"Реал" ниҳоят мавсумдаги саккизинчи Мадрид дербисига келиб ғалаба қозонишнинг уддасидан чиқди. "Атлетико" устидан қозонилган ушбу ғалаба "Қироллик клуби"ни Европа чемпионлар лигасининг ярим финалига олиб чиқди!
"Атлетико" ўша-ўша ўйин услубига содиқ қолган ҳолда ҳимоявий ўйин қилиш билан биргаликда, рақиб футболчиларини ҳам аяб ўтирмади. Натижада Арда Туран иккинчи бўлимда иккинчи сариқ карточкани олди ва майдонни тарк этди. Ушбу четлатиш ҳам ўйинга ўз таъсирини кўрсатмай қолмади.
Мезбонлар бунгача ҳам 3та жуда зўр имкониятлардан фойдалана олишмаганди. Роналду ва икки марта Хавьер Эрнандес бирга бир вазиятда Ян Облакни доғда қолдира олишмади. Ўйин тугашига 2 дақиқа қолганда ниҳоят, "Атлетико" дарвозаси ишғол қилинди. Ўнг қанотда Роналду Хамес билан "девор" ўйнаб жарима майдончасига кириб, қулай вазиятда турган Чичаритога ўз вақтида узатма берди. Мексикалик ҳужумчи дарвозабон ва ҳимоячи орасида тўпни дарвозага йўллади!
Модрич, Бэйл, Бензема ва Марселонинг йўқлиги "Реал" ўйинига салбий таъсир кўрсатди. Аммо Анчелотти шогирдлари ғалабага ишонган ҳолда ўйнашди ва ашаддий рақиблари устидан ғалаба қозонишди.
Демак, ЕЧЛ ярим финалчиларининг барчаси аниқ бўлди — "Барселона", "Бавария", "Реал Мадрид" ва "Ювентус"! Буёғига барча ўйинлар даҳшатли бўлади!
ЕЧЛ, 1/4 финал, жавоб ўйинлари
Реал Мадрид Испания – Атлетико Испания 1:0 (0:0, 1:0)
Гол: 1:0 – 88 Эрнандес.
Реал Мадрид – Касильяс, Рамос, Варан, Пепе, Коэнтрау (Арбелоа, 90), Карвахаль, Иско (Ильярраменди, 90), Хамес, Кроос, Эрнандес (Хесе, 90), Роналду.
Атлетико – Облак, Хуанфран, Миранда, Годин, Гамес, Коке, Тиагу (Хименес, 86), Сауль (Габи, 46), Туран, Гризманн (Гарсия, 65), Манжукич.
Огоҳлантиришлар: Туран (31), Пепе (74), Гарсия (74), Арбелоа (90), Коке (90).
Четлатиш: Туран (76).
Биринчи ўйин – 0:0.
Монако Монако – Ювентус Италия 0:0 (0:0, 0:0)
Монако – Субашич, Раджи, Курзава, Фабиньо, Абденнур, Кондогбиа, Тулалан (Бербатов, 46), Бернарду Силва, Моутинью, Феррейра Карраско (Матеус Карвальо, 87), Мартиаль (Жермен, 76).
Ювентус – Буффон, Кьеллини, Бонуччи, Бардзальи, Эвра (Падоин, 90), Маркизио, Видаль (Перейра, 77), Пирло, Лихтштайнер, Мората (Льоренте, 69), Тевес.
Огоҳлантиришлар: Кьеллини (1), Бернарду Силва (50), Кондогбиа (76), Тевес (86).
Биринчи ўйин– 0:1.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
