O‘zbekiston milliy jamoasi bosh murabbiyi Fabio Kannavaro AQSH safari oldidan «Markaziy sektor» loyihasida jurnalist Davron Fayziyevga maxsusi ntervyu berdi. Savollars ifatli, javoblarham. Italiyalik mutaxassis suhbat davomida e’tiborga molik bir necha yaxshi fikr aytdi:
— O‘zbekiston Superligasida o‘yin intensivligi yuqori emasligi, VAR tizimi orqali ko‘rishlar ba’zan 10 daqiqagacha cho‘zilishi, sof o‘yin vaqti kamligi. Shu sabab futbolchilar 70-daqiqadan keyin jismonan qiynala boshlashlari.
— Buning ortidan terma jamoa futbolchilaridan JCHda90 daqiqa davomida doimiyyuqori intensivlik kutish qiyinligini. Jamoa butun o‘yinni birxil tempda o‘tkazolmasligi, ma’lum daqiqalarda bosimni oshirib, vaziyatlardanfoydalanishgaharakatqilishini.
— Yevropa top–jamoalari (masalan, «PSJ») raqib to‘pni yon chiziqdan o‘yinga kiritayotganida bosimni kuchaytirishini. Ya’ni pressing faqat ochiq o‘yin emas, «aut» kabi intensivlik talab qilmaydigan, ammo foydalanish muhim sanalgan vaziyatlarda ham ishlatilishi mumkinligini.
— Tarkib bo‘yicha tanlovda futbolchilarning faqat hozirgi formasiga qaramaganini. Ayrim yoshlarda yuqori futbol intellektini ko‘rganini, ba’zi yigitlarda JCHdan keyinham jamoaga foyda keltira oladiganpotensialborligini.
— Husniddin Aliqulov jamoa uchun eng katta yo‘qotish bo‘lganini.
— Masharipovga imkoniyat berishda, uning mamlakat futboliuchun qilganishlarini inobatga olganini (Marchello Lippi jarohatlangan Franchesko Tottiga imkoniyat bergani misolida).
Husniddin Aliqulovning yo‘qligi
– Afsus, juda yaxshi himoyachini yo‘qotdik. Jamoaga endigina kelganimdayoq u meni hayron qoldirgan va juda ijobiy taassurot uyg‘otgandi. O‘sha payt hamma Husanov haqida gapirardi, mening diqqatimni esa aynan Husniddin Aliqulov tortgandi. Afsus, juda muhim futbolchidan ayrildik. Bilishimcha, u Osiyo kubogi vaqti ham shunday jarohat tufayli safdan chiqqan. Albatta, afsuslanarli holat. Hozir fizioterapevt va shifokorlarimiz bilan birga salomatligini tiklashga harakat qilyapmiz. Hatto Aliqulovni Amerikaga olib ketishni o‘yladik. U murabbiylar shtabi nazoratida ishlashda davom etishi kerak. Husniddinni Osiyo kubogigacha tayyorlab, turnirga olib borishimiz muhim.
Aziz Amonovni tarkibga kiritgani
Yig‘inga chaqirilgan futbolchilar 3 hafta davomida qanday harakatlanishganini obdon tahlil qilib chiqdik. Deylik, Jasur va Aziz haqida alohida gaplashdik. Amonov mening davrimda birinchi marta milliy jamoa safiga qo‘shildi, 3 hafta biz bilan ishladi va ochig‘i, hayron qoldirdi. To‘g‘ri, uni chempionat o‘yinlarida ham ko‘rgandim. Lekin futbolchining klub va terma jamoadagi harakatlari o‘rtasida tafovut juda katta. Shu ko‘rsatkichlardan kelib chiqib, so‘nggi kunda Amonovni tarkibga qo‘shish haqida qaror qabul qildik.
