Ўзбек футбол мухлислари учун ажойиб хушхабар! Fantasy Football лойиҳаси Ўзбекистон Суперлигаси баҳслари учун илк бор расман ишга туширилади.
Яқин кунларда Лига ҳамда World of Fantasy Football компанияси билан ҳамкорликда Ўзбекистон Суперлигасининг янги мавсуми олдидан Fantasy – Ўзбекистон Суперлигаси лойиҳаси ишга туширилади. Fantasy Football ихлосмандлари эса янги мавсумда Суперлига баҳсларида беллашиш имкониятига эгадирлар.
Ўзбекистон Суперлигаси клублари учун қишки трансфер ойнаси ёпилгандан сўнг ҳамда Суперлига клублари таркиблари шакллантирилгач Fantasy – Ўзбекистон Суперлигаси лойиҳаси расман старт олиши режалаштирилган. Лойиҳа старти, аниқ санаси яқин кунларда эълон қилиниши кўзда тутилган.
Таъкидлаш лозим, Fantasy Football – футбол жамоатчилиги орасида жуда оммабоп ҳамда қизиқарли лойиҳа ҳисобланади. Ўзбекистонда ҳам ушбу лойиҳага бефарқ бўлмаган мухлислар, қизиқувчилар кўплаб топилади. Сўнгги йилларда Ўзбекистон Суперлигаси учун ҳам Fantasy Football яратиш ҳақида кўплаб саволлар ва сўровлар бор эди. Лига ушбу лойиҳага қизиқиш билдирди ҳамда World of Fantasy Football компанияси билан ҳамкорликда уни ишга туширадиган бўлди.
Футбол ишқибозлари Ўзбекистон Суперлигаси учун махсус платформа — uzfantasy.com сайтига кириб рўйхатдан ўтишлари ва ўз жамоаларини шакллантиришлари мумкин. Таъкидлаш жоиз, айни дамда барча жамоалар таркиблари тўлиқ кўринишда эмас ва қишки трансферлар ойнаси тугаши билан тўлиқ ҳолга келади. Шунингдек, яқин кунларда ташкилотчилар ушбу сайтнинг мобил иловасини ишга туширишни режалаштирган. Айни дамда мобил иловалар ишга туширилишининг якуний босқичида ва бу ҳақда яқин орада хабар берилади.
Fantasy Football нима?
Fantasy Football – футбол мухлислари учун виртуал жамоалар билан ўйналадиган онлайн-ўйин. Бунда мухлислар томонидан реал футболчилардан тузиладиган виртуал жамоалар ўзаро беллашади. Ушбу беллашувларда мухлислар тузган жамодаги футболчилар реал чемпионатда йиғадиган очколари – гол, ассист, қуруқ ўйинлар каби кўрсаткичларда рақобатлашади. Якунда энг кўп очко олган иштирокчи ғолиб бўлади.
Fantasy Football асосий қоидалари
Таркиб шакллантириш – Менежер ўзи учун белгиланган лимитда (100 сўм) ўз таркибини жами реал клублардан 15 нафар футболчи олиш билан шакллантиради. Бунда одатда 2 нафар дарвозабон, 5 нафар ҳимоячи, 5 нафар яримҳимоячи ҳамда 3 нафар ҳужумчи таркибда бўлиши кўзда тутилади.
Чеклов – Маълум клубдан ўйинчи олишга лимит қўйилади. Бунда, бир клубдан кўпи билан 3 футболчи олишга рухсат этилади.
Дедлайн – Якуний таркибни йиғиш энг кечи билан келаётган тур ўйинига 120 дақиқа қолганида амалга оширилиши керак.
Трансферлар – Ҳар тур олдидан менежер ўз таркибига белгиланган миқдорда янги футболчи олиши мумкин.
Fantasy Football – Ўзбекистон Суперлигаси учун тартиб-қоидалар ишлаб чиқилган бўлиб, у ушбу лойиҳа учун яратиладиган махсус платформада ҳавола этилади.
Таъкидлаш лозим, мавсум якунларига кўра юқори учликка кирган совриндорлар учун махсус совғалар тақдим этилади.
1-ўрин. Ғолибга келаси йилда Саудия Арабистони мезбонлик қиладиган Осиё Кубогига 2 кишилик чипта.
2-ўрин. Сўнгги русумдаги Iphone смартфони.
3-ўрин. Sony Playstation 5.
Шунингдек, Суперлиганинг турли турларида энг кўп очко йиғa олган менежерларга Суперлига юлдузлари дастхати туширилган либослар ва бошқа шунга ўхшаш совғалар бериб борилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
