Навоий шаҳридаги НКМК спорт мажмуасида уч кун давомида кураш бўйича Ўзбекистон чемпионати беллашувлари ўтказилди.
Жорий йилги спорт мавсумини очиб берган мусобақада барча ҳудудлардан 800дан зиёд полвонлар ғолиблик учун бел олишди.
Мусобақанинг дастлабки кунида енгил вазн, иккинчи кунида эса ўрта вазн тоифаларида ғолиблар аниқланган бўлса, бугун оғир вазнли курашчилар орасида Ўзбекистон чемпионлари маълум бўлди.
Аёллар ўртасида 87 кг.гача бўлган вазн тоифасида хоразмлик Раҳима Йўлдошева олтин медалга сазовор бўлди. У финалда самарқандлик Ойбарчин Абдурашидовадан устун келди. Ушбу вазн тоифасида бронза медаллари мезбон спортчи Гулчеҳра Бобониёзова ҳамда Андижон вилояти вакиласи Гуласал Ҳайдароваларга насиб этди.