Уммон-2014. Ўзбекистон 2-ўринда қолди
Саудия Арабистони терма жамоаси ҳам Хитой устидан 2:1 ҳисобида ғалаба қозонди ва ўзининг дастлабки 3 очкосига эга бўлди. Бироқ бу жамоа Ироққа 1:3 ҳисобида ютқазгани учун Ўзбекистон гуруҳда 2-ўринда қолди.
Биринчи бўлимни жамоалар анча эҳтиёткор ўтказишди. Ҳар иккала жамоада биттадан яхши имконият бўлди, бироқ дастлабки 45 дақиқаликда ҳисоб очилмади.
Иккинчи бўлим бошида Саудия Арабистони ҳисобни очди, "арабча" ҳужум орқали. Икки нафар футболчининг ўзаро қисқа паслари ҳамма нарсани ҳал қилди.
Орадан 10 дақиқа ўтар-ўтмас ҳисоб тенглашди. Саудиялик марказий ҳимоячи ва дарвозабоннинг оддий вазиятда бир-бирларини тушунмасдан ҳаракат қилиши оқибатида тўп дарвозадан ўрин олди. Посбон тўпни ушлаб олиш учун югуриб келаётган вазиятда ҳимоячи тўпни узоқлаштиришга қарор қилди ҳамда бу жарима майдончаси ташқарисида турган хитойлик Луо учун совға бўлди ва у бўш қолган дарвозани осонлик билан ишғол қилди. Ҳимоячи хитойлик бошқа футболчининг таъқиби остида шундай тушунарсиз қарорга келганини таъкидлаш лозим.
Кейинги дақиқаларда эса Хитойни голдан дарвоза тўсини ва устуни 2 марта қутқариб қолди. Ҳужумчининг бош билан берган зарбаси тўсинга тегиб қайтган бўлса, хитойлик ҳимоячининг кўкраги билан тўпни дарвозабонга етказмоқчи бўлган ҳаракати гол билан якунланишига устун халал берди.
Ўйиннинг 75-дақиқасида эса гол муаллифи Луо Сен Вен жарима майдончасига кириб бораётган саудиялик ҳужумчини йиқитди ва ҳакам пенальти белгилади. Хитойлик дарвозабон тўп йўналишини топган бўлса-да, Ҳавсавийнинг зарбасини қайтара олмади.
Шундан кейин Хитой жонланиб қолди. Ху Син берган зарбани саудиялик дарвозабон маҳорат билан қайтарди. Ўйин тугашига 5 дақиқа қолганида эса Жанг Вей дарвозабоннинг хатосидан сўнг бўш қолган дарвозани 14 метрлардан нишонга ола билмади. Умуман Фу Бо шогирдлари сўнгги дақиқаларда босимни кучайтиришди, аммо мағлубиятдан қутулиб қола олишмади.
Ёшлар (U22) ўртасида Осиё чемпионати
"D" гуруҳи
ХИТОЙ - САУДИЯ АРАБИСТОНИ - 1:2
Голлар: Луо Сен Вен (56) — Асирий (47), Ҳавсавий (76-пен.)
Киритилди: 22:52, 14.01.2014. Ўқилди: 4855 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