Prezident bilan suhbat
– Prezident futbolni rivojlantirish bo‘yicha ajoyib tushunchaga ega. Suhbatimiz ajoyib o‘tdi. U futbolni juda yaxshi biladi. Prezidentga neapollik ekanligim va Italiyada futbol madaniyati qandayligini, ko‘chalar, qishloqlardagi maydonlar va hatto cherkovlarda ham o‘ynalishini normal holat bo‘lganini aytdim. Qaytaraman, Prezident futbolni rivojlantirish bo‘yicha yaxshi tushunchaga egaligi uchun ham O‘zbekistonda katta o‘sish kuzatilmoqda. Prezident futbolchilar jahon chempionatida hech qanday bosimsiz, qo‘rquvsiz o‘ynashlari kerakligini aytdi. Rostdan ham, futbolchi qo‘rquvsiz o‘ynasagina, o‘zini ko‘rsatishi mumkin. O‘zim ham yigitlarga JCH-2026dan bahra olishimiz muhimligini aytdim. Jahon chempionati – biz uchun katta futbol bayrami. Mundialdan bahra olish nima? Butun dunyoga nimalarga qodirligingizni ko‘rsatish.
Fabio Kannavaro shuningdek, Italiyaning mashhur La Gazzetta dello Sport nashriga ham intervyu berdi.
– Italiya termasi JCHga chiqolmadi. Nima uchun?
– Chunki jamoamiz Bosniya termasidan qo‘rqdi. Bizda Donnarumma, Kalafyori, Bastoni, Barella, Tonali kabi futbolchilar bor. Shunday yigitlar bilan bosniyaliklarga yutqazdik. To‘g‘risi, bunga ishonishim qiyin. Asosiy muammo, bizda yoshlar rivojiga sarmoya kiritish to‘xtadi. Himoyadan hujum qurishga urinuvchi futbolchilarni tarbiyalayapmiz, ammo Italiya futbol maktabini unutib qo‘yyapmiz.
– Hozirgi futbolchilardan kim 2006 yilgi Italiya terma jamoasiga tortadi?
– Tonali. U shaxsan menga juda yoqadi.
– O‘zbekiston termasi nechog‘li «italyancha» jamoa?
– Birinchidan, formasi ko‘k rangda. Ikkinchidan, jamoa shtabida 13 nafar italiyalik bor – murabbiylar, fizioterapevtlar va endi bosh oshpaz ham. O‘yinlardan keyin taomnomada pissa ham bo‘lishi yoqimli.
– Guruhda Portugaliya va Kolumbiya termalariga qarshi o‘ynaysizlar. Bu kvartetdan chiqish qanchalik qiyin?
– Agar Portugaliya termasi yarim himoyasini tahlil qilsangiz, videoni 2 soniyadan keyin o‘chirib qo‘yasiz. Kolumbiya termasiga qarasangiz, 10 soniyadan keyin. Biz esa oldinga qarab ketaveramiz. Yo‘qotadigan hech narsamiz yo‘q, kurashib ko‘ramiz.
– JCHda qaysi jamoa yoki futbolchi «syurpriz» ulashishi mumkin?
– Vinchenso Montella boshqaruvidagi Turkiya termasi. Futbolchilardan esa bizdagi Husanov. U men kabi markaziy himoyachi, juda kuchli va hali ancha o‘sishi mumkin.
– Murabbiylik faoliyatingizdagi eng qiyin davr…
– 2021 yili Xitoydan qaytganimda, rosa qiynalganman. Menimcha, u yerda yaxshi ishladim, ammo mehtanim qadrlanmadi, go‘yo. Keyinchalik hech bir klub qo‘ng‘iroq qilmadi. Yakunda «V» seriya, «Benevento»ga bordim va bu xato bo‘ldi. «Udineze»dagi faoliyatim ham silliq kechmadi. Haligacha nega bunday bo‘lganini tushunmayman.
– 20 yildan keyin o‘zingizni qaysi rolda ko‘rasiz?
– Murabbiy rolida. Qachondir Italiya termasi boshqaruvini qo‘lga olish uchun ishlayapman, izlanayapman.
– JCH-2006 finali penaltilar seriyasida Grossodan keyin navbat kimga kelishi kerak edi?
– Toni va Yakintaga. Men esa Gattuzo kabi oxirida edim, hatto Buffondan ham keyin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
