояланган. 2006 йилдан буён эса 10 та Осиё кубогининг саралаш баҳсларидан ўта олмаган.
Ўзбекистон ва Фаластин терма жамоаларининг йўли Осиё кубоги финал босқичида бир марта кесишган. 2005 йилги Осиё кубоги гуруҳ босқичидаги ўйинда Ўзбекистон рақибни йирик – 9:1 ҳисобига мағлубиятга учратган.
Ўзбекистон терма жамоаси Осиё кубокларида 17 марта иштирок этиб, 91 та ўйинда майдонга чиққан: 60 ғалаба, 8 дуранг, 23 мағлубият. Киритилган ва ўтказиб юборилган тўплар фарқи – 379:226, +153. 188 очко жамғарилган.
Фаластин терма жамоаси Осиё кубокларида 3 марта иштирок этиб, 15 та ўйинда майдонга чиққан: 9 та ғалаба, 6 та мағлубият. Тўплар фарқи – 101:70, +31. Жамғарилган очколар – 27 та.
Манба: https://t.me/Futsal_Uzbekistan
Киритилди: 14:19, 20.09.2025. Ўқилди: 682 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
