Хабарингиз бор, айни кунларда 22 ноябрь куни Қарши шаҳридаги “Геолог” спорт мажмуасида бўлиб ўтадиган “Насаф” жамоасининг собиқ футболчиси, бахтсиз ҳодиса туфайли ногирон бўлиб қолган Камолиддин Кенжаевни моддий ва маънавий қўллаб-қувватлаш учун ўтказилаётган хайрия акциясига тайёргарлик қизғин палласига кирди.
Ушбу акцияни ўтказиш бўйича тузилган ташкилий гуруҳ ташаббуси билан “Насаф” ПФК томонидан ўша куни бўлиб ўтадиган футбол шоу иштирокчилари учун махсус футболкалар тайёрланди. Қуйида “Насаф” ПФК мaтбуот хизмати раҳбари Азиз Нурий томонидан сайтимизга тақдим этилган ана шу футболкалар тасвири билан танишишингиз мумкин:
Яна эслатиб ўтамиз, 22 ноябрь кунги хайрия тадбирида Қашқадарё вилоятидан бўлиб, бир вақтда миллий терма жамоа сафида ҳам тўп тепаётган футболчилар жамоаси – “Қашқадарё юлдузлари” ва Камолиддин Кенжаев билан бирга бир жамоада ўйнаган ва ҳозирги кунда мураббийлик фаолиятига ўтган собиқ футболчилар жамоаси – “Насаф -2006″ жамоалари ўртасида катта футбол шоуси бўлиб ўтади. Қани кўрамиз, бу ўйинда устунлик ҳозирги футболчилар – шогирдлар томонидами ёки собиқ футболчилар – мураббийлар томонида? Қизиқ учрашув!
Азиз футбол ишқибозларини яна бир марта ана шу жамоалар таркиби билан таништириб ўтамиз:
“Насаф – 2006” футбол жамоаси таркиби:
Дарвозабонлар – Пётр Гизимчук, Дилмурод Тошматов
Ҳимоячилар – Даврон Файзиев, Ботир Қораев
Ярим ҳимоячилар – Вали Келдиев, Рўзиқул Бердиев, Нурали Султонов, Шуҳрат Тошпўлатов
Ҳужумчилар – Константин Боев ва Зафар Холмуродовлар
Мураббийлар: Норқул Даминов, Камолиддин Кенжаев
“Қашқадарё футбол юлдузлари” жамоаси таркиби:
Дарвозабонлар – Элдор Суюнов, Санжар Қувватов
Ҳимоячилар – Шоҳруҳ Гадоев, Шерзод Аъзамов, Отабек Шукуров
Ярим ҳимоячилар – Фаррух Сайфиев, Шуҳрат Муҳаммадиев, Зоҳир Қўзибоев
Ҳужумчилар – Кенжа Тўраев, Зафар Полвонов
Мураббий: Зоир Тўрақулов
Дастур доирасида шунингдек Қашқадарёлик таниқли санъаткор Алижон Исоқов ўзининг дилга яқин қўшиқ ва куйлари билан тадбир иштирокчиларининг хизматида бўлади.
Ушбу тадбирда барча ҳоҳлаган ишқибозлар иштирок этишлари мумкин ва ўзларининг имконлари доирасида хайрия акциясига ўз улушларини қўшиш имкони ҳам бўлади.
Хайрия тадбири 22 ноябрь шанба куни Қарши шаҳридаги “Геолог” спорт мажмуасида соат 15:00да бошланади.
Хайрия акциясининг Қашқадарё вилояти бўйича вакили - voha.uz сайти маъмури Зиёдулла Сафаров
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
