Илёс Зейтуллаев: «Қийин вазиятда жамоа борини бериб ўйнайди»
«Бунёдкор» - «Андижон» (1:2) учрашувидан кейинги матбуот анжуманининг иккинчи қисмида мезбонлар бош мураббийи Илёс Зейтуллаев иштирок этди.
- Ўйинни кўрдинглар, биринчи таймда «Бунёдкор» ёмон ўйин кўрсатмади. Майдонни барча қисмида яхши ҳаракат қилди. «Андижон» ҳам ижобий таассурот қолдирди ва улар мотивация билан ўйин кўрсатишди. Улар чемпионатдаги ўрнини сақлаб қолиш учун курашишди. Бундай ҳолат бизда ҳам бўлган. Қийин вазиятда жамоа борини бериб ўйнайди. «Андижон»ни ғалаба билан табриклайман. Суперлигада тўғридан-тўғри қолгани ва кейинги йилларда кучли жамоа сифатида шаклланишини тилаб қоламан. Ўз йигитларимни мавсумни яхши ўтказишгани билан табриклайман. Бизни кўрсатмаларимизни ортиғи билан бажаришди. Мураббий сифатида уларни меҳнатини олқишлайман. Биз мавсумни муносиб ўтказа олдик. Ўйлайманки, ўйинчилар мени тушунишяпти. Яхши меҳнат қилишгани учун раҳмат айтаман. Раҳбариятга ҳам миннатдорчилигимни билдираман.
- Мавсумдан қониққанлигингизни айтяпсиз. Лекин қайсидир жиҳатларидан кўнглигиз тўлмаган ҳолатлари ҳам бўлдими?
- Айтишим мумкинки, ҳоли ўтириб барчасини муҳокама қилиш имконияти бўлади. Хато ва камчиликларимиз бўлди. Биз янада зўр бўлишимиз ҳам мумкин эди. Бир қатор муаммолар ҳам кузатилди. Лекин умумий маънода яхши ва майдонда, майдон ташқарисида жамоа якдил бўлиб ижобий томонини кўрсатди. Биз кичкина йўлни босиб ўтмадик. Ўзбекистон чемпионатида 5-ўринни эгаллаш ҳам ёмон кўрсаткич эмас. Кучли учликда якунлаган клублар ўзбек футболини гигантлари ҳисобланади. Ўйлайманки, «Динамо» ҳам кучлилар қаторига қўшилди. Ундан кейин эса биз эгалладик. Хулоса чиқариб ишимизга жиддий ёндашамиз. Раҳбарият билан гаплашамиз. Қаэрда хато қилганимизни кўриб чиқамиз. Таркибимизга ёш ўйинчиларни қўшдик. Бу жамоага пойдевор вазифасини бажариб беради. Уларга имконият беряпмиз. Албатта, бу жараёнлар осон бўлмаяпти.
- Турнир жадвалидан келиб чиқиб айтганда, ўз ишингизга қандай баҳо берасиз?
- Бошқалар баҳо бергани яхши. Ғалабалар барчани меҳнати. Ўйинчиларсиз ёки мураббийларсиз буни тасаввур қилиш қийин. Биринчи ўринга жамоани қўяман. Олдимдаги медиа ходимимизни, ошпазларни, массажчиларни, ишлаётган барча инсонларни ҳам таъкидлаб ўтаман. Албатта, мени ишим ҳам осон эмас. Раҳбариятга ва барчага миннатдорчилигимни билдираман. Академиямизга ҳам иқтидорларни етиштириб бераётгани учун раҳмат. Барчасини мен бажардим, десам нотўғри бўлади. Ҳаммасини биргаликда бажарадик.
- Кейинги мавсумда жамоа кучли учликка ҳаракат қиладими? Яъни, кучли учликка кирадиган «Бунёдкор»ни кўрамизми?
- Саволни бериб, жавобини ҳам ўзингиз беряпсиз. Бу саволни раҳбариятга берган маъқулроқ. Топ даражадаги футболчиларни қандай жамоалар сотиб олаётганини кўриб турибмиз. Европани грандлари мавсум бошида топ футболчиларни таркибига қўшиб олади. Биз ўз йўлимизда кетишимиз керак. Яхши пойдевор қўйган ҳолда аниқ мақсад сари одимлашимиз лозим.
Манба: https://t.me/andijonpfc
Киритилди: 23:33, 30.11.2025. Ўқилди: 781 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
