Ассалому алайкум, қадрли мухлислар ва Бобомурод ака!
Мен — Ўткир Жалолхоновман. Ёшим — 22 да. Ўзбекистон миллий университетининг журналистика куллиётида ўқийман. Бир йилдан буён ушбу сайтда Сизларга қўлдан келганча хизмат қилмоқдаман.
Сўнгги вақтларда пойтахтимизда ўтаётган футбол мусобақаларидан олдинги ва кейинги матбуот анжуманларида ўзим қатнашишимга тўғри келмоқда. Ҳали тажрибам кам экани туфайли, албатта, турли хатолар ҳам юз бермоқда. Кимдир буларни тушунмоқда, кимдир эса йўқ.
«Бунёдкор» ҳамда «Ал-Ҳилол» жамоалари ўртасидаги ўйиндан кейин ўтказилган матбуот анжуманида қизиқ ҳолат юз берди. Таржимон Бобобурод ака Абдуллаевнинг берган саволларини таржима қилмагани учун, у кишининг ўзи инглиз тилида савол бердилар. Тўғриси, инглиз тилида талаффузлари унчалик ўхшамагани учун саволни дарҳол англамадим, лекин ҳозир биляпманки, сайтда биринчи марта тўғри ёзган эканман ва савол «Биз бугун мусулмонларга қарши эмас, яҳудийларга қарши ўйнадик», деб сайтда чиққан эди.
Кейин саволдан мантиқ қидирдим ва топа олмадим. Кейин Исроил давлатининг нима учун ОФКдан чиқиб кетганини ўйлаб, Бобомурод ака арабларнинг бугун худди яҳудийларга қарши ўйнагандек кўринди, демоқчи эканини ўйладим ва саволни таҳрир қилдим: "Биз" сўзи "Сиз"га ўзгарди ва табиийки, маъно ҳам.
Тан олиш керак ўша куни саволни англаган фақат мен бўлдим. Чунки «хато бўлмадимикин» деб ўйлаб «Бунёдкор» сайтига кирсам, бу савол умуман йўқ. Бошқа сайтлардан ҳам топа олмадим. Холбуки, Бобомурод ака, Сизни журналист сифатида ҳурмат қилганимиз учунгина матбуот анжуманида берган саволингиз ва унга олинган жавобни сайтимизда ёритишга жазм этгандим. Бошқа ҳамкасбларимиз ё Сиз ҳақингизда ўзгачароқ фикрда, ё саволингизни чиндан ҳам тушунишмаган экан, шекилли, на бирор сайт, на бирор нашрда савол-жавобни топа олдим.
Ҳа, Бобомурод аканинг талаффузлари қовушмагани учун шундай тушунмовчилик юз беряпти, лекин менинг у кишида ҳеч қандай хусуматим йўқ, бўлиши ҳам мумкин эмас. Худога шукр, инглиз тилидан саводим жойида. Эшитганимни, тушунганимни борича етказишга ҳаракат қилдим, холос.
Сиз эса ёлғиз менинг хатойим учун бутун бошли сайтдагиларни муттаҳамга чиқарибсиз.
Асло! Бу сайтда муттаҳамлар ишламайди, бу ёлғиз менинг хатойим эди. Мен тан оламан, лекин сиз ҳам инглиз тилида равон гапиришни билмас эканингиз, яхшиси ўзбек тилида беринг, биз таржима қилиб берайлик.
Сайтимиз ҳақидаги мақолани ўқигандан кейин жим туришим қийин эди. Шунинг учун ушбуни қораладим. Ҳурматли журналист, бу ерда ҳеч қандай адоват ёки сиз ўйлаганчалик, атайин ўзгартириш йўқ.
Бобомурод ака, менинг устимдан қанча кулсангиз кулаверинг, лекин илтимос, араб миллатига бунчалик ҳам тош отаверманг. Мен ўзимга нисбатан ҳар қандай ҳақоратни қабул қилишим мумкин, лекин буни эмас. Бутун дунёда футболдаги ирқчилик ва миллатчиликка қарши кураш кетаётган пайтда, 180 дан зиёд миллат вакиллари тинч, осуда ҳаёт кечираётган Ўзбекистонимизнинг қоқ марказида бундай савол янграгани ғалати эмасми?
Биргина футбол ё футболчи учун бутун миллат айбланиши, гарчи биз тааллуқли бўлмасак-да, асрлар оша бир-бири билан келишмай келаётган икки жафокаш миллат ўртасидаги можарога менгзаш яхши эмас.
Ахир инсоният тарихидаги энг буюк ИНСОН ҳам араб эдиларку?!
P.S. Набий (с.а.в.) бир кўчадан доим ўтардилар. У кишининг устларига бир яҳудий кампир мағзава ташлар эди. Бир куни ўша кўчадан ўтсалар ҳеч ким устиларига ювинди ташламабди. Кейин, тинчликмикан деб ўша кампирнинг ҳолидан хабар олдилар. Шунда яҳудий кампир бу ҳолатдан лол қолди. Дўстлар миллатчилик яхши эмас. Ўзга миллатдагиларни ҳурмат қилиш бизга суннат!
Ёлғиз Кечиргувчи кечирсин бизни...
Ўткир ЖАЛОЛХОНОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
