Миржалол Қосимов: «Мен учун натижа ҳамиша муҳим»
Ўзбекистон терма жамоаси бош мураббийи Миржалол Қосимов Озарбойжонга қарши бўлиб ўтадиган ўртоқлик учрашуви борасида ўз фикрларини билдириб ўтди.
— Ушбу ўйин биз учун ҳам, Озарбойжон терма жамоаси учун ҳам муҳим тайёргарлик баҳси бўлади. Сизнинг жамоангиз ЕВРО-2016 саралаш баҳсига тайёргарлик кўраётган бўлса, бизни Осиё Ўйинлари кутиб турибди. Захира таркибимизни синовдан ўтказамиз, халқаро ўйинлар бизга кўп нарса беради.
— Озарбойжон терма жамоаси таркибида "Нефтчи" ва "Қорабоғ" клуби футболчилаи бўлмайди. Сиз учун бу ижобий ҳолатми?
— Озарбойжон терма жамоасининг ўзининг ижобий томонлари бор, бизда эса ўзимизнинг. Пайшанба куни "Қорабоғ" Голландиянинг "Твенте" жамоаси билан ўйнашидан хабарим бор, «Нефтчи» ҳам Европа лигаси билан банд.
— Озарбойжон терма жамоаси ўрин олган ЕВРО-2016 саралаш гуруҳи ҳақида нима дея оласиз?
— Тўғрисини айтсам, ушбу гуруҳда Озарбойжонга қийин бўлади. Бу гуруҳда кучли жамоалар йиғилган.
— Озарбойжонлик футболчиларни танийсизми?
— Ҳа, мен Насим Сулаймонов ва Ариф Асадов билан бирга ўйнаганман. Назим зўр ўйинчи эди. Озарбойжонликлар ҳамиша ажралиб туришган. Озарбойжон терма жамоасини Осиёнинг бошқа термалари билан таққослаш қийин.
— Ҳозирги футболчилардан-чи?
— АҚШга қарши ўйинда 4 ва 7-рақамли футболчилар ёқди (Моҳир Шукуроқ ва Вагиф Жавадов).
— Натижа сиз учун муҳимми?
— Натижа ҳамиша муҳим.
— Захира таркибини синовдан ўтказасизми ёки асосий таркиб майдонга тушадими?
— Бу ерга 20 кишини олиб келдик. Барча ўйинга тайёргарлик кўрмоқда. Асосий таркибимиз деярли маълум. Таркибнинг ўзаро тушунувчанлигини текшириб кўрамиз. Олдимизда Иордания ва Янги Зеландияга қарши ўйинлар бор.
— Нима учун Баҳодир Насимовни таркибга жалб қилмадингиз?
— Биз Осиё Ўйинларига тайёргарлик кўряпмиз. Баҳодир эса ҳозирда ўйин амалиётига эга эмас. Ҳозирча у ўзига жамоа топмаган. Лекин у Ўзбекистон терма жамоаси аъзоси ҳисобланади.
— Озарбойжон терма жамоаси Осиёда иштирок этганида қандай ўринларга даъвогарлик қиларди.
— Яхши иштирок этарди. Мен кўрган ўйин билан Озарбойжон юқори ўринлар учун курашарди. Сентябрда бошланадиган саралаш босқичида терма жамоага омад тилайман. Умид қиламан, ЕВРО-2016 финал босқичига чиқасизлар.
Манба: www.azerisport.com
Киритилди: 14:50, 19.08.2014. Ўқилди: 4085 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
