Миржалол Қосимов: «ЖЧ-2014га чиқа олмаганимиз учун мени танқид қилишди»
Озарбойжонга қарши Бокуда ўтказилган ўртоқлик учрашувидан (0:0) кейин Ўзбекистон терма жамоаси бош мураббийи Миржалол Қосимов матбуот анжуманида иштирок этди.
— Бу биз учун керакли ўйин эди ва ўз мақсадимизга эришдик. Ҳаво намлиги юқори бўлгани учун йигитлар югуришга қийналишди ва ўйин сўнгида чарчаб қолишди. Гол уриш учун вазиятларга эга бўлдик, аммо якуний паллада шошиб қолдик. Сентябрь ойида бизни Осиё ўйинлари кутиб турибди.
— Ўйиндан олдин Озарбойжон терма жамоасида техник жиҳатдан кучли бўлган ўйинчилар кўплиги ҳақида гапиргандингиз. Ҳамон шу фикрда қоласизми?
— Ҳа, Озарбойжонда техник жиҳатдан кучли ва ақлли ўйинчилар кўп, улар яхши вазиятларни юзага келтиришди. Тўғри, барча нарса амалга ошмади. Бу бор-йўғи ўртоқлик ўйини. Бугун биз ўз уйимизда ўйнагандек бўлдик. Стадионга ташриф буюрган мухлисларимизга миннатдорчилик билдираман.
— Бугун Озарбойжон терма жамоаси таркибида кўплаб легионерлар ўйнади. Нима учун сиз легионерларни жамоага таклиф қилмадингиз?
— Легионерларимиз ўз чемпионатларида тўп суришаётгани учун уларни мазкур ўйинга таклиф эта олмадик.
— Таркибни танлаш борасида сизни танқид қилишганди. Бугун майдонда Ўзбекистоннинг иккинчи таркиби ўйнадими?
— Ҳа, Бразилияда ўтган ЖЧ-2014га чиқа олмаганимиз учун мени танқид қилишди. Ҳозирги таркибни ёшартириш устида иш олиб боряпмиз. Термага янги футболчилар келмоқда. Навбатдаги ЖЧга қадар кўп футболчиларнинг ёши ўтиб қолади, шу боис таркибни ёшартиряпман. Бу футболчилар кейинчалик ҳам терма жамоага таклиф этилишини истайман. Биз бугунги кун билан эмас, эртани кўзлаб яшаяпмиз.
— Бугун ҳар иккала жамоа майдонда иккинчи таркиб билан ўйнади ва зерикарли ўйин бўлди. Наҳотки Осиёда миллий чемпионат кучсиз бўлса?
— Осиё Ўйинларида 1991-1993 йилларда туғилган футболчилар иштирок этади. Биз янги жамоани ушбу мусобақага тайёрлаяпмиз.
— Бу ўйинда Озарбойжоннинг энг яхши ҳужумчилари ўйнашди. Қайсидир футболчи сизга Назим Сулеймановнинг ҳеч бўлмаса 30 фоизини эслатдими?
— Бугун майдонда иккинчи Назим йўқ эди. Шунингдек, мен ҳам йўқ эдим. У билан бирга ўйнаганимдан хурсандман. Ҳозир техник жиҳатдан кучли футболчилар бор, аммо Назим ўйинни "нозик" ҳис қила оладиган футболчи эди.
Манба: www.azerisport.com
Киритилди: 23:56, 20.08.2014. Ўқилди: 6997 марта. Фикрлар: 22 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
