XXI аср футболининг ривожи шундан далолат бермоқдаки, ҳужумчилар фаолияти тезлашди, статистика самарадорликка боғлиқ бўлиб қолди. Кейн, Холанд, Роналду ва бошқалар — нафақат гол уриш, балки жамоа тактикасидаги асосий ҳал қилувчи бўғинга айланган. 100 гол — бу фақат рақам эмас. Бу сабр, маҳорат ва доимий меҳнатнинг юксак даражадаги ифодасидир. Гарри Кейн айрим энг машҳур ва буюк футболчиларни ортда қолдириб, ўз фаолиятида 100та голга энг тезкор эришган футболчига айланди. Ҳужумчилар майдонда ҳаммасини осондек кўрсатишади, аммо аслида гол уриш — ўйиндаги энг оғир вазифа. Шунинг учун ҳам энг яхши марказий ҳужумчилар трансфер бозорида жуда катта нархга башоланади. Кейннинг ютуқларидан сўнг XXI асрда бир клуб сафида 100та голни энг тез урган футболчиларни кўриб чиқамиз.
10. Килиан Мбаппе («ПСЖ») - 137 ўйин
У ёшлигиданоқ «Монако» билан Чемпионлар Лигаси ярим финалига чиқиб, Лига 1 ғолиблигини қўлга киритганидан сўнг «ПСЖ» уни катта маблағ эвазига сотиб олди. «ПСЖ» Неймар учун 222 миллион евро сарфлаган йилнинг ўзидаёқ Мбаппени ҳам олиб келди. Мбаппе Парижда ўта самарали ўйин намойиш қилди ва 137 ўйинда 100 та гол уриб, кутилган даражадаги натижани қайд этди.
9. Роберт Левандовски («Бавария») - 136 ўйин
Левандовски «Боруссия Дортмунд» сафида Европа миқёсидаги энг кучли ҳужумчилардан бирига айланди. У «Реал» дарвозасига 2013 йил ЕЧЛ ярим финалида бир ўйинда 4та гол ургани билан ёдда қолган. 2014 йилда у эркин агент сифатида «Бавария»га ўтди ва Пеп Гвардиола қўл остида янада самарали ўйнади. Герд Мюллернинг 365та голлик Бундеслига рекордини янгилай олмади, аммо 312та гол уриб, 2020|21 йилги мавсумда 41та гол билан Мюллернинг бир мавсумдаги натижасини ортда қолдирди.
8. Эдинсон Кавани («Наполи») - 135 ўйин
Кавани «МЮ»даги сўнгги йилларида ҳам мухлислар меҳрини қозонган бўлса-да, у ҳақиқий шиддатини «Наполи»да намоён этган. У 2010-2013 йиллар орасида неаполликлар сафида 138 ўйинда 104та гол урди. Агар у кучлироқ жамоада ўйнаганида, эҳтимол, «Сан-Паулу» стадионида Марадона даражасидаги афсонага айланарди.
6-7. Рууд ван Нистелрой («МЮ») - 131 ўйин
Фергюсон унинг тиззасига жароҳат олгани учун узоқ кутган, аммо Ван Нистелрой «Олд Траффорд»да тез орада ҳақиқий гол машинасига айланди. Пол Скоулзнинг таъкидлашича: «У безоҳир гол урушга интиларди. Агар Генри ўша ҳафтада гол урган бўлса, Ван Нистелрой бутун йўлда жим ўтирарди — унинг мақсади дунёда энг кўп гол уриш эди».
6-7. Криштиану Роналду («Ювентус») - 131 ўйин
«Реал» билан 4 марта Чемпионлар Лигасини ютиб, турнирнинг тарихдаги энг яхши тўпурарига айланган Роналду 2018 йилда «Ювентус»га келди. Туринликлар уни ЕЧЛдаги сўнгги «пазл бўлаги» деб билишган, аммо кутилган натижалар бўлмади — клуб «Аякс», «Лион» ва «Порту»дан мағлуб бўлди. Шунга қарамай, Роналду 131 ўйинда 100та гол урди ва Италияда ҳам самарали бўлди.
5. Златан Ибрагимович («ПСЖ») - 124 ўйин
2012 йилда «ПСЖ»га келган Ибрагимович бу вақтгача Италия, Испания ва Нидерландияда чемпионликларни қўлга киритган эди. У Парижда 4 мавсумда ҳам чемпионликни ютиб, ҳар мавсумда камида 30та гол урди. Охирги йили 51 ўйинда 50та гол уриб, ҳақиқий афсонага айланди.
4. Луис Суарес («Барселона») - 120 ўйин
«Ливерпул»да рақиб дарвозабонлар учун ҳақиқий даҳшат бўлган Суарес 2014 йилда «Барселона»га рекорд нархда ўтди. ЖЧ-2014да Кьеллинини тишлагани учун 4 ўйинлик дисквалификация олган бўлса-да, у қайтиб келгач, Неймар ва Месси билан бирга тарихий учликни шакллантирди. Биринчи мавсумдаёқ 39 ўйинда 25та гол урди ва «Барселона»га требл (Ла Лига, Кубок ва ЕЧЛ) совринларини олиб берди.
2-3. Криштиану Роналду («Реал») - 105 ўйин
2009 йилда дунё рекордига тенг 94 млн. еврога «Реал Мадрид»га ўтган Роналдунинг биринчи мавсумида трофей бўлмаган, аммо у 33та гол урди. Кейинги 6 мавсумда у ҳар йили камида 50та гол урди ва натижада Раулни ортда қолдириб, клуб тарихидаги энг яхши тўпурарга айланди.
2-3. Эрлинг Холанд («Манчестер Сити») - 105 ўйин
2022 йилда 51 млн. фунт стерлинг эвазига «Сити»га қўшилган Холанд дебют ўйинидаёқ «Вест Хэм» дарвозасига икки гол урган. Биринчи мавсумида у барча мусобақаларда 38та гол урди ва клуб билан треблни қўлга киритди. Унинг 100та голгача етиши учун бор-йўғи 105 ўйин етарли бўлди.
1. Гарри Кейн («Бавария») - 104 ўйин
«Бир мавсумлик мўъжиза» деган таърифга сиғмайдиган натижа. Кейн «Бавария»га ўтгач, 100та гол маррасига атиги 104 ўйинда етишиб, Левандовски ва Роналдуни ҳам ортда қолдирди. Унинг Германиядаги самарадорлиги ҳақиқий рекордларга тенг бўлмоқда.
А.АБДУВАЛИХЎЖАЕВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
