Bugun qit’amiz bo‘ylab futzal bo‘yicha Osiyo kubogi-2026 saralash bahslariga start beriladi. 31 ta jamoa 8 ta guruhga taqsimlangan. 7 ta guruhda 4 tadan, bitta guruhda esa 3 ta jamoa 15 ta yo‘llanma uchun bahs olib boradi. Saralash bahslari 20–24 sentyabr kunlari bo‘lib o‘tadi.
O‘zbekiston milliy terma jamoasi Bishkek shahrida o‘tayotgan F guruhi saralash bahslarida ishtirok etadi. Hamyurtimizlar bugun ilk uchrashuvini Falastin terma jamoasiga qarshi o‘tkazadi. 22 sentyabrda Sharqiy Timor, 24 sentyabrda Qirg‘iziston terma jamoalariga qarshi maydonga chiqadi.
Tanishing, raqibimiz – Falastin terma jamoasi!
Futzal bo‘yicha Falastin terma jamoasi ayni paytda FIFA reytingida 119-o‘rinda bormoqda. Jamoa Falastin futbol assosiasiyasi tasarrufida faoliyat yuritadi.
Falastin futzal terma jamoasi ilk rasmiy uchrashuvini 1998 yilning 6 dekabr sanacida Misr terma jamoasiga qarshi o‘tkazib, 5:9 hisobiga imkoniyatni boy bergan. Falastinliklarning xalqaro maydonlardagi eng yirik hisobli g‘alabasi 2005 yilning 28 may sanacida Guamga qarshi o‘yinda qayd etilgan – 14:0. Eng yirik hisobdagi mag‘lubiyati esa – 1:19. Falastinliklar 2012 yilning 29 aprel sanacida Eron terma jamoasiga shunday hisobda imkoniyatni boy bergan.
Falastin terma jamoasi Jahon chempionati bahslariga chiqmagan. Osiyo kubogi musobaqasi saralash bahslarida 1999 yildan ishtirok etib kelayotgan bo‘lsa, 3 marta final bosqichiga yo‘llanma olgan. 2001 yilgi Osiyo kubogida Falastin terma jamoasi chorak finalgacha yetib borgan. 2003 hamda 2005 yilgi Osiyo kuboklarida guruh o‘yinlari bilan kifoyalangan. 2006 yildan buyon esa 10 ta Osiyo kubogining saralash bahslaridan o‘ta olmagan.
O‘zbekiston va Falastin terma jamoalarining yo‘li Osiyo kubogi final bosqichida bir marta kesishgan. 2005 yilgi Osiyo kubogi guruh bosqichidagi o‘yinda O‘zbekiston raqibni yirik – 9:1 hisobiga mag‘lubiyatga uchratgan.
O‘zbekiston terma jamoasi Osiyo kuboklarida 17 marta ishtirok etib, 91 ta o‘yinda maydonga chiqqan: 60 g‘alaba, 8 durang, 23 mag‘lubiyat. Kiritilgan va o‘tkazib yuborilgan to‘plar farqi – 379:226, +153. 188 ochko jamg‘arilgan.
Falastin terma jamoasi Osiyo kuboklarida 3 marta ishtirok etib, 15 ta o‘yinda maydonga chiqqan: 9 ta g‘alaba, 6 ta mag‘lubiyat. To‘plar farqi – 101:70, +31. Jamg‘arilgan ochkolar – 27 ta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
