Ўзбекистон Чемпионатининг июнь ва июль ойларидаги энг яхши мураббийи ва ўйинчисини аниқлаш бўйича журналистлар ўртасида ўтказилган сўровномада «Пахтакор» бош менежери Самвел Бабаян ва «Қизилқум» ҳимоячиси Акмал Рустамов ғолиб чиқди.
Ўзбекистон чемпионатининг июнь ва июль ойларидаги энг яхши футболчиси ва мураббийини аниқлаш бўйича ОАВ ходимлари, журналистлар ўртасида ўтказилган сўровнома 1-5 август кунлари бўлиб ўтди. Сўровномада журналистлар Олий Лига ва Биринчи Лига клубларида фаолият олиб бораётган жами 7 нафар мураббий ва 15 нафар футболчини ғолибликка даъвогар сифатида кўрсатишди.
Мураббийлар ўртасидаги баҳсда Самвел Бабаян учинчи марта ғолиб чиқди. «Пахтакор» бош менежери бунгача март ва апрель ойларида ҳам тенгсиз деб топилганди. Май ойида энг яхши мураббий сифатида тан олинган «Локомотив» бош мураббийи Вадим Абрамов бу сафар иккинчи бўлди – Абрамов март ва апрель ойи сўровномаларида тўртинчи бўлганди. Энг яхши мураббийларнинг кучли бешлигидан, шунингдек, «Истиқлол» бош мураббийи Камол Жўнашев, «Қизилқум» бош мураббийи Юрий Лукин, шунингдек, «Насаф» бош мураббийи Рўзиқул Бердиев ва «Орол» устози Неъматулла Қутибоев ўрин олди.
Футболчилар орасида «Қизилқум» ҳимоячиси Акмал Рустамов июнь ва июль ойларининг энг яхши футболчиси деб топилди. Кучли бешликдан, шунингдек, «Машъал» вакили Зоҳир Қўзибоев, «Шўртан» дарвозабони Элдор Тожибоев «НБУ-Осиё» футболчиси Анвар Абдуқодиров ва «Пахтакор» ярим ҳимоячиси Жамшид Искандеров ўрин олди. Маълумот учун, март ва май ойларида «Пахтакор» вакили Жамшид Искандеров, апрель ойида эса айнан шу жамоа ҳимоячиси Егор Кримец Ўзбекистон чемпионатининг энг яхши ўйинчиси деб топилганди.
Маълумот ўрнида, март-ноябрь ойларида ўтказиладиган Ойнинг энг яхши футболчиси ва мураббийи танловиларининг натижалари умумлаштириб чиқилади ва натижалардан келиб чиқиб, ЎзПФЛнинг 2014 йилдаги энг яхши футболчиси ва мураббийи номи аниқланади.
«Июнь ва июль ойларининг энг яхши футболчиси» сўровномасининг кучли бешлиги:
1. Акмал Рустамов («Қизилқум») – 50 балл.
2. Зоҳир Қўзибоев («Машъал») – 40 балл.
3. Элдор Тожибоев («Шўртан») – 30 балл.
4. Анвар Абдуқодиров («НБУ-Осиё») – 20 балл.
5. Жамшид Искандеров («Пахтакор») – 18 балл.
«Июнь ва июль ойларининг энг яхши мураббийи» сўровномасининг кучли бешлиги:
1. Самвел Бабаян («Пахтакор») – 58 балл.
2. Вадим Абрамов («Локомотив») – 44 балл.
3. Камол Жўнашев («Истиқлол») – 40 балл.
4. Юрий Лукин («Қизилқум») – 28 балл.
5. Рўзиқул Бердиев («Насаф»), Неъматулла Қутибоев («Орол») – 10 балл.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
